성경

 

Hoschea 14

공부

   

1 Pereat Samaria, quoniam ad amaritudinem concitavit Deum suum ! in gladio pereant, parvuli eorum elidantur, et fœtæ ejus discindantur !

2 Convertere, Israël, ad Dominum Deum tuum, quoniam corruisti in iniquitate tua.

3 Tollite vobiscum verba, et convertimini ad Dominum ; et dicite ei : Omnem aufer iniquitatem, accipe bonum, et reddemus vitulos labiorum nostrorum.

4 Assur non salvabit nos : super equum non ascendemus, nec dicemus ultra, Dii nostri opera manuum nostrarum : quia ejus, qui in te est, misereberis pupilli.

5 Sanabo contritiones eorum ; diligam eos spontanee : quia aversus est furor meus ab eis.

6 Ero quasi ros ; Israël germinabit sicut lilium, et erumpet radix ejus ut Libani.

7 Ibunt rami ejus, et erit quasi oliva gloria ejus, et odor ejus ut Libani.

8 Convertentur sedentes in umbra ejus ; vivent tritico, et germinabunt quasi vinea ; memoriale ejus sicut vinum Libani.

9 Ephraim, quid mihi ultra idola ? Ego exaudiam, et dirigam eum ego ut abietem virentem ; ex me fructus tuus inventus est.

10 Quis sapiens, et intelliget ista ? intelligens, et sciet hæc ? quia rectæ viæ Domini, et justi ambulabunt in eis ; prævaricatores vero corruent in eis.

   

스웨덴보그의 저서에서

 

Arcana Coelestia #9392

해당 구절 연구하기

  
/ 10837  
  

9392. Vers. 6-8. Et accepit Moscheh dimidium sanguinis, et posuit in crateribus, et dimidium sanguinis sparsit super altare. Et accepit librum foederis, et legit in auribus populi, et dixerunt, Omnia quae locutus Jehovah faciemus et audiemus. Et accepit Moscheh sanguinem et sparsit super populum, et dixit, Ecce sanguis foederis quod pepigit Jehovah cum vobis super omnia verba haec. ‘Et accepit Moscheh dimidium sanguinis’ significat Divinum Verum quod factum vitae et cultus: ‘et posuit in crateribus’ significat apud hominem in ejus memoriae rebus: ‘et dimidium sanguinis sparsit super altare’ significat Divinum Verum a Domini Divino Humano: ‘et accepit librum foederis’ significat Verbum in littera cum quo conjunctum est Verbum in caelo: ‘et legit in auribus populi’ significat ad auscultationem et oboedientiam: ‘et dixerunt, Omnia quae locutus Jehovah faciemus et audiemus’ significat receptionem veri procedentis a Divino Humano Domini et oboedientiam ex corde et anima: ‘et accepit Moscheh sanguinem et sparsit super populum’ significat adaptationem ad recipiendum ab homine: ‘et dixit, Ecce sanguis foederis’ significat per id conjunctionem Domini quoad Divinum Humanum cum caelo et cum terra: ‘quod pepigit Jehovah cum vobis super omnia verba haec’ significat quod conjunctio 1 a Domino per omnia et singula Verbi.

각주:

1. cum, in the First Latin Edition and in the Second Latin Edition

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

스웨덴보그의 저서에서

 

Arcana Coelestia #6015

해당 구절 연구하기

  
/ 10837  
  

6015. ‘In vehiculis quae misit Pharaoh ad ferendum illum’: quod significet doctrinalia quae ex scientificis Ecclesiae, constat ex significatione ‘vehiculorum’ quod sint doctrinalia, de qua n. 5945; et ex repraesentatione ‘Pharaonis’ quod sit scientificum Ecclesiae in communi; per ‘Aegyptum’ enim significatur scientificum Ecclesiae, n. 1462, 4749, 4964, 4966, inde per regem ejus scientificum illud in communi; ut quoque alibi 1 in Verbo, 2 sed plerisque in locis sicut per Aegyptum ita quoque per Pharaonem significatur scientificum perversum; 3 quod Pharaoh sit scientificum in communi, patet apud Esaiam,

Stulti sunt principes Zoanis, sapientes consiliariorum 4 Pharaonis, consilium obbrutuit; quomodo 5 dicitis ad Pharaonem, Filius sapientum ego, filius regum antiquitatis? 19:11;

‘Pharaoh’ hic pro scientifico Ecclesiae in communi, inde dictus ‘filius sapientum, et filius regum antiquitatis’; ‘sapientes et reges antiquitatis’ pro veris Antiquae Ecclesiae; sed scientificum illud hic intelligitur infatuatum, nam dicitur ‘stulti facti principes Zoanis, consilium obbrutuit’:

