Arcana Coelestia #8403
8403. ‘Et murmurabant omnis coetus filiorum Israelis’: quod significet indolentiam et [inde] querimoniam propter tentationis gravitatem, constat ex significatione ‘murmurare’ quod sit indolentia ex tentationis acerbitate, et querimonia, de qua n. 8351; ‘coetus filiorum Israelis’ sunt qui ab Ecclesia spirituali, ut supra n. 8398. Agitur hic de tertia tentatione, quae est propter defectum jucundi et boni, quae tentatio succedit priori in serie, quae fuit propter defectum veri.
[2] Qui non instructi sunt de regeneratione hominis autumant quod homo regenerari queat absque tentatione, et quidam quod regeneratus sit quando unam tentationem subierat; sed sciendum quod absque tentatione nullus regeneretur, et quod plures tentationes succedant una post alteram; causa est quia regeneratio fit ob 1 finem ut vita veteris hominis moriatur, et vita nova quae caelestis insinuetur; inde constare potest quod omnino pugna erit, vita enim veteris hominis resistit, nec vult exstingui, et vita novi hominis non potest intrare nisi ubi vita veteris exstincta est; inde patet quod utrinque pugna sit, et ardens, quia pro vita;
[3] qui ex rationali illustrato cogitat, inde potest videre et percipere quod regenerari nequeat homo absque pugna, hoc est, absque tentatione spirituali; tum quoque quod non regeneretur per unam tentationem sed per plures; sunt enim perplura genera mali quae jucundum vitae prioris, hoc est, vitam veterem, fecerunt; omnia illa mala non possunt semel et simul domari, inhaerent enim pertinaciter, nam irradicata sunt 2 parentibus a multis retro saeculis, et inde innata homini, et confirmata per 3 actualia mala ex semet ab infantia; haec mala omnia sunt e diametro opposita bono caelesti quod insinuandum, et quod faciet vitam 4 novam 5 .
Бележки под линия:
1. The Manuscript inserts illum.
2. The Manuscript places this after saeculis.
3. The editors of the third Latin edition made a minor correction here. For details, see the end of the appropriate volume of that edition.
4. The editors of the third Latin edition made a minor correction here. For details, see the end of the appropriate volume of that edition.
5. The Manuscript inserts, inde acerbitas pugnae.
Arcana Coelestia #8398
8398. ‘Et venerunt omnis coetus filiorum Israelis ad desertum Sin’: quod significet ad statum alium tentationis, constat ex significatione ‘venire’ quod sit statio successivi quod per ‘proficisci’ n. 1 8397 significatur, ex significatione ‘coetus filiorum Israelis’ quod sint qui ab Ecclesia spirituali, de qua n. 7843, ex significatione ‘deserti’ quod sit status subeundi tentationes, de qua n. 8098, et ex significatione ‘Sin’ quod sit quale illius status, nomina enim includunt omne quale status rei, de qua agitur, ut supra passim ostensum. Ex tentatione 2 quae significatur per murmurationem propter defectum panis et carnis, et ex consolatione dein, quae significatur per ‘mannam’ et ‘selav’, constare potest quid ‘Sin’ significat, quod nempe bonum quod ex vero; inde Sin, quae urbs Aegypti a qua desertum Sin nomen accepit, in opposito sensu significat malum quod ex falso:
apud Ezechielem,
Effundam excandescentiam Meam super Sin robur Aegypti, et exscindam multitudinem No; et dabo ignem in Aegypto; dolendo dolebit Sin, et No erit ad perrumpendum, et Noph hostibus quotidie; juvenes Aven et 3 Pi-Beseth gladio cadent, et illae in captivitatem abibunt; et in 4 Thechapneches obtenebratus dies erit, quando fregero ibi juga Aegypti, 30:15-18;
[2] agitur hic de illis qui in scientificis sunt, et inde excludunt falsa ex quibus mala; ‘Aegyptus’ ibi est scientificum, ‘Sin’ est malum quod ex falso, et ‘No’ est falsum ex quo malum; quod altior hic sensus lateat quam qui in littera exstat, cuivis constare potest solum ex eo quod Verbum Divinum sit; nisi sensus 5 inibi altior, vix aliquis qui capi 6 potest foret, minus sensus in quo sanctum; inde patet manifeste quod nomina ibi sint res, et quod ex illis resultet sensus communis, qui Verbo, quod ex 7 Jehovah, dignus est; qui Verbum agnoscit Divinum, hoc nequaquam negare potest, modo velit ex ratione cogitare, 8 aut ex intellectu 9 aliquantisper illustrato concludere.
Бележки под линия:
1. The editors of the third Latin edition made a minor correction here. For details, see the end of the appropriate volume of that edition.
2. The Manuscript inserts illorum.
3. The editors of the third Latin edition made a minor correction here. For details, see the end of the appropriate volume of that edition.
4. The editors of the third Latin edition made a minor correction here. For details, see the end of the appropriate volume of that edition.
5. The following two (or in some cases more) words are transposed in the Manuscript.
6. possit
7. Divino
8. et
9. The editors of the third Latin edition made a minor correction here. For details, see the end of the appropriate volume of that edition.
