10421. ‘Quem ascendere fecisti e terra Aegypti’: quod significet quem credideras duxisse ad Divinum, constat ex significatione ‘ascendere facere e terra Aegypti’ quod sit ab externo ad internum elevare, ita ducere ad Divinum, nam per ‘ascendere facere’ significatur ¹ elevare ab externo ad internum, et per ‘Aegyptum’ significatur naturalis seu externus homo, a quo elevatio; quod ‘ascendere facere’ sit elevare ab externo ad internum, videatur n. 3084, 4539, 4969, 5406, 5817, et quod ‘Aegyptus’ sit naturale seu externum in locis citatis n. 9391.

Voetnoten: