7680. ‘Toto die illo et tota nocte illa’: quod significet omne perceptionis, tam obscurae quam non obscurae, apud infestantes, nempe quod destructum, constat ex significatione ‘diei’ quod sit status perceptionis non obscurae; et ex significatione ‘noctis’ quod sit status perceptionis obscurae; nam tempora diei, ut mane, meridies, vespera, et nox, correspondent illustrationibus quae sunt intelligentiae et sapientiae, n. 5672, 6110, ita perceptionibus; in genere dies et nox perceptiones dicuntur, non illustrationes, quia malis qui infestant non est illustratio, sed usque est perceptio; sed tamdiu illis est perceptio, quamdiu apud illos aliquid cognitionis veri et boni ¹ ab Ecclesia in qua vixerant remanet, nam per verum et bonum communicant cum illis qui in caelo; at cum deprivati sunt cognitionibus illis, ² quod fit quando devastati sunt, ³ tunc non amplius illis est aliqua perceptio; possunt quidem infernales confirmare sua mala et quoque sua falsa; sed hoc non est perceptio; ⁴ perceptio est videre quod verum sit verum et bonum bonum, tum quod malum sit malum et falsum falsum, sed non perceptio est videre verum ut falsum, ac bonum ut malum, ⁵ }tum vicissim, malum ut bonum, et falsum ut verum; ⁶ illis qui hoc faciunt loco perceptionis est phantasia, quae facit apparentiam perceptionis, ⁷ per quod tales sciant confirmare falsa et mala per talia quae ⁸ sensibus obvia sunt et concupiscentiis favent ⁹ .

Бележки под линия:

6238. ‘Sicut Reuben et Shimeon erunt mihi’: quod significet quod erunt verum et bonum veri, constat ex repraesentatione ‘Reubenis’ quod sit fides intellectu, ac verum doctrinae per quod ad bonum vitae perveniri potest, de qua n. 3861, 3866, ita in genere verum quod intellectualis; et ex repraesentatione ‘Shimeonis’ quod sit fides voluntate, proinde verum actu, quod est bonum fidei seu bonum veri, de qua n. 3869-3872, 4497, 4502, 4503, 5626, 5630, ita in genere bonum quod est novi voluntarii; quod ¹ his similia sint quae repraesentantur per ‘Ephraimum et Menashen’, constat;

[2] sed quia Reuben suum repraesentativum profanavit, n. 4601, et quoque Shimeon suum foedavit, n. 4497, 4502, 4503, ac propterea maledicti sunt, cap. seq. vers. 3-7, ideo suam primogenituram perdiderunt et loco eorum pro primogenitis ² agniti filii Josephi, Ephraim et Menasheh, 1 Chron. 5:1;

at usque apud Reubenem et Shimeonem permansit repraesentativum, nam perinde est qualis persona sit quae repraesentat, n. 665, 1097 fin. , 4281, nempe permansit repraesentativum fidei intellectu apud Reubenem, et repraesentativum fidei voluntate apud Shimeonem; at ³ apud Ephraimum fuit repraesentativum intellectualis Ecclesiae, et ³ apud Menashen repraesentativum voluntarii Ecclesiae.

Бележки под линия: