371. ഇച്ഛാശക്തി ഹൃദയത്തോടും ഗ്രഹണശക്തി ശ്വാസകോശത്തോടും താദാത്മ്യപ്പെട്ടാണ് ഇരിക്കുന്നത്. ഇത് വിശദീകരിക്കേണ്ടത് താഴെപ്പറയുന്ന ക്രമത്തില് ആയിരിക്കേണ്ടതുണ്.
1. ഒരുവന്റെ മനസ്സില് ഉള്ള സര്വ്വ സംഗതികളും ഇച്ഛാശക്തിയോടും തിരിച്ചറിവിനോടും ബന്ധപ്പെട്ടാണ് ഇരിക്കുന്നതെങ്കില് ശരീരത്തില് ഉള്ളവ ഹൃദയത്തോടും ശ്വാസകോശത്തോടും ബന്ധപ്പെട്ട് ഇരിക്കുന്നു.
2. ഇച്ഛാശക്തി, തിരിച്ചറിവ് ഇവ ഹൃദയം, ശ്വാസകോശം എന്നിവയുമായി സംവേദനം പുലര്ത്തുന്നുണ്ട്; അങ്ങനെ ഒരുവന്റെ മനസ്സില് എന്തൊക്കെയുണ്ടോ അവയെല്ലാം ശരീരത്തില് ഉള്ളവയുമായി സംവദിക്കുന്നുണ്ട്.
3. ഇച്ഛാശക്തി ഹൃദയത്തോട് സംവദിക്കുന്നു.
4. തിരിച്ചറിവ് ശ്വാസകോശത്തോട് സംവദിക്കുന്നു
5. സംവേദനം കൊണ്ട് ഇച്ഛാശക്തിയോടും തിരിച്ചറിവിനോടും ബന്ധപ്പെട്ടതും അതുകൊണ്ടുതന്നെ സ്നേഹത്തോടും ജ്ഞാനത്തോടും ചേര്ന്നു പോകുന്നതുമായ വിവിധ മര്മ്മങ്ങള് വെളിവാക്കപ്പെടുന്നു.
6. മനുഷ്യന്റെ മനസ്സ് ആത്മാവാണെങ്കില് ആത്മാവ് മനുഷ്യനാകുന്നു; മനസോ ആത്മാവോ അനുഭവിക്കുന്നവയും അവയുടെ ഈ ലോക പ്രവൃത്തികളും ശരീരം എന്ന ബാഹ്യതലത്തില് കൂടി ആയിരിക്കും.
7. മനുഷ്യന്റെ ആത്മാവ് ശരീരത്തോട് ഒന്നാകുന്നത് അവന്റെ ഇച്ഛാശക്തിയും തിരിച്ചറിവും ഹൃദയവുമായും ശ്വാസകോശവുമായും നടത്തുന്ന സംവേദനം അനുസരിച്ചാണ്; സംവേദനം ഇല്ലായെങ്കില് അവ വേര്പിരിയുന്നു.