7565. ‘Et reliquit servos suos et pecus suum in agro’: quod significet quod non recondita et reservata sint, constat ex significatione ‘relinqui in agro’ quod sit perire a falsis e malis, quae significantur per ‘grandinem ex qua ¹ morerentur’, n. 7559-7561; haec sunt quae non recondita et reservata sunt, et sunt illa vera et bona quae non Domini sunt, de quibus mox supra n. 7564; per ‘servos’ significantur ² illi qui in mente naturali, n. 7562, 7563, et per ‘pecus’ vera et bona quae quia non Domini sunt, in interioribus non recondi possunt.

Фусноте:

7564. ‘Et qui non posuit cor [suum] ad verbum Jehovae’: quod significet quae non a Domino, constat ex illis quae supra n. 7562 explicata sunt, ubi ‘timens verbum Jehovae’ significat quae Domini erant; inde ¹ vicissim ‘qui non posuit cor ad verbum Jehovae’ ² significat quae non a Domino. Bona et vera sunt vel Domini vel non Domini; quae Domini sunt illa quae homo facit propter proximum, propter patriam, propter Ecclesiam, propter regnum Domini, ita propter ipsum verum et bonum, et imprimis propter Dominum; haec bona et vera sunt quae Domini; at ³ vera et bona quae non Domini sunt quae homo facit propter se ut finem, et propter mundum ut finem; haec quandoque apparent in externa forma sicut illa, sed in interna prorsus differunt; nam haec ducunt ad se, illa vero a se; ⁴ vera et bona quae non Domini ⁵ sunt quoque quoad plurem partem quae homo facit in statu infortunii, aegritudinis, doloris, et timoris, et non in statu libero, nam ⁶ haec sunt quoque propter se; omnia quidem vera et bona influunt a Domino, sed quando bona et vera Domini flectuntur apud hominem ad se, tunc fiunt illa hominis, et ejus propria ad quem flectuntur, nam fiunt bona amoris sui ⁷ et mundi; ⁸ talia bona sunt omnium malorum inter se; ex his patet quae bona et vera ⁹ intelliguntur per bona et vera Domini et per bona et vera quae non Domini.

Фусноте: