Arcana Coelestia #3163
3163. ‘Fuit, ut audivit servus Abrahami verba illorum, et incurvavit se ad terram Jehovae’: quod significet perceptionem gaudii in naturali homine, constat a significatione ‘audire verba’ quod sit percipere, a repraesentatione ‘servi Abrahami’ quod sit in genere naturalis homo quatenus inservit rationali, hic Divino, de qua n. 3019, 3020; et a significatione ‘incurvare se Jehovae’ quod sit gaudere, de qua n. 2927, 2950, 3118.