1
Mawsi ta achhyna byureih cha a padua khai nahta, sathaw thu ta, pathai ta, a hmodâh zydua nata a maisâh nata a hmobao zydua sathaw thu ta, a pathai no chata.
2
Izarel sahlao chhihthatuhpa ama chhôhkha pawhrâhpazy chata hmohlâpa hlâ ei ta, cha sahlao cha ama pho chhihthatuhpazy ama reipa sahlaozy chô liata a ypa châ ei ta.
3
ama hmohlâpazy cha talaili a chô a hneipa miacharu nata viahchao tôhpa pô hrawhleino, chhihthatuhpa pano ta talaili miakha lymâ, pakha ta viahchao tôhpa pô kha lymâ, ABEIPA hmiakô liata vaw cheih ei ta; achhyna byureih kiapâh liana chata vaw hlâ ei ta.
4
ABEIPA ta Mawsi chho ta.
5
Ahmaohpakhyna poh-o raihria châta phahnai aw ta, vaw la mah y, Livai sahlao ama raihria yzie lymâ hawhta na pie chyu aw,” tahpa ta.
6
Chatanachata Mawsi ta talaili nata viahchao tôhpazy cha la ta, Livai sahlaozy cha pie ta.
7
Talaili miano nata viahchao tôhpa pô palih cha Kasao sawchapapazy cha ama raihria yzie lymâ hawhta pie ta;
8
talaili miapalih nata viahchao tôhpa pô charie cha theihthaipa Arawna sawchapawpa Ithama nata Merari sawchapawpazy cha ama raihria yzie lymâ hawhta pie ta.
9
Koha sawchapawpazy deikua cha pie vei, su pathaihpa raihria cha ama tovyuh châ ta, a sy tyhpa ama châ.
10
Chhihthatuhpazy chata sathaw thu noh liana chata maisâh hlâ nawpa ta ama hmohlâpazy cha maisâh kiapâh liata hlâ ei ta.
11
ABEIPA ta Mawsi hnohta, “Chhihthatuhpa to ta maisâh hlâ nawpa ta ama hmohlâpa cha, nohto â pazipa ta ama hlâ awpa a châ,” tah ta.
12
Noh kha noh liata a hmohlâpa a hlâtuh awpa cha Zudah chi Aminada sawchapawpa Nashona châ ta.
13
a hmohlâpa cha tâkâri beihkoh miakha, â hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
14
sekel miahraw tluta a hripa rohpahâhpa ta a biepa ngôh phiahthla miakha.
15
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
16
molei atheihna châta mie tôhpa pô kha.
17
adyhna atheihna hlâna châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh. Hezy he Aminada sawchapawpa Nashona hmohlâpazy cha a châ.
18
Noh nona liana chata Iskara sahlao chhihthatuhpa Zuara sawchapawpa Nethanel chata hlâ ta.
19
a hmohlâpa chata tâkâri beihkoh miakha a hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
20
sekel miahraw tluta a hripa rohpahâhpa ta a biepa ngôh phiahthla miakha.
21
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
22
molei atheihna châta mie tôhpa pô kha.
23
adyhna atheihna hlâna châta viahchao tôhpa pô no, mietahkupa tôhpa pô pangawh, mie tôhpa pô pangawh, mie taw a chapawpa kô khapa pô pangawh, Hezy he Zuara sawchapawpa Nethanel hmohlâpazy cha a châ.
24
Noh thôhna liana chata Zebulawna pathlazy chhihthatuhpa Helawna sawchapawpa Eliaba chata hlâ ta.
25
a hmohlâpa cha tâkâri beihko miakha a hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
26
sekel miahraw tluta a hripa rohpahâhpa ta a biepa ngôh phiahthla miakha.
27
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
28
molei atheihna châta mie tôhpa pô kha.
29
adyhna atheihna hlâna châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh. Hezy he Helawna sawchapawpa Eliaba hmohlâpazy cha a châ.
30
Noh palihna liana chata Rubena pathlazy chhihthatuhpa Shedia sawchapawpa Elizua chata hlâ ta.
31
a hmohlâpa cha tâkâri beihko miakha a hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa a bie rairiehpa.
32
sekel miahraw tluta a hripa rohpahâhpa ta a biepa ngôh phiahthla miakha.
33
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
34
molei atheihna châta mie tôhpa pô kha.
35
adyhna atheihna hlâna châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw chapawpa kô khapa pô pangawh. Hezy he Shedia sawchapawpa Elizua hmohlâpazy cha a châ.
36
Noh pangawhna liana chata Simeona pathlazy chhihthatuhpa Zurishadai sawchapawpa Shelumiel chata hlâ ta;
37
a hmohlâpa cha tâkâri beihko miakha a hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
38
sekel miahraw tluta a hripa rohpahâhpa ta a biepa ngôh phiahthla miakha.
39
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
40
molei atheihna châta mie tôhpa pô kha.
41
adyhna atheihna hlâna châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh. Hezy he Zurishadai sawchapawpa Shelumiel hmohlâpazy cha a châ.
42
Noh charuna liana chata Kada pathlazy chhihthatuhpa Deuel sawchapawpa Eliasapha chata hlâ ta.
43
a hmohlâpa cha tâkâri beihko miakha, a hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
44
sekel miahraw tluta a hripa rohpahâhpa ta a biepa ngôh phiahthla.
45
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
46
molei atheihna châta mie tôhpa pô kha;
47
adyhna atheihna hmohlâpa châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh. Hezy he Deuel sawchapawpa Eliasapha hmohlâpazy cha a châ.
48
Noh sarina liana chata Ephrai pathlazy chhihthatuhpa Amihu sawchapawpa Elisama chata hlâ ta.
49
a hmohlâpa cha tâkâri beihko miakha, â hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
50
sekel miahraw tluta â hripa rohpahâhpa ta a biepa ngôh phiahthla miakha.
51
raopa hlâna châta viahchao tôh dawpa pô kha mietahkupa tôhpa pô kha, mietahkupa taw chapawpa kô khapa pô kha.
52
molei atheihna châta mie tôhpa pô kha.
53
adyhna atheihna hmohlâpa châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh. Hezy he Amihu sawchapawpa Elisama hmohlâpazy cha a châ.
54
Noh chariena liana chata Manase pathlazy chhihthatuhpa Pedazu sawchapawpa Kamaliel chata hlâ ta:
55
a hmohlâpa cha tâkâri beihko miakha, â hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
56
sekel miahraw tluta a hripa rohpahâhpa ta a biepa ngôh phiahthla miakha.
57
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
58
molei atheihna châta mie tôhpa pô kha.
59
adyhna atheihna hmohlâpa châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh. Hezy he Pedazu sawchapawpa Kamaliel hmohlâpazy cha a châ.
60
Noh chakina liana chata Benzami pathlazy chhihthatuhpa Kidioni sawchapawpa Abidana chata hlâ ta.
61
a hmohlâpa cha tâkâri beihko miakha, a hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
62
sekel miahraw tluta a hripa rohpahâhpa ta a biepa ngôh phiahthla miakha.
63
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
64
molei atheihna châta mie tôhpa pô kha.
65
adyhna atheihna hmohlâpa châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh. Hezy he Kidioni sawchapawpa Abidana hmohlâpazy cha a châ.
66
Noh hrawhna liana chata Dana pathlazy chhihthatuhpa Amishadai sawchapawpa Ahieza chata hlâ ta.
67
a hmohlâpa cha tâkâri beihko miakha, a hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
68
sekel miahrawh tluta a hripa rohpahâhpa ta*a biepa ngôh phiahthla miakha;
69
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
70
molei atheihna châta mie tôhpa pô kha.
71
adyhna atheihna hmohlâpa châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh. Hezy he Amishadai sawchapawpa Ahieza hmohlâpazy cha a châ.
72
Noh hrawhleikhana liana chata Asera pathlazy chhihthatuhpa Okra sawchapawpa Pakiel chata hlâ ta.
73
a hmohlâpa cha tâkâri beihko miakha, a hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
74
sekel miahrawh tluta a hripa rohpahâhpa ta a biepa ngôh phiahthla miakha.
75
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
76
molei atheihna châta mie tôhpa pô kha.
77
adyhna atheihna hmohlâpa châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh, Hezy he Okra sawchapawpa Pakiel hmohlâpazy cha a châ.
78
Noh hrawhleinona liana chata Nathalai pathlazy chhihthatuhpa Ena sawchapawpa Ahira chata hlâ ta; a hmohlâpa cha tâkâri beihko miakha, a hrina lâ sekel za kha nata sythôh, sekel sysari tluta a hripa tâkâri biebuh miakha, su pathaihpa liata sekel hawhta, niepa hlâna châta sathaw pahlaopa viahdie di ngaitapa ta a bie rairiehpa.
80
sekel miahrawh tluta a hripa rohpahâhpa ta a biepa ngôh phiahthla miakha.
81
raopa hlâna châta viahchao tôh dawpa pô kha, mietahkupa tôhpa pô kha, mietahkupa taw a chapawpa kô khapa pô kha.
82
molei atheihna châta mie tôhpa pô kha.
83
adyhna atheihna hmohlâpa châta viahchao tôhpa pô no, mietahkupa tôhpa pô pangawh, mie tôhpa pô pangawh, mietahkupa taw a chapawpa kô khapa pô pangawh. Hezy he Ena sawchapawpa Ahira hmohlâpazy cha a châ.
84
He he maisâh sathaw thu no liata Izarel chhihthatuhpa sahlao hmohlâpazy cha tâkâri beihko miahrawhleino, tâkâri biebuh miahrawhleino, ngôh phiahthla miahrawhleino châ ta.
85
tâkâri beihko cha sekel za kha nata sythôh tluta a hripa sai châ ta, biebuh cha sysari sai a châ, tâkâri hmobao zydua cha su pathaihpa liata sekel sâh no nata za palih tluta a hripa a châ.
86
rohpahâhpa ta a biepa ngôh phiahthla miahrawhleino cha, su pathaihpa liata sekel miahraw tluta a hripa sai a châ, ngôh phiahthla zydua cha sekel za kha nata syno tluta a hripa a châ.
87
raopa hlâna châta viahchao tôhpa zydua cha pô hrawhleino châ ta, mietahkupa tôhpa pô hrawhleino, mietahkupa taw a chapawpa kô khapa pô hrawhleino, ama niepa hlânazy chhaota; molei atheihna châta mie tôhpa pô hrawhleino.
88
adyhna atheihna hmohlâpa châta viahchao cha, viahchao tôhpa syno nata pô palih cha ta, mietahkupa tôhpa cha sycharu, mie tôhpa cha sycharu, mietahkupa taw a chapawpa kô khapa cha sycharu a châ. He he sathaw thu khai tawhta maisâh hlâ nawpa ta hmo piepazy cha a châ.
89
Chatanachata ahmaohpakhyna poh-o liata ano bie a chho awpa ta Mawsi â ngia nota Biehrai Byh chô liata zawngiahna dyuchhai chô lâta cherubi miano likawh tawhna chata ano bie a vaw chhopa ta ao cha thei ta; chatawhcha bie a chho haw ta.
