Arcana Coelestia # 9425
9425. ‘Qui habens verba, accedat ad illos’: quod significet quod inde removenda falsa, constat ex significatione 'habere verba quod sit litigare de veris, ‘verba’ enim sunt vera, n. 1288, 4692, 5272: et ex significatione ‘accedere ad illos’ quod sit ut judicentur ex doctrina illa, nam per ‘Aharonem et Churem’, ad quos accederent, significatur doctrina ex sensu externo Verbi; ita quoque ut removeantur falsa, nam qui judicat ex doctrina in lite de veris, is removet falsa; ast quod non 1 removerit falsa sed quod 1 removerit vera, constat ex cultu vituli pro Jehovah, de quo in sequentibus; nam, ut mox supra dictum est, qui absque interno docent externa Verbi, ita absque genuina doctrina boni et veri, 2 illi non discernunt inter verum et falsum nec inter bonum et malum, sed verum dicunt quod favet fallaciis sensuum et bonum quod favet concupiscentiis, ita falsum dicunt verum et malum dicunt bonum.
Сноски:
Jeremias 51:17
17
Stultus factus est omnis homo a scientia ; confusus est omnis conflator in sculptili, quia mendax est conflatio eorum, nec est spiritus in eis.