1
Hy ABEIPA, na pathi-iapa ta na ra leipa la, na hiehâhpa ta na chhorei hra khah y.
2
Hy ABEIPA, ei chôta zawh nâ ngiah mah y, ei thachhâ tlôh ta; hy ABEIPA, na patlâh mah y, ei ruzy he pasa khai tlôh ta.
3
Ei hrona chhao he a nôpo ngâsâ kaw na. Hy ABEIPA, khachâ e einâ heisai aw chi?
4
Hy ABEIPA, a vaw heih la, ei hrona pachha mah y; na kyhpachâna vâta na pachha mah y.
5
Thina liata cha nâma pahnona rai y tlôh leipa ta; Sheôl liana cha ahy e cha reithai aw?
6
Ei hrona ta ei thachhâ ta; zâ chareih ei rakhô cha mothlih ta phaoh pahai ta; ei ziana rakhô cha mothlih ta a padâ.
7
Ei mo he pachârôhna vâta rao khai ha ta. nâ dyuhtuhpa zy vâta chieh lei via ngâ tlôh ta.
8
Nâmo hmo moleipa taotuhpa zydua saih u, na siesai teh u; ABEIPA chata ei chana ao thei ha tlôh ta.
9
ABEIPA chata ei hiana cha thei ha ta; ABEIPA chata ei thlahchhâna cha â pyh aw.
10
Na khakhaipa zydua cha nozapa ta thata amâ tyhrei aw; kua heih aw ei ta, sôkhata ama maohphyu aw.