¹ ויהי דבר יהוה אלי לאמר׃

² בן אדם הנבא ואמרת כה אמר אדני יהוה הילילו הה ליום׃

³ כי קרוב יום וקרוב יום ליהוה יום ענן עת גוים יהיה׃

⁴ ובאה חרב במצרים והיתה חלחלה בכוש בנפל חלל במצרים ולקחו המונה ונהרסו יסודתיה׃

⁵ כוש ופוט ולוד וכל הערב וכוב ובני ארץ הברית אתם בחרב יפלו׃

⁶ כה אמר יהוה ונפלו סמכי מצרים וירד גאון עזה ממגדל סונה בחרב יפלו בה נאם אדני יהוה׃

⁷ ונשמו בתוך ארצות נשמות ועריו בתוך ערים נחרבות תהיינה׃

⁸ וידעו כי אני יהוה בתתי אש במצרים ונשברו כל עזריה׃

⁹ ביום ההוא יצאו מלאכים מלפני בצים להחריד את כוש בטח והיתה חלחלה בהם ביום מצרים כי הנה באה׃

¹⁰ כה אמר אדני יהוה והשבתי את המון מצרים ביד נבוכדראצר מלך בבל׃

¹¹ הוא ועמו אתו עריצי גוים מובאים לשחת הארץ והריקו חרבותם על מצרים ומלאו את הארץ חלל׃

¹² ונתתי יארים חרבה ומכרתי את הארץ ביד רעים והשמתי ארץ ומלאה ביד זרים אני יהוה דברתי׃

¹³ כה אמר אדני יהוה והאבדתי גלולים והשבתי אלילים מנף ונשיא מארץ מצרים לא יהיה עוד ונתתי יראה בארץ מצרים׃

¹⁴ והשמתי את פתרוס ונתתי אש בצען ועשיתי שפטים בנא׃

¹⁵ ושפכתי חמתי על סין מעוז מצרים והכרתי את המון נא׃

¹⁶ ונתתי אש במצרים חול תחיל סין ונא תהיה להבקע ונף צרי יומם׃

¹⁷ בחורי און ופי בסת בחרב יפלו והנה בשבי תלכנה׃

¹⁸ ובתחפנחס חשך היום בשברי שם את מטות מצרים ונשבת בה גאון עזה היא ענן יכסנה ובנותיה בשבי תלכנה׃

¹⁹ ועשיתי שפטים במצרים וידעו כי אני יהוה׃

²⁰ ויהי באחת עשרה שנה בראשון בשבעה לחדש היה דבר יהוה אלי לאמר׃

²¹ בן אדם את זרוע פרעה מלך מצרים שברתי והנה לא חבשה לתת רפאות לשום חתול לחבשה לחזקה לתפש בחרב׃

²² לכן כה אמר אדני יהוה הנני אל פרעה מלך מצרים ושברתי את זרעתיו את החזקה ואת הנשברת והפלתי את החרב מידו׃

²³ והפצותי את מצרים בגוים וזריתם בארצות׃

²⁴ וחזקתי את זרעות מלך בבל ונתתי את חרבי בידו ושברתי את זרעות פרעה ונאק נאקות חלל לפניו׃

²⁵ והחזקתי את זרעות מלך בבל וזרעות פרעה תפלנה וידעו כי אני יהוה בתתי חרבי ביד מלך בבל ונטה אותה אל ארץ מצרים׃

²⁶ והפצותי את מצרים בגוים וזריתי אותם בארצות וידעו כי אני יהוה׃

⁸ ויהי דבר יהוה אל ירמיהו בתחפנחס לאמר׃

⁸ Then he said to me, These waters issue forth toward the eastern region, and shall go down into the Arabah; and they shall go toward the sea; into the sea [shall the waters go] which were made to issue forth; and the waters shall be healed.

⁹ It shall happen, that every living creature which swarms, in every place where the rivers come, shall live; and there shall be a very great multitude of fish; for these waters are come there, and [the waters of the sea] shall be healed, and everything shall live wherever the river comes.

¹⁰ It shall happen, that fishermen shall stand by it: from En Gedi even to En Eglaim shall be a place for the spreading of nets; their fish shall be after their kinds, as the fish of the great sea, exceeding many.

¹¹ But the miry places of it, and its marshes, shall not be healed; they shall be given up to salt.