20. CHRISTUS. SECTIO 2.18

Propter Jehovam Deum tuum, et propter Sanctum Israelis, Esaj. 55:5.

Impius revertatur ad Jehovam, et miserebitur ejus, et ad Deum nostrum, quia multiplicabit condonare, Esaj. 55:7.

Jehovah Zebaoth nomen ejus, et Redemptor tuus Sanctus Israelis, Deus totius terrae vocabitur, Esaj. 54:5.

Praevaricati contra Jehovam, et recessimus a post Deum nostrum, Es. 59:13.

Adducent filios e longinquo, argentum et aurum cum illis, Nomini Jehovae Dei tui, et Sancto Israelis, Esaj. 60:9.

Erit tibi Jehovah in lucem aeternitatis, et Deus tuus in decus tuum, Esaj. 60:19.

Sacerdotes Jehovae vocabimini, ministri Dei nostri, Esaj. 61:6.

Laetando laetabor in Jehovah, exultabit anima mea in Deo meo, Esaj. 61:10.

Surge et illuminare, quia venit Lux tua, et gloria Jehovae super Te exorta est, et ambulabunt gentes ad lucem tuam, et Reges ad splendorem ortus tui, Esaj. 60:1, 3, de Domino in toto illo Capite, vide in articulo de consummatione.

Spiritus Adonai Jehovih super Me, ideo unxit Me Jehovah ad evangelizandum pauperibus, misit Me ad obligandum fractos corde, ad praedicandum captivis libertatem, et vinctis et oculis capto, ad proclamandum annum beneplaciti, et diem vindictae Deo, ad consolandum omnes lugentes, Esaj. 61:1, 2, in toto illo Capite de adventu Domini.

Ad proclamandum annum beneplaciti Jehovae, et diem vindictae Deo nostro, Esaj. 61:2.

Adonai Jehovih progerminare faciet justitiam et laudem coram omnibus gentibus, Esaj. 61:11, de Domino.

Juravit Jehovah per dextram suam et per brachium roboris sui, Esaj. 62:8.

Dicite filiae Zionis, ecce Salus tua venit, ecce merces ejus cum illo, et pretium operae coram Ipso, Esaj. 62:11.

Quis hic venit ex Edom, conspersus vestes ex Bozra, incedens in multitudine roboris sui, magnus ad salvandum, Esaj. 63:1 seq: de pugna Domini contra inferna, et de eorum subjugatione et sic redemptione fidelium, quare dicitur, dies vindictae in corde meo, et annus redemptorum meorum venit, ideo factus est illis in Salvatorem; tum angelus facierum Jehovae liberavit eos, et hic redemit eos, vers. 4, 8, 9.