10245. ‘Vel in accedendo illos ad altare ad ministrandum, ad adolendum ignitum Jehovae’: quod significet cultum ex bono amoris, constat ex significatione ‘accedere ad altare ad ministrandum’ quod sit repraesentare Dominum quoad bonum amoris, de qua n. 1 9964, et ex significatione ‘adolere ignitum Jehovae’ quod sit cultus ex amore Domini 2 ; per ‘adolere’ enim seu sacrificare significatur cultus, n. 6905, 8936, et per ‘ignitum Jehovae’ significatur quod ex Divino Amore Domini, n. 10055. Praeterea quomodo cum his se habet, videatur mox supra n. 10241.
Notes de bas de page:
1. The editors of the third Latin edition made a minor correction here. For details, see the end of the appropriate volume of that edition.
2. The Manuscript inserts, ita in Dominum.
