7082. Sunt duo in mundo naturali quae faciunt ibi vitam, nempe calor et lux; et sunt duo in mundo spirituali ¹ quae faciunt ² ibi vitam, nempe amor et fides; calor in mundo naturali correspondet amori in mundo spirituali, et lux in mundo naturali correspondet fidei in mundo spirituali; inde est cum dicitur calor seu ignis spiritualis, quod intelligatur amor; et cum dicitur lux spiritualis, quod intelligatur fides; etiam amor actualiter est calor vitalis hominis, quod enim ex amore incalescat homo, notum est; et fides actualiter est lux hominis, quod enim ex fide illuminetur homo, ³ notum esse potest.

Notas de rodapé:

4517. ‘Cananaeo et Perizzaeo’: quod significet qui in bono et vero, constat ex significatione ‘Cananaei’ quod hic sint qui in Ecclesiae bono, ‘et Perizzaei’ qui in Ecclesiae vero; quod Cananaeus et Perizzaeus illa significent, est quia adhuc ibi apud illos erat Antiqua Ecclesia, ut mox supra ¹ n. 4516 dictum; fuerunt enim ibi qui ab Antiquissima Ecclesia, videatur n. 4447, 4454; et fuerunt qui ab Antiqua, imprimis ab illa quae Ecclesia Hebraea dicta est, quapropter illi qui e terra Canaane fuerunt, in genere vocati sunt Hebraei, Gen. 40:15, et quoque ² habuerunt altaria et sacrificabant, ideo ³ postquam idololatrae facti sunt, toties mandatum ut altaria eorum destruerentur; quamdiu itaque Ecclesia aut aliquid Ecclesiae apud illos remansit, per ‘Cananaeum’ significatur Ecclesiae bonum, et per ‘Perizzaeum’ Ecclesiae verum; at cum omne Ecclesiae apud illos consummatum erat, tunc per ‘Cananaeum’ significabatur malum, et per ‘Perizzaeum’ falsum, n. 1573, 1574.

Notas de rodapé: