5776. ‘Domum Josephi’: quod significet communicationem cum interno, constat a significatione ‘intrare domum’ quod sit communicatio; et ex repraesentatione ‘Josephi’ quod sit internum, de qua n. 5469. ‘Intrare domum’ quod sit communicatio, est quia per ‘domum’ significatur ipse homo, n. 3128, 5023, ita quod facit hominem, nempe ejus mens cum vero et bono ¹ , n. 3538, 4973, 5023, quapropter cum dicitur ‘intrare domum’, est intrare in ejus mentem, ita communicationem habere.

Фусноте:

5779. ‘Et dixit ad illos Joseph’: quod significet perceptionem tunc illorum, constat a significatione ‘dicere’ quod sit perceptio; quod sit perceptio illorum, est quia ‘Joseph’ dicit, et per ‘Josephum’ repraesentatur internum, et ab interno, hoc est, per internum a Domino venit omnis perceptio, aliunde nusquam venit, ne quidem sensatio; apparet quod sensatio ut et apperceptio ¹ veniant ex influxu ab externo, sed est fallacia; internum enim est quod ² sentit per externum, sensus in corpore positi non sunt nisi quam organa seu instrumenta inservientia interno homini, ut is ³ sentiat quae in mundo, quapropter influit internum in externum ut sentiat, ob finem ut inde appercipiat et perficiatur; ⁴ non autem vice versa.

Фусноте: