9
Percussi vos in vento urente, et in aurugine : multitudinem hortorum vestrorum et vinearum vestrarum, oliveta vestra et ficeta vestra comedit eruca : et non redistis ad me, dicit Dominus.
Amos 4:9
Arcana Coelestia # 1519
1519. Sphaerae charitatis et fidei cum sicut odores percipiuntur, sunt jucundissimae; sunt odores amoeni, sicut florum, liliorum, aromatum varii generis, cum indefinita varietate. Praeterea etiam sphaerae angelorum sistuntur quandoque visibiles, sicut atmosphaerae seu aurae, quae tam pulchrae, tam amoenae, et tam variae sunt ut nusquam describi possint.
