1 Thatihzy Rona 6

¹ Livai sawchapawpazy cha: Kasao zy Kôha zy, Merari zy ama châ.

² Kôha sawchapawpazy cha: Amira zy, Izha zy, Hebraw zy, Uziel zy ama châ.

³ Amra pathlazy cha: Arawna zy, Mawsi zy. Miria zy châ ei ta. Arawna sawchapawpazy cha: Nada zy, Abihu zy, Eliaza zy, Ithama zy ama châ:

⁴ Eliaza chata Phineha sa ta, Phineha ta Abisua sa ta

⁵ Abisua ta Buki sa ta, Buki ta Uzi sa ta,

⁶ Uzi ta Zerahia sa ta, Zerahia ta Meraio sa ta,

⁷ Meraio ta Amariah sa ta, Amariah ta Ahitu sa ta,

⁸ Ahitu ta Zadôka sa ta, Zadôka ta Ahimaza sa ta,

⁹ Ahimaza ta Azariah sa ta, Azariah ta Zôhana sa ta,

¹⁰ Zôhana ta Azariah sa ta, (cha cha Zerusale liata Sawlawmaw sapa achhyna-o liata theihthaipa rai a hriapa a châ.)

¹¹ Azariah ta Amariah sa ta, Amariah ta Ahitu sa ta,

¹² Ahitu ta Zadôka sa ta, Zadôka ta Shaluma sa ta,

¹³ Shaluma ta Hilkiah sa ta, Hilkiah ta Azariah sa ta,

¹⁴ Azariah ta Seraiah sa ta, Seraiah ta Zehôzadaka sa ta;

¹⁵ ABEIPA ta Zudah râh nata Zerusale khih Nebukaneza ku liata seichâna ta a pie nona khata Zehôzadaka cha seichâna liata a ngia ta.

¹⁶ Livai sawchapawpazy cha: Kasao zy, Kôha zy, Merari zy ama châ.

¹⁷ Chatawhcha hezy he Kasao sawchapawpazy moh cha a châ; Libni nata Shimei.

¹⁸ Kôha sawchapawpazy cha: Amira zy, Izha zy, Hebraw zy, Uziel zy ama châ.

¹⁹ Merari sawchapawpazy cha: Mahli nata Mushi ama châ. Chazy cha ama chhôhkha siezie lymâ hawhta Livai mo phozy cha ama châ.

²⁰ Kasao sawchapawpa cha: Libni châ ta, cha sawchapawpa cha Zahatha châ ta, cha sawchapawpa cha Zimah châ ta,

²¹ cha sawchapawpa cha Zôah châ ta, cha sawchapawpa cha Ido châ ta, cha sawchapawpa cha Zera châ ta, cha sawchapawpa cha Ziatherai a châ.

²² Kôha sawchapawpazy cha: Aminada châ ta, cha sawchapawpa cha Kôrah châ ta, cha sawchapawpa cha Asi châ ta,

²³ cha sawchapawpa cha Elkanah châ ta, cha sawchapawpa cha Ebiasa châ ta, cha sawchapawpa Asira châ ta;

²⁴ cha sawchapawpa cha Taha châ ta, cha sawchapawpa cha Uriel châ ta, cha sawchapawpa cha Uziah châ ta, cha sawchapawpa cha Shaul a châ.

²⁵ Elkanah sawchapawpazy cha: Amasai nata Ahimaw ama châ.

²⁶ Elkanah sawchapawpa cha Zôphai châ ta, cha sawchapawpa cha Naha châ ta,

²⁷ cha sawchapawpa cha Eliaba châ ta, cha sawchapawpa cha Zerôha châ ta, cha sawchapawpa cha Elkanah a châ

²⁸ Samuel sawchapawpa a pih tuapa cha Zôel châ ta, a panona cha Abiza a châ.

²⁹ Merari sawchapawpa cha: Mahli châ ta, cha sawchapawpa cha Libni châ ta,

³⁰ cha sawchapawpa cha Shimei châ ta, cha sawchapawpa cha Uzah châ ta, Uzah sawchapawpa cha Shimia châ ta, cha sawchapawpa cha Hakiah châ ta, cha sawchapawpa cha Asaiah a châ.

³¹ Hezy he Byh so tawhta ABEIPA o liata hla chhihthatuhpa châta Davi ta raopazy cha ama châ.

³² Sawlawmaw ta Zerusale liata ABEIPA o a sa hlâ lei cha, achhyna poh-o liata hla sana ta chakao tyh ei ta: âmo sahlao taonazie lymâ hawhna chata ama chakaona rai cha ama hria tyh.

³³ Hezy he cha raihriatuhpazy cha ama châ. Ama sawchapawpazy chhaota Kôha mo pathlazy cha: hla satuhpa Hima cha châ ta, cha paw cha Zôel châ ta, cha paw cha Samuel châ ta,

³⁴ cha paw cha Elkanah châ ta, cha paw cha Zerôha châ ta, cha paw cha Eliel châ ta, cha paw cha Tôah châ ta,

³⁵ cha paw cha Zupha châ ta, cha paw cha Elkanah châ ta, cha paw cha Maha châ ta, cha paw cha Amasai châ ta.

³⁶ cha paw cha Elkanah châ ta, cha paw cha Zôel châ ta, cha paw cha Zariah châ ta, cha paw cha Zephaniah châ ta,

³⁷ cha paw cha Taha châ ta, cha paw cha Asi châ ta, cha paw cha Ebiaza châ ta, cha paw cha Kôra châ ta,

³⁸ cha paw cha Izha châ ta, cha paw cha Kôha châ ta, cha paw cha Livai châ ta, cha paw cha Izarel châ ta,

³⁹ a unawhpa Asapha a chachâh lâta a duah tyhpa châ ta, Asapha paw cha Beraki châ ta, cha paw cha Shimia châ ta,

⁴⁰ cha paw cha Mikhael châ ta, cha paw cha Baseiah châ ta, cha paw cha Malakizah châ ta,

⁴¹ cha paw cha Ethani châ ta, cha paw cha Zera châ ta, cha paw cha Adai châ ta.

⁴² cha paw cha Ethana châ ta, cha paw cha Zimah châ ta, cha paw cha Shimei châ ta,

⁴³ cha paw cha Zaha châ ta, cha paw cha Kasao châ ta, cha paw cha Livai châ ta,

⁴⁴ Chavei lâta a duah tyhpa a unawhpa Merari sawchapawpa Ethana châ ta, cha paw cha Kisi châ ta, cha paw cha Abadi châ ta, cha paw cha Malu châ ta,

⁴⁵ cha paw cha Hasabiah châ ta, cha paw cha Amaziah châ ta, cha paw cha Hilkiah châ ta,

⁴⁶ cha paw cha Amazi châ ta, cha paw cha Bani châ ta, cha paw cha Shema châ ta.

⁴⁷ cha paw cha Mahli châ ta, cha paw cha Musi châ ta, cha paw cha Merari châ ta, cha paw cha Livai châ ta.

⁴⁸ Chatawhcha ama unawhpa Livai mozy cha Khazohpa achhyna byureih chakaona raihria zydua hria awpa ta raopa ama châ.

⁴⁹ Arawna nata pathlazy deikua chata Khazohpa chakaotuhpa Mawsi ta bie a vaw pie hawpa zydua hawhna khata su pathaih chaipa raihria zydua cha taopata, Izarelzy chata adyhna tao nawpa ta raopa hlâna maisâh liata nata rohpahâhpa hlâna maisâh liata hlâ tyh ei ta.

⁵⁰ Hezy he Arawna sawchapawpazy cha ama châ: Eliaza cha a sawchapawpa châ ta, cha sawchapawpa cha Phineha châ ta, cha sawchapawpa cha Abisua châ ta,

⁵¹ cha sawchapawpa cha Buki châ ta, cha sawchapawpa cha Uzi châ ta, cha sawchapawpa cha Zerahia châ ta,

⁵² cha sawchapawpa cha Meraiô châ ta, cha sawchapawpa cha Amariah châ ta, cha sawchapawpa cha Ahitu châ ta,

⁵³ cha sawchapawpa cha Zadôka châ ta, cha sawchapawpa cha Ahimaza a châ.

⁵⁴ Hezy he ama râh chô liata ama pahrâna su taona zie lymâ hawhta ama pahrâna suzy cha a châ: Arawna saw Kôha mo phozy cha pachaopa cha ama chô liata a tla tua chaipa châ ta,

⁵⁵ Zudah râh liata Hebraw nata a chheipâh zy cha pie ei ta,

⁵⁶ khihpi chheipâh zy nata a khih tawzy deikua cha Zephune sawchapawpa Kaleba pie ei ta.

⁵⁷ Arawna sawchapawpazy cha abohna khihpi Hebraw zy, Libnah khih a chheipâh zy chhaota, Zatia nata Estemô khih a chheipâh zy chhaota,

⁵⁸ Hilena khih a chheipâh zy chhaota, Debi khih a chheipâh zy chhaota,

⁵⁹ Asana khih a chheipâh zy chhaota, Beseme khih a chheipâh zy chhaota;

⁶⁰ chatawhcha Benzami phozy hry tawhtapa Keba khih a chheipâh zy chhaota, Alema khih a chheipâh zy chhaota, Anathô khih a chheipâh zy chhaota pie ei ta. Ama pho hry liatahpa khihpi piepa zydua cha khih hrawhleithôh a châ.

⁶¹ Kôha “sawchapawpa hropa zy cha pho khophie Manase pathlazy pho khophie tovyuh liatahpa zy khih miahrawh pachaopa ta pie ei ta.

⁶² Kasao sawchapawpazy cha ama pho sienazie lymâ hawhta Iskara pho tovyuh liatahpa zy, Asera pho tovyuh liatahpa zy, Nathalai pho tovyuh liatahpa zy, Basana râh liata Manase pho tovyuh liatahpa zy khihpi miahrawhleithôh pie ei ta.

⁶³ Merari sawchapawpazy cha âmo pho sienazie lymâ hawhta Rubena pho tovyuh liatahpa zy, Kada pho tovyuh liatahpa zy, Zebulawna pho tovyuh liatahpa zy, pachaopa ta khih hrawhleino pie ei ta.

⁶⁴ Izarel pathlazy chata Livai chizy cha khihpi zy nata a chheipâh zy pie ei ta.

⁶⁵ Zudah pho tovyuh liatahpa zy, Simeôna pho tovyuh liatahpa zy, Benzami pho tovyuh liatahpa zy, khihpi moh rei hawpa zy cha pachaopa ta ama pie.

⁶⁶ Kôha pathlazy pho thokha chata Ephrai mozy tovyuh liatahpa khihpi zy to ei ta.

⁶⁷ Ephrai tlâh râh liata abohna khihpi Sekhe cha a chheipâh zy chhaota pie ei ta, Keza a chheipâh zy chhaota,

⁶⁸ Zôkamia a chheipâh zy chhaota, Behôrô a chheipâh zy chhaota,

⁶⁹ Aizalô a chheipâh zy chhaota, Katharimô a chheipâh zy chhaota,

⁷⁰ Manase pho khophie zy tovyuh liatahpa cha Kôha pathlazy pho laibâhpa zy chata Anera a chheipâh zy chhaota, Bilia a chheipâh zy chhaota pie ei ta.

⁷¹ Manase pho khophie zy tovyuh liatahpa Kasao sawchapawpazy ama piepa cha: Basana râh liatahpa Kôla a chheipâh zy chhaota, Astarô a chheipâh zy chhaota a châ;

⁷² Iskara pho tovyuh liatahpa: Keda a chheipâh zy chhaota, Dabetha a chheipâh zy chhaota,

⁷³ âmo a chheipâh zy chhaota, Ano a chheipâh zy chhaota;

⁷⁴ Asera pho tovyuh liatahpa Masala a chheipâhzy chhaota, Abadaw a chheipâh zy chhaota;

⁷⁵ Hukô a chheipâh zy chhaota Rehô a chheipâh zy chhaota; .

⁷⁶ Nathalai pho tovyuh liatahpa: Kalili râh liata Kedesa a chheipâh zy chhaota, Hama a chheipâh zy chhaota, Kiriathai a chheipâh zy chhaota a châ.

⁷⁷ Merari pathla Livai mo a hrohpa zy ama piepa cha: Zebulawna pho tovyuh liatahpa khih a chheipâh zy chhaota, Tibaw khih a chheipâh zy chhaota,

⁷⁸ Zerikô dady Zawdah haosâ, Zawdah nochhi lâchhâh liatahpa Rubena pho tovyuh liatahpa: râhpathohpa liata Beza khih a chheipâh zy chhaota, Zahzah khih a chheipâh zy chhaota,

⁷⁹ Kedemô khih a chheipâh zy chhaota, Mepha khih a chheipâh zy chhaota;

⁸⁰ Kada pho tovyuh liatahpa: Kilia râh liata Ramo khih a chheipâh zy chhaota, Mahanai khih a chheipâh zy chhaota,

⁸¹ Hesbaw a chheipâh zy chhaota, Zaza khih a chheipâh zy chhaota a châ.