1. INCWADI KAGENESIS

Kakho umuntu ongabona ngokusukela engqondweni yemvelo yeZwi yeThestamente eliDala ukuthi lengxenye yeZwi imumethe izimfihlo zasezulwini ezijulile, nokuthi konke okuqukethwe kuyo, kabanzi nangemininingwane, kuphathelene neNkosi, nezulu laYo, nesonto, nenkolo, nazozonke izinto ezixhumene nalezizinto. Ngokuba engqondweni yemvelo noma yamabala yalengxenye yeZwi, umuntu angabona kuphela—kabanzi—ukuthi zonke izinto kuyo ziphathelene namasiko nemithetho eSonto lamaJuda. Nokho iqiniso elimsulwa wukuthi kulolo nke leloZwi kukhona okungaphakathi okungaveli nakancane kokungaphandle ngaphandle kokuyingcosane okwadalulwa futhi kwachazwa yiNkosi kuBafundi baYo; njengokuthi imihlabelo ifanekisa iNkosi; ukuthi izwe laseK-hanana neJerusalema kufanekisa izulu—okuyisizathu sokuba kubizwe ngeKhanana lasezulwini nangeJerusalema lasezulwini—nokuthi iPharadisi lifanekisa okufanayo. (Mathewu 6:33)

1782. Nge “sithokazi”, “imbuzi yensikazi”, nange “nqama” kufanekiswa izinto zeSonto zezulu lamazulu, kanti nge “hobhe” nange “phuphu lejuba” kufanekiswa izinto zeSonto zezulu likamoya (isahlukwana 9). ISonto lalikolunye uhlangothi, neNkosi ikolunye (isahlukwana 10). INkosi yayizohlakaza ububi namanga kweSonto (isahlukwana 11). Kepha amanga ayezoqhubeka nokuhlupha iSonto (izahlukwana 12, 13). Kuyodingeka iSonto likhululwe kulawomanga (isahlukwana 14), kanjalo noma ngalokho iNkosi iyoduduzeka (isahlukwana 15). Nokho ububi buyongena eSontweni bulibuse (isahlukwana 16), ekugcineni kungabusi lutho olunye eSontweni ngaphandle kwamanga nezingqoyi (isahlukwana 17). Ngaleyonkathike kuyofika umbuso weNkosi kanye neSonto elisha, nokwanda kwalo kuyachazwa (esahlukwaneni 18). Amanga nobubi okwakuzohlakazwa eSontweni kufanekiswa ngezizwe ezigaguliwe (ezahlukwaneni 19-21).

182. ISAHLUKO SESITHATHU

ISIQHUBEZO MALUNGANA NOKUNGENA EMPILWENI YAPHAKADE KWALABO ABAVUSWAKWABAFILEYO.

Lapho izingelosi zezulu lamazulu zibungaza ukumuntu osevusiwe, kazimshiyi, ngoba zibathanda bonke abavusiweyo. Kodwa uma umphefumulo womuntu usuwuhlobo lokuba ungabe usabungazwa yizingelosi zezulu lamazulu, ovusiweyo ulangazelela ukwehlukana nazo; nalapho sekufika lesisikhathi, kufika futhi nezingelosi zezulu lamazulu kuye maqede zimuphe usizo lokukhanya, ngo kuba ngaphambi kwalokhu ubengaboni lutho, kepha ubecabanga kuphela.