[2] apud eundem,

Abeunt ad descendendum Aegyptum, sed os Meum non interrogarunt, ad roborandum se robore Pharaonis, et ad confidendum in umbra Aegypti; ideo fiet vobis robur Pharaonis in pudorem, et fiducia in umbra Aegypti in ignominiam, 30:2, 3;

‘roborare se robore Pharaonis, et confidere in umbra Aegypti’ pro fidere scientificis in rebus fidei, et non alicui vero spirituali fidem habere nisi scientificum et sensuale dictet, quod tamen est perversi ordinis; nam primo loco erunt vera fidei, et secundo scientifica confirmantia, 6 quia haec si primo loco sunt, 7 prorsus nihil veri creditur:

[3] apud Jeremiam,

Dixit Jehovah Zebaoth Deus Israelis, Ecce Ego visitanssuper Amonem in No; et super Pharaonem, et super Aegyptum, et super deos ejus, et super reges ejus; imprimis super Pharaonem, et confidentes in eo, 46:25;

‘Pharaoh’ hic quoque pro scientifico in communi; ‘confidentes in eo’ pro illis qui fidunt scientificis, non autem Verbo, 8 hoc est, Domino in Verbo, inde est omne perversum in doctrinalibus fidei, et inde falsum, et quoque negativum quod Divinum et caeleste sit aliquid; hi imprimis in ore gerunt: Fac mihi videre 9 illa oculariter, aut Demonstra scientifice quod ita sit, et tunc credam; at usque si viderent, et si demonstraretur, nec crederent, ex causa quia negativum universaliter regnat:

[4] apud eundem,

Contra 10 Pharaonem; Ecce aquae ascendentes a septentrione, quae fient in flumen inundans, et inundabunt terram et plenitudinem ejus, urbem et habitantes in illa, ut clament homines, et ejulet omnis habitator terrae, prae voce plausus equorum ungularum fortium ejus, et tumultu currus ejus, strepitu rotarum ejus, 47:1-3;

ex singulis quae de Pharaone hic dicta sunt, liquet quod ‘Pharaoh’ sit scientificum in communi, hic 11 in perverso ordine, qui destruit vera fidei; ‘flumen inundans’ est scientificum destruens intellectum veri, ac ita vastans; ‘inundabunt terram et plenitudinem ejus’ est Ecclesiam totam; ‘urbem et habitantes in illa’ est verum Ecclesiae et inde bonum; ‘plausus ungularum equorum’ sunt scientifica infima quae immediate ex sensualibus; ‘tumultus currus’ est inde doctrinale falsum; ‘strepitus rotarum’ sunt 12 sensualia et illorum fallaciae quae promovent:

[5] apud Ezechielem,

Dixit Dominus Jehovih, Ecce Ego contra te Pharaoh rex Aegypti, balaena magna, quae cubans in medio fluviorum suorum, qui 13 dixit, Meus est fluvius, et ego feci me: propterea dabo 14 hamos in maxillas tuas, et adhaerere faciam piscem fluviorum tuorum squamis, 29:2-4;

‘Pharaoh’ hic quoque pro scientifico in communi, quod similiter a singulis quae de illo dicuntur, patet:

[6] apud eundem,

Tolle lamentationem super Pharaonem regem Aegypti, . .

Tu sicut balaenae in maribus, et prodiisti cum fluminibus tuis, et turbasti aquas pedibus tuis, conturbasti flumina illarum.... Obtegam, cum exstinxero te, caelos; et atrabo stellas eorum, solem nube obtegam, et luna non lucere faciet lumen suum; omnia luminaria lucis atrabo super te, et dabo tenebras super terra tua, 32:2, 3, 7, 8; quod haec, sicut plura apud Prophetas, absque sensu interno a nemine possint comprehendi, patet; sicut quod Pharaoh 15 sicut balaenae 16 in maribus, quod prodierit ex fluminibus suis, et turbaverit aquas pedibus suis, quod super illum ‘obtegentur caeli, atrabuntur stellae, et omnia luminaria lucis, nube obtegetur sol, non lucebit luna, et dabuntur tenebrae super terra ejus’; at sensus internus docet quid significant; nempe quod scientifica pervertant vera Ecclesiae si homo per illa intrat in arcana fidei, et nihil credit nisi 17 videat ex illis, immo nisi ex sensualibus; quod hic sensus internus sit, patet ab explicatione singulorum:

[7] Pharaoh dicitur ‘rex Aegypti’ ex vero scientifico, nam scientificum est verum 18 in naturali, quod ‘rex’ sit verum, videatur n. 1672, 1728, 2015, 2069, 3009, 3670, 4575, 4581, 19 4966, 5044; et quod simile significetur per ‘regem populi’ quod per ‘populum’, n. 4789, ita per Pharaonem simile quod per Aegyptum, sed in communi; quod ‘Aegyptus’ sit scientificum, pluries ostensum est; Pharaoh comparatur ‘ 20 balaenis in maribus’, quia ‘balaena’ seu cetus significat communia scientificorum, n. 42; et ‘maria’ scientificorum congregationes, n. 28; 21 tum dicitur quod ‘prodierit cum fluminibus suis’ quia per ‘flumina’ significantur illa quae sunt intelligentiae, n. 108, 109, 2702, 3051, hic quae sunt insaniae, 22 quoniam ei sensualibus et scientificis, n. 5196: 23 dein dicitur quod ‘turbaverit aquas pedibus’ et ‘conturbaverit flumina illarum’, quia per ‘aquas’ significantur vera spiritualia, n. 680, x739, 2702, 3058, 3424, 4976, 5668; et per pedes 24 illa quae naturalis sunt, n. 2162, 3147, 3761, 3986, 4280, 4938-4952, ita ‘turbare aquas pedibus’ est conspurcare et pervertere vera fidei 25 per scientifica quae sunt naturalis; et ‘conturbare flumina illarum’ 26 est sic intelligentiam;

[8] demum dicitur quod ‘cum exstinguetur, obtegerentur caeli’, quia per ‘caelos’ significantur interiora hominis, 27 siquidem haec sunt caeli ejus; haec ‘clauduntur’ cum scientifica super vera fidei dominantur, seu naturale super spirituale; quod tunc cognitiones veri et boni pereant, significatur per ‘atrabo stellas caelorum, et omnia luminaria lucis’; quod ‘stellae’ sint cognitiones illae, videatur n. 2495, 2849, 4697; quod ‘luminaria’ sint bona et vera, n. 30-38; quod nec tunc bonum amoris amplius influere possit, significatur per ‘solem nube obtegam’; et quod nec bonum fidei, significatur per ‘luna non lucere faciet lumen suum’; quod ‘sol’ sit bonum amoris, et ‘luna’ bonum fidei, videatur n. 1529, 1530, 2120, 2495, 3636, 3643, 4060, 4696; et quod sic modo falsa occupabunt mentem naturalem, significatur per ‘dabo tenebras super terra tua’; quod ‘tenebrae’ sint falsa, n. 1839, 1860, 4418, 4531, et quod ‘terra Pharaonis seu terra Aegypti’ sit mens naturalis, n. 5276, 5278, 5280, 5288, 5301; ex his nunc patet quis sensus inest hi propheticis. Quia per ‘Pharaonem’ significatur scientificum in communi, etiam per illum significatur naturale in communi, n. 5799 28 .

각주:

1. The Manuscript inserts etiam.

2. The Manuscript inserts per Pharaonem repraesentatur scientificum.

3. ex causa, quia scientifica in Aegypto magica facta sunt, ut

4. The editors of the third Latin edition made a minor correction here. For details, see the end of the appropriate volume of that edition.

5. The editors of the third Latin edition made a minor correction here. For details, see the end of the appropriate volume of that edition.

6. nam

7. The Manuscript inserts tunc.

8. ac inde dicunt

9. hoc

10. Hebrew reads contra Philistaeos; Swedenborg quotes Jer. xlvii under Philistaei in his Index Biblicus.

11. perversum quod

12. fallaciae sensus

13. dicit, in the First Latin Edition.

14. hamum in the Manuscript, and humum, in the First Latin Edition.

15. velut

16. ex

17. ex illis, imo ex sensualibus illa videat, et magis si doctrinalia faciat inde

18. naturalis

19. The editors of the third Latin edition made a minor correction here. For details, see the end of the appropriate volume of that edition.

20. balaenae

21. et

22. quia

23. The following two (or in some cases more) words are transposed in the Manuscript.

24. naturalia

25. ex scientificis

26. pro

27. sunt illa caelum ejus; illa nempe interiora, quae sunt caelum 421

28. The Manuscript inserts nam scientifica constituunt naturale.

  
/ 10837  
  

This is the Third Latin Edition, published by the Swedenborg Society, in London, between 1949 and 1973.