¹ Auxskultu cxi tiun vorton, per kiu mi plorkantas pri vi, ho domo de Izrael.

² Falis kaj ne relevigxos la virgulino de Izrael; sxi estas jxetita sur la teron, kaj neniu sxin restarigos.

³ CXar tiele diras la Sinjoro, la Eternulo:La urbo, kiu elirigas milon, restos nur kun cento, kaj tiu, kiu elirigas centon, restos nur kun deko en la domo de Izrael.

⁴ CXar tiele diras la Eternulo al la domo de Izrael:Turnu vin al Mi, kaj tiam vi vivos.

⁵ Ne turnu vin al Bet-El, ne iru en Gilgalon, ne migru al Beer-SXeba; cxar Gilgal estos elpatrujigita kaj Bet-El farigxos senvalora.

⁶ Turnu vin al la Eternulo, kaj vivu, por ke la domo de Jozef ne ekflamu kiel fajro, kiu ekstermos, kaj neniu estingos en Bet-El.

⁷ La jugxon vi faras vermuto, kaj la veron vi jxetas sur la teron.

⁸ Li kreis la Plejadojn kaj Orionon; Li faras el la mallumo matenon, kaj el la tago Li faras malluman nokton; Li vokas la akvon de la maro kaj versxas gxin sur la teron; Lia nomo estas Eternulo.

⁹ Li sendas malfelicxon sur fortulon, kaj malfelicxo trafas urbon fortikigitan.

¹⁰ Sed ili malamas tiun, kiu admonas ilin en la pordego, kaj ili abomenas tiun, kiu parolas honestajxon.

¹¹ Tial pro tio, ke vi premas senhavulon kaj forprenas de li la panon per grandaj impostoj, vi konstruos domojn el hakitaj sxtonoj, sed vi ne logxos en ili; vi plantos cxarmajn vinbergxardenojn, sed vi ne trinkos ilian vinon.

¹² CXar Mi scias, kiel multaj estas viaj krimoj kaj kiel gravaj estas viaj pekoj:vi premas virtulon, vi prenas subacxeton, vi forpusxas malricxulojn en la pordego.

¹³ Tial la sagxulo silentas en cxi tiu tempo, cxar gxi estas tempo malbona.

¹⁴ Sercxu bonon, ne malbonon, por ke vi vivu; tiam la Eternulo, Dio Cebaot, estos kun vi, kiel vi diras.

¹⁵ Malamu la malbonon, amu la bonon, kaj starigu en la pordego justecon; eble la Eternulo, Dio Cebaot, indulgos la restintojn de Jozef.

¹⁶ Tial tiele diras la Eternulo, Dio Cebaot, la Sinjoro:Sur cxiuj placoj estos plorado, sur cxiuj stratoj oni dirados:Ho ve, ho ve! kaj oni vokos la plugiston, por plori, kaj la sciantojn de funebraj kantoj, por plorkanti.

¹⁷ Kaj en cxiuj vinbergxardenoj estos plorado, kiam Mi trairos meze de vi, diras la Eternulo.

¹⁸ Ve al tiuj, kiuj deziras vidi la tagon de la Eternulo! por kio vi gxin deziras? la tago de la Eternulo estas malluma, ne luma.

¹⁹ Tiel same, kiel se iu forkuras de leono kaj lin kaptas urso, aux li venis hejmen kaj apogis sian manon al muro kaj lin pikas serpento.

²⁰ Malluma estos ja la tago de la Eternulo, ne luma; malluma kaj sen ia brilo.

²¹ Mi malamas, Mi abomenas viajn festojn, kaj Mi ne flaras la oferojn de viaj solenaj tagoj.

²² Kiam vi alportas al Mi bruloferojn kaj viajn farunoferojn, Mi ne akceptas ilin, kaj viajn grasajn dankoferojn Mi ne rigardas.

²³ Forigu de Mi la bruon de viaj kantoj, la sonadon de viaj psalteroj Mi ne volas auxskulti.

²⁴ Sed justeco fluu kiel akvo, kaj vero kiel potenca torento.

²⁵ CXu bucxoferojn kaj farunoferojn vi alportadis al Mi en la dezerto dum kvardek jaroj, ho domo de Izrael?

²⁶ Vi portis la tabernaklon de via Molehx, la kolonon de via idolo, la stelon de via dio, kiun vi faris al vi.

²⁷ Tial Mi elpatrujigos vin trans Damaskon, diras la Eternulo, kies nomo estas Dio Cebaot.

¹ Kiel akvaj torentoj estas la koro de regxo en la mano de la Eternulo: Kien Li volas, Li gxin direktas.

² CXiuj vojoj de homo estas gxustaj en liaj okuloj; Sed la Eternulo pesas la korojn.

³ Plenumado de vero kaj justeco Estas al la Eternulo pli agrabla ol oferado.

⁴ Fieraj okuloj kaj aroganta koro, Kulturajxo de malvirtuloj, estas peko.

⁵ La entreprenoj de diligentulo donas nur profiton; Sed cxiu trorapidado kondukas nur al manko.

⁶ Akirado de trezoroj per lango mensogema Estas vanta bloveto, retoj de morto.

⁷ La rabo de malvirtuloj atakos ilin mem; CXar ili ne volis fari justajxon.

⁸ Malrekta estas la vojo de homo kulpa; Sed la agado de purulo estas gxusta.

⁹ Pli bone estas logxi sur angulo de tegmento, Ol kun malpacema edzino en komuna domo.

¹⁰ La animo de malvirtulo deziras malbonon; Lia proksimulo ne estas favorata de li.

¹¹ Kiam blasfemanto estas punata, senspertulo farigxas pli sagxa; Kaj kiam oni instruas sagxulon, li akiras prudenton.

¹² La Justulo rigardas la domon de malvirtulo, Kaj Li faligas malvirtulojn en malbonon.

¹³ Se iu sxtopas sian orelon kontraux kriado de malricxulo, Li ankaux vokos kaj ne estos auxskultata.

¹⁴ Sekreta donaco kvietigas koleron, Kaj donaco en la sinon, fortan furiozon.

¹⁵ Farado de justajxo estas gxojo por la virtulo Kaj teruro por la malbonaguloj.

¹⁶ Homo, kiu erarforigxis de la vojo de prudento, Eklogxos en komunumo de mortintoj.

¹⁷ Kiu amas gajecon, tiu havos mankon; Kiu amas vinon kaj oleon, tiu ne estos ricxa.

¹⁸ La malvirtulo estos liberiga anstatauxo por la virtulo, Kaj malpiulo por piuloj.

¹⁹ Pli bone estas logxi en lando dezerta, Ol kun malpacema kaj kolerema edzino.

²⁰ CXarma trezoro kaj oleo estas en la domo de sagxulo; Sed homo malsagxa cxion englutas.

²¹ Kiu celas justecon kaj bonecon, Tiu trovos vivon, justecon, kaj honoron.

²² Kontraux urbon de fortuloj eliras sagxulo, Kaj li faligas gxian fortan fortikajxon.

²³ Kiu gardas sian busxon kaj sian langon, Tiu gardas sian animon kontraux malfelicxoj.

²⁴ Fiera malbonulo, kiun oni nomas blasfemulo, Agas kun kolero kaj malboneco.

²⁵ La deziro de mallaborulo lin mortigas, CXar liaj manoj ne volas labori.

²⁶ Tuttage li forte deziras; Sed virtulo donas kaj ne rifuzas.

²⁷ Oferdono de malvirtuloj estas abomenajxo; Kiom pli, kiam li gxin alportas kiel pekoferon!

²⁸ Mensoga atestanto pereos; Sed homo, kiu mem auxdis, parolos por cxiam.

²⁹ Malvirtulo tenas sian vizagxon arogante; Sed virtulo zorgas pri sia vojo.

³⁰ Ne ekzistas sagxo, ne ekzistas prudento, Ne ekzistas konsilo kontraux la Eternulo.

³¹ CXevalo estas preparata por la tago de milito; Sed la helpo venas de la Eternulo.