¹ לא תשא שמע שוא אל תשת ידך עם רשע להית עד חמס׃

² לא תהיה אחרי רבים לרעת ולא תענה על רב לנטת אחרי רבים להטת׃

³ ודל לא תהדר בריבו׃

⁴ כי תפגע שור איבך או חמרו תעה השב תשיבנו לו׃

⁵ כי תראה חמור שנאך רבץ תחת משאו וחדלת מעזב לו עזב תעזב עמו׃

⁶ לא תטה משפט אבינך בריבו׃

⁷ מדבר שקר תרחק ונקי וצדיק אל תהרג כי לא אצדיק רשע׃

⁸ ושחד לא תקח כי השחד יעור פקחים ויסלף דברי צדיקים׃

⁹ וגר לא תלחץ ואתם ידעתם את נפש הגר כי גרים הייתם בארץ מצרים׃

¹⁰ ושש שנים תזרע את ארצך ואספת את תבואתה׃

¹¹ והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך׃

¹² ששת ימים תעשה מעשיך וביום השביעי תשבת למען ינוח שורך וחמרך וינפש בן אמתך והגר׃

¹³ ובכל אשר אמרתי אליכם תשמרו ושם אלהים אחרים לא תזכירו לא ישמע על פיך׃

¹⁴ שלש רגלים תחג לי בשנה׃

¹⁵ את חג המצות תשמר שבעת ימים תאכל מצות כאשר צויתך למועד חדש האביב כי בו יצאת ממצרים ולא יראו פני ריקם׃

¹⁶ וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדה׃

¹⁷ שלש פעמים בשנה יראה כל זכורך אל פני האדן יהוה׃

¹⁸ לא תזבח על חמץ דם זבחי ולא ילין חלב חגי עד בקר׃

¹⁹ ראשית בכורי אדמתך תביא בית יהוה אלהיך לא תבשל גדי בחלב אמו׃

²⁰ הנה אנכי שלח מלאך לפניך לשמרך בדרך ולהביאך אל המקום אשר הכנתי׃

²¹ השמר מפניו ושמע בקלו אל תמר בו כי לא ישא לפשעכם כי שמי בקרבו׃

²² כי אם שמע תשמע בקלו ועשית כל אשר אדבר ואיבתי את איביך וצרתי את צרריך׃

²³ כי ילך מלאכי לפניך והביאך אל האמרי והחתי והפרזי והכנעני החוי והיבוסי והכחדתיו׃

²⁴ לא תשתחוה לאלהיהם ולא תעבדם ולא תעשה כמעשיהם כי הרס תהרסם ושבר תשבר מצבתיהם׃

²⁵ ועבדתם את יהוה אלהיכם וברך את לחמך ואת מימיך והסרתי מחלה מקרבך׃

²⁶ לא תהיה משכלה ועקרה בארצך את מספר ימיך אמלא׃

²⁷ את אימתי אשלח לפניך והמתי את כל העם אשר תבא בהם ונתתי את כל איביך אליך ערף׃

²⁸ ושלחתי את הצרעה לפניך וגרשה את החוי את הכנעני ואת החתי מלפניך׃

²⁹ לא אגרשנו מפניך בשנה אחת פן תהיה הארץ שממה ורבה עליך חית השדה׃

³⁰ מעט מעט אגרשנו מפניך עד אשר תפרה ונחלת את הארץ׃

³¹ ושתי את גבלך מים סוף ועד ים פלשתים וממדבר עד הנהר כי אתן בידכם את ישבי הארץ וגרשתמו מפניך׃

³² לא תכרת להם ולאלהיהם ברית׃

³³ לא ישבו בארצך פן יחטיאו אתך לי כי תעבד את אלהיהם כי יהיה לך למוקש׃

⁵¹ I am the living bread which came down out of heaven. If anyone eats of this bread, he will live forever. Yes, the bread which I will give for the life of the world is my flesh."

⁵² The Jews therefore contended with one another, saying, "How can this man give us his flesh to eat?"

⁵³ Jesus therefore said to them, "Most certainly I tell you, unless you eat the flesh of the Son of Man and drink his blood, you don't have life in yourselves.

⁵⁴ He who eats my flesh and drinks my blood has eternal life, and I will raise him up at the last day.

⁵⁵ For my flesh is food indeed, and my blood is drink indeed.

⁵⁶ He who eats my flesh and drinks my blood lives in me, and I in him.

⁵⁷ As the living Father sent me, and I live because of the Father; so he who feeds on me, he will also live because of me.

⁵⁸ This is the bread which came down out of heaven--not as our fathers ate the manna, and died. He who eats this bread will live forever."