New Christian Bible Study

La Bibbia

 

Jeremias 47

Studio

   

1 Quod factum est verbum Domini ad Jeremiam prophetam contra Palæstinos, antequam percuteret Pharao Gazam.

2 Hæc dicit Dominus : Ecce aquæ ascendunt ab aquilone, et erunt quasi torrens inundans, et operient terram et plenitudinem ejus, urbem et habitatores ejus. Clamabunt homines, et ululabunt omnes habitatores terræ,

3 a strepitu pompæ armorum, et bellatorum ejus, a commotione quadrigarum ejus, et multitudine rotarum illius. Non respexerunt patres filios manibus dissolutis,

4 pro adventu diei in quo vastabuntur omnes Philisthiim, et dissipabitur Tyrus et Sidon, cum omnibus reliquis auxiliis suis : depopulatus est enim Dominus Palæstinos, reliquias insulæ Cappadociæ.

5 Venit calvitium super Gazam, conticuit Ascalon, et reliquiæ vallis earum : usquequo concideris ?

6 O mucro Domini, usquequo non quiesces ? ingredere in vaginam tuam, refrigerare, et sile.

7 Quomodo quiescet, cum Dominus præceperit ei adversus Ascalonem, et adversus maritimas ejus regiones, ibique condixerit illi ?

   

Dalle opere di Swedenborg

 

De Sensu Interno Librorum Propheticorum et Psalmorum Davidis #112

  
/ 418  
  

112. JEREMIAS CAPUT XLVI.

Versus | Res

QUOD NATURALE HOMINIS PER RATIOCINIA EX SCIENTIFICIS PERITURUM SIT.

Jeremias 46:1-6; Quod omnia illa scientifica non amplius valeant, quia deperdita per ratiocinia. {3}

Jeremias 46:7-10; Quod fastus illorum deprimetur, et fient falsa. {3}

Jeremias 46:11, 12; Quod non possent sanari, quia Ecclesia per illa deperdita sit. {3}

Jeremias 46:13-19; Quod naturale totum pereat, nec quicquam ibi nisi falsum et malum. {3}

Jeremias 46:20-24; Quod omnis eruditio ejus confirmans falsa peribit. {3, 11}

Jeremias 46:25, 26; Simile fiet aliis qui scientificis 1 fident. {3, 11}

Jeremias 46:27, 28; Aliter illis qui in captivitate spirituali sunt, a quibus erit Ecclesia. {11}

Note a piè di pagina:

1. fident pro "fient"

  
/ 418  
  

This Latin text was written by Swedenborg in 1761. It was first printed 12 years after Swedenborg's death, in 1784. An 1860 printing was edited by Tafel, probably by the Swedenborg Society in London (swedenborg.org.uk). We're not sure of the provenance of this text, and are researching it further. We received most of this text from the NewSearch project of the Academy of the New Church (brynathyn.edu), and the front matter courtesy of the Heavenly Doctrines Publishing Foundation (heavenlydoctrinepublishing.org).

©2024 New Christian Bible Study Corporation. All rights reserved. Printed from newchristianbiblestudy.org