31
Tu, rex, videbas, et ecce quasi statua una grandis : statua illa magna, et statura sublimis stabat contra te, et intuitus ejus erat terribilis.
Daniel 2:31
Arcana Coelestia # 1297
1297. ‘Et aduramus in adustum’: quod significet mala ex amore sui, constat a significatione ‘aduri, adustionis, ignis, sulphuris, bituminis’ in Verbo, quae praedicantur de cupiditatibus, cumprimis de iis quae sunt amoris sui; ut apud Esaiam,
Domus sanctitatis nostra, et decus nostrum, ubi laudaverunt Te patres nostri, facta est in combustionem ignis, et omnia desiderabilia nostra facta sunt in vastitatem, 64:10:
apud eundem,
Concipite quisquilias, parite stipulam; ventus 1 vester, ignis comedet vos; ita erunt populi combustiones calcis; spinae excisae igne succendentur, 33:11, 12;
praeter alibi multoties: ‘comburi et ignis’ praedicatur de cupiditatibus, quia similiter se habent.
Фусноте:
1. Elsewhere Swedenborg has spiritus. Hebrew [ ] (ruah) = breath, spirit or wind.
