¹ וזאת תורת האשם קדש קדשים הוא׃

² במקום אשר ישחטו את העלה ישחטו את האשם ואת דמו יזרק על המזבח סביב׃

³ ואת כל חלבו יקריב ממנו את האליה ואת החלב המכסה את הקרב׃

⁴ ואת שתי הכלית ואת החלב אשר עליהן אשר על הכסלים ואת היתרת על הכבד על הכלית יסירנה׃

⁵ והקטיר אתם הכהן המזבחה אשה ליהוה אשם הוא׃

⁶ כל זכר בכהנים יאכלנו במקום קדוש יאכל קדש קדשים הוא׃

⁷ כחטאת כאשם תורה אחת להם הכהן אשר יכפר בו לו יהיה׃

⁸ והכהן המקריב את עלת איש עור העלה אשר הקריב לכהן לו יהיה׃

⁹ וכל מנחה אשר תאפה בתנור וכל נעשה במרחשת ועל מחבת לכהן המקריב אתה לו תהיה׃

¹⁰ וכל מנחה בלולה בשמן וחרבה לכל בני אהרן תהיה איש כאחיו׃

¹¹ וזאת תורת זבח השלמים אשר יקריב ליהוה׃

¹² אם על תודה יקריבנו והקריב על זבח התודה חלות מצות בלולת בשמן ורקיקי מצות משחים בשמן וסלת מרבכת חלת בלולת בשמן׃

¹³ על חלת לחם חמץ יקריב קרבנו על זבח תודת שלמיו׃

¹⁴ והקריב ממנו אחד מכל קרבן תרומה ליהוה לכהן הזרק את דם השלמים לו יהיה׃

¹⁵ ובשר זבח תודת שלמיו ביום קרבנו יאכל לא יניח ממנו עד בקר׃

¹⁶ ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל׃

¹⁷ והנותר מבשר הזבח ביום השלישי באש ישרף׃

¹⁸ ואם האכל יאכל מבשר זבח שלמיו ביום השלישי לא ירצה המקריב אתו לא יחשב לו פגול יהיה והנפש האכלת ממנו עונה תשא׃

¹⁹ והבשר אשר יגע בכל טמא לא יאכל באש ישרף והבשר כל טהור יאכל בשר׃

²⁰ והנפש אשר תאכל בשר מזבח השלמים אשר ליהוה וטמאתו עליו ונכרתה הנפש ההוא מעמיה׃

²¹ ונפש כי תגע בכל טמא בטמאת אדם או בבהמה טמאה או בכל שקץ טמא ואכל מבשר זבח השלמים אשר ליהוה ונכרתה הנפש ההוא מעמיה׃

²² וידבר יהוה אל משה לאמר׃

²³ דבר אל בני ישראל לאמר כל חלב שור וכשב ועז לא תאכלו׃

²⁴ וחלב נבלה וחלב טרפה יעשה לכל מלאכה ואכל לא תאכלהו׃

²⁵ כי כל אכל חלב מן הבהמה אשר יקריב ממנה אשה ליהוה ונכרתה הנפש האכלת מעמיה׃

²⁶ וכל דם לא תאכלו בכל מושבתיכם לעוף ולבהמה׃

²⁷ כל נפש אשר תאכל כל דם ונכרתה הנפש ההוא מעמיה׃

²⁸ וידבר יהוה אל משה לאמר׃

²⁹ דבר אל בני ישראל לאמר המקריב את זבח שלמיו ליהוה יביא את קרבנו ליהוה מזבח שלמיו׃

³⁰ ידיו תביאינה את אשי יהוה את החלב על החזה יביאנו את החזה להניף אתו תנופה לפני יהוה׃

³¹ והקטיר הכהן את החלב המזבחה והיה החזה לאהרן ולבניו׃

³² ואת שוק הימין תתנו תרומה לכהן מזבחי שלמיכם׃

³³ המקריב את דם השלמים ואת החלב מבני אהרן לו תהיה שוק הימין למנה׃

³⁴ כי את חזה התנופה ואת שוק התרומה לקחתי מאת בני ישראל מזבחי שלמיהם ואתן אתם לאהרן הכהן ולבניו לחק עולם מאת בני ישראל׃

³⁵ זאת משחת אהרן ומשחת בניו מאשי יהוה ביום הקריב אתם לכהן ליהוה׃

³⁶ אשר צוה יהוה לתת להם ביום משחו אתם מאת בני ישראל חקת עולם לדרתם׃

³⁷ זאת התורה לעלה למנחה ולחטאת ולאשם ולמלואים ולזבח השלמים׃

³⁸ אשר צוה יהוה את משה בהר סיני ביום צותו את בני ישראל להקריב את קרבניהם ליהוה במדבר סיני׃

⁵ "You shall take fine flour, and bake twelve cakes of it: two tenth parts of an ephah shall be in one cake.

⁶ You shall set them in two rows, six on a row, on the pure gold table before Yahweh.

⁷ You shall put pure frankincense on each row, that it may be to the bread for a memorial, even an offering made by fire to Yahweh.

⁸ Every Sabbath day he shall set it in order before Yahweh continually. It is on the behalf of the children of Israel an everlasting covenant.

⁹ It shall be for Aaron and his sons; and they shall eat it in a holy place: for it is most holy to him of the offerings of Yahweh made by fire by a perpetual statute."