Luko 23

¹ Kaj la tuta cxeestantaro levigxis, kaj kondukis lin antaux Pilaton.

² Kaj ili komencis akuzi lin, dirante:Ni trovis cxi tiun viron erariganta nian nacion, kaj malpermesanta pagi tributon al Cezaro, kaj diranta, ke li mem estas Kristo, regxo.

³ Kaj Pilato demandis lin, dirante:CXu vi estas la Regxo de la Judoj? Kaj li responde al li diris:Vi diras.

⁴ Kaj Pilato diris al la cxefpastroj kaj homamasoj:Mi trovas nenian kulpon en cxi tiu viro.

⁵ Sed ili insistis, dirante:Li malkvietigas la popolon, instruante tra la tuta Judujo, kaj komencante de Galileo, ecx gxis cxi tie.

⁶ Sed kiam Pilato tion auxdis, li demandis, cxu la viro estas Galileano.

⁷ Kaj kiam li sciigxis, ke li estas el sub la auxtoritato de Herodo, li sendis lin al Herodo, kiu ankaux cxeestis en Jerusalem en tiuj tagoj.

⁸ Sed Herodo, vidinte Jesuon, treege gxojis; cxar de longe li deziris vidi lin, cxar li jam auxdis pri li, kaj li esperis vidi ian signon, faritan de li.

⁹ Kaj li demandis lin per multaj vortoj, sed li respondis al li nenion.

¹⁰ Kaj la cxefpastroj kaj la skribistoj staris, forte lin akuzante.

¹¹ Kaj Herodo kaj liaj soldatoj malhonoris lin kaj mokis lin, kaj vestinte lin per brilaj vestoj, li resendis lin al Pilato.

¹² Kaj Herodo kaj Pilato farigxis amikoj unu kun la alia en tiu sama tago; cxar antauxe ili havis inter si malamon.

¹³ Kaj Pilato, kunvokinte la cxefpastrojn kaj la regantojn kaj la popolon,

¹⁴ diris al ili:Vi alkondukis antaux min cxi tiun viron, kiel erarigantan la popolon; kaj jen ekzameninte lin antaux vi, mi trovis nenian kulpon en cxi tiu viro rilate tion, pri kio vi lin akuzas;

¹⁵ nek Herodo ankaux, cxar li resendis lin al ni; kaj jen nenio inda je morto estas farita de li.

¹⁶ Tial mi lin skurgxos kaj liberigos.

¹⁷ CXar li devis liberigi unu al ili dum la festo.

¹⁸ Sed amase ili kriis, dirante:Forigu lin, kaj liberigu al ni Barabason;

¹⁹ kiu pro ribelado farita en la urbo, kaj pro mortigo, estis jxetita en malliberejon.

²⁰ Kaj Pilato, volante liberigi Jesuon, denove parolis al ili;

²¹ sed ili lauxte kriis, dirante:Krucumu, krucumu lin.

²² Kaj la trian fojon li diris al ili:Kial? kian malbonon faris cxi tiu? mi trovis en li nenion indan je morto; mi do lin skurgxos kaj liberigos.

²³ Sed ili insistis per grandaj krioj, postulante krucumi lin. Kaj iliaj krioj superfortis.

²⁴ Kaj Pilato donis jugxon, ke plenumigxu ilia postulo.

²⁵ Kaj li liberigis tiun, kiu pro ribelado kaj mortigo estis jxetita en malliberejon, kaj kiun ili postulis; sed Jesuon li transdonis al ilia volo.

²⁶ Kaj kiam ili forkondukis lin, ili kