8834. ‘Et dixit Moscheh ad Jehovam’: quod significet cogitationem veri a Divino, constat ex significatione ‘dicere’ cum ex vero a Divino, quod repraesentatur per ‘Moschen’ quod sit cogitatio, ut quoque n. 3395, 7107, 7244, 7937; dicitur cogitatio veri a Divino, ac intelligitur cogitatio apud illum qui verum a Divino repraesentat; causa quod ita dicatur, est etiam quia verum apud hominem cogitat, et homo apud quem cogitatio est, per verum; nam Dominus influit per bonum in verum et sic dat vitam homini; haec vita apparet in homine ¹ sicut ejus, sed est Domini in vero ex bono apud illum; quia ita est, ² angeli ita loquuntur, nam tribuunt cogitationem vero ex bono abstracte a persona, et sic simul percipiunt unde cogitatio veri; ex his patet qualis loquela est angelica, et quod sit loquela sapientiae.

脚注:

7107. ‘Et dixit Pharao’: quod significet voluntatem illorum qui infestant vera Ecclesiae, constat ex significatione ‘dicere’ quod sit voluntas, de qua sequitur; et ex repraesentatione ‘Pharaonis’ quod sint qui infestant vera Ecclesiae, de qua n. 6651, ¹ 6679, 6683, ita illos qui ab Ecclesia spirituali sunt, nam illi dicuntur in veris Ecclesiae esse; quod ‘dicere’ significet velle seu voluntatem, est quia involvit illa quae sequuntur, nam cum quis vult aliquid, edicit illud; quia ‘dicit’ involvit illa quae sequantur, ² inde varia significat, sicut mandatum, ³ n. 7036; exhortationem, n. 5012, 7033, 7090; communicationem, n. 3060, 4131, 6228; cogitationem, n. 7094; ⁴ proprie perceptionem, n. 1791, 1815, 1819, 1822, 1898, 1919, 2080, 2862, 3509, ⁵ 5687.

脚注: