569. Vers. 2. Et viderunt filii Dei filias hominis, quod bonae illae, et acceperunt sibi uxores ab omnibus quas eligebant. Per ‘filios Dei’ significantur doctrinalia fidei: per ‘filias’ hic ut prius, cupiditates: ‘quod filii Dei viderint filias hominis quod bonae, et acceperint sibi uxores ab omnibus quas eligebant’ significat quod doctrinalia fidei conjunxerint cum cupiditatibus, et quidem cum quibuscumque.