1 Thatihzy Rona 9

¹ Chatanachata Izarel zydua cha pathlazy reina liata reipa châ ei ta: Izarel abeizy châbu liata ropa ta a châ. Zudah zy cha ama hmoparaona vâta Babylaw lâta seichâna ta chhihthapa ta y ei ta.

² Ama tovyuh khih a pahrâ tuapa zy cha Izarel mozy, theihthaipa sahlao zy, Livai mozy, Khazohpa achhyna-o mokhâhtuhpa zy ama châ.

³ Zerusale liana chata Zudah pathlazy, Benzami pathlazy, Ephrai nata Manase pathlazy pahrâ ei ta;

⁴ Uthai cha Amihu sawchapawpa châ ta, cha cha Ômri sawchapawpa châ ta, cha cha Imri sawchapawpa châ ta,cha cha Bani sawchapawpa châ ta, chazy cha Zudah sawchapawpa Pereza pathlazy ama châ.

⁵ Shilôthi mo pathlazy cha: Asaiah cha ama hry liata a pih tua chaipa châ ta, a sawzy chhaota.

⁶ Zera pathlazy cha: Zeuel a unawhpazy chhaota, za charu nata sychaki ama châ.

⁷ Benzami pathlazy cha: Salucha Mesula sawchapawpa châ ta,

⁸ Ibnei cha Zarôha sawchapawpa châ ta, Elah cha Uzi sawchapawpa châ ta, cha cha Mikhia sawchapawpa châ ta, Mesula cha Shephatiah sawchapawpa châ ta, cha cha Reuel sawchapawpa châ ta, cha cha Ibenizah sawchapawpa a châ;

⁹ âmo sahlao chhâ liana chata unawh za chaki nata sypangawh nata pacharu ama châ. Cha zydua cha ama pho hry liata ama chhôhkha pawhrâhpa zy ama châ.

¹⁰ Theihthaipazy cha: Zedaiah zy, Zehôiari zy, Zaki zy,

¹¹ Hilkiah sawchapawpa Azariah zy châ ei ta, cha cha Mesula sawchapawpa châ ta, cha cha Zadôka sawchapawpa châ ta, cha cha Meraiô sawchapawpa châ ta, cha cha Khazohpa o liata hyutuhpa Ahitu sawchapawpa châ ta;

¹² Zerôha sawchapawpa Adai zy chhaota, cha cha Pashu sawchapawpa châ ta, cha cha Malkiza sawchapawpa châ ta, Adiel sawchapawpa Maasai zy chhaota, cha cha Zahzerah sawchapawpa châ ta, cha cha Mesula sawchapawpa châ ta, cha cha Meshilemi sawchapawpa châ ta, cha cha Ima sawchapawpa châ ta;

¹³ ama unawhpazy cha chhôhkhapa pawhrâhpa sâh kha nata za sari nata sycharu châ ei ta, Khazohpa o liata chakaona rai a hriapa ama châ.

¹⁴ Livai mozy cha: Hashu sawchapawpa Shemaiah châ ta, cha cha Azrika sawchapawpa châ ta, cha chaHasabiah sawchapawpa châ ta, cha chyhsazy cha Merari sawchapawpa zy ama châ;

¹⁵ Babaka zy, Heresa zy, Kalal zy, Mataniah zy châ ei ta, cha cha Mika sawchapawpa châ ta, cha cha Zikri sawchapawpa châ ta, cha cha Asapha sawchapawpa a châ;

¹⁶ Shemaiah sawchapawpa Ôbadia, cha cha Kalal sawchapawpa châ ta, cha cha Zeduthu sawchapawpa a châ, Asa sawchapawpa Berekhi, cha cha Netôpha mo khihpa Elnah sawchapawpa châ ta.

¹⁷ Ochhivaihtuhpa zy cha: Shaluma zy, Akuba zy, Talmaw zy, Ahima zy ama unawhpa zy chhaota ama châ, Shaluma cha hyutuh chaipa a châ,

¹⁸ ano cha cha hlâta abei kuh chhikao machhua lâtahpa a vaihtuhpa châ tyh ta. Amo cha Livai pathlazy riehmo ochhi a vaihtuhpa ama châ.

¹⁹ Kôre sawchapawpa cha Shaluma châ ta, cha cha Ebiasa sawchapawpa châ ta, cha cha Kôre châ ta, chazy cha ama unawhpa, ama chhôhkhazy Kôran mozy chhaota, chakaotuhpa achhyna byureih ochhizy vaihtuhpa châ ei ta, ama mahpaw zy cha ABEIPA riehmo chakaotuhpa a ngiana zy vaihtuhpa ama châ tyh.

²⁰ Cha hlâta cha Eliaza sawchapawpa Phineha cha ama hyutuhpa châ ta; ABEIPA cha a hnohta y ta.

²¹ Meshelamiah sawchapawpa Zekaria cha achhyna poh-o chhikao vaihtuhpa châ ta.

²² Cha ochhivaihtuhpa châta a tlyhpa zydua cha za no nata pahrawhleino ama châ. Davi nata hrohsopa Samuel ta ama hria awpa ama raopa zy cha âmo khih chyu liata pathlazy reina liata ropa amachâ.

²³ Chatanachata âmo nata ama sawzy chata ABEIPA o ochhi achhyna byureih ochhi zy cha mohôhpa ta ama vaih tyh.

²⁴ A ki palih nochhi lâchhâh zy, notla lâchhâh zy, maw lâchhâh zy, chho lâchhâh zy chata ochhi vaihtuhpa zy y tyh ei ta;

²⁵ khih liata ama unawhpa zy cha noh sari maihta daihti hneipa ta ama hnohta y awpa ta ama vawh tyh awpa châ ta;

²⁶ ochhivaihtuhpa hyutuhpa papalih cha Livai phozy châ ei ta, Khazohpa o liata sôh sona nata chhôhpadâhpa mohôhtuhpa châ tlôh ei ta.

²⁷ Chatanachata mohôhna raihria cha ama raihria a châpa vâta nata my chareih ta ochhi pahypa cha ama raihria a châpa vâta. Khazohpa o chheipâh zy liana chata amâ rie tyh.

²⁸ Thokha chata chakaona hmobaoh mohôh ei ta, amâ ngiakhei chy nahta ama puakhei chyta ama reih lymâ tyh.

²⁹ Thokhazy cha hmodâh zy, su pathaihpa liata hmobaoh zydua zy, viahdie di ngaitapa zy, kresawti zy, sathaw zy, deiry nata rohpahâhpa zy mohôh awpa ta raopa châ ei ta.

³⁰ Theihthaipa sawchapawpa thokha zy chata rohpahâhpa tao tyh ei ta,

³¹ Kôrah pho Shaluma sawchapawpauhthei chaipa Livai chyhsa Matithi cha beih ta chateipa lâta a pachâtuhpa a châ.

³² Kha mo pathlazy hry liatahpa ama unawhpa thokha zy cha viahchhâ sopa pahânoh maihta a chhuahnohtuhpa ta viahchhâ a sotuhpa zy amachâ.

³³ Chazy cha hla satuhpa sahlao Livai mo chhôhkha pawhrâhpa achhyna-o chhôhpadâhpa a vaihtuhpa, chakaona hropa liata a hria leipazy ama châ, chhô nata zâ ta a hriapa châ ei ta.

³⁴ Chazy cha âmo chhâ zydua liata hyutuhpa Livai mo chhôhkha pawhrâhpa zy châ ei ta, Zerusale liata a ypa ama châ.

³⁵ Kibia liana chata Kibia mo pathlatuhpa Zeiel y ta, a lahpinô moh cha Maaka a châ,

³⁶ a saw tuapa cha Abadaw châ ta, Zura zy, Kisa zy, Baal zy, Nera zy, Nada zy,

³⁷ Kedaw zy, Ahiô zy, Zekaria zy, Mikalô zy châ heih ei ta;

³⁸ Mikalô chata Shimia sa ta, âmo sahlao chhao cha Zerusale liata ama unawh ta ama unawhpa zy kiapâh liata y ei ta.

³⁹ Nera chata Kisa sa ta, Kisa ta Sawla sa ta, Sawla ta Zawnatha zy. Malkhisua zy, Abinada zy, Esbaal zy sa ta;

⁴⁰ Zawnatha sawchapawpa cha Meribaal châ ta; Meribaal chata Mika sa ta.

⁴¹ Mika sawchapawpazy cha: Pithaw zy, Meleka zy, Taria zy, Ahaza zy ama châ;

⁴² Ahaza ta Zarah sa ta, Zarah ta Aleme zy, Azôma zy, Zimri zy sa ta. Zimri ta Môza sa ta.

⁴³ Môza ta Binia sa ta, cha sawchapawpa cha Rephai châ ta, cha sawchapawpa cha Eliasa châ ta, cha sawchapawpa cha Azel a châ.

⁴⁴ Azel chata sawchapawpa pacharu sa ta; ama mohzy cha Azrika zy, Bokheru zy, Ishmael zy, Shiaria zy, Ôbadia zy, Hana zy ama châ, chazy cha Azel sawchapawpa ama châ.