Vera Christiana Religio # 293
293. In Sensu naturali, qui est Sensus literae, per hoc Praeceptum etiam intelligitur, quod non quisquam praeter Deum, et quod non quicquam praeter id quod procedit a Deo, super omnia amandum sit, quod etiam est secundum verba Domini, Matthaeus 22:35-37, 1 Luca 10:25-28, nam qui et quod super omnia amatur, ille et illud amatori est Deus et Divinum; sicut qui se super omnia amat, aut quoque Mundum, illi est Ipse aut Mundus suus Deus; quae causa est quod iidem corde non agnoscant aliquem Deum; hi ideo conjuncti sunt consimilibus in Inferno, ubi collecti sunt omnes, qui se et mundum super omnia amaverunt.
Сноски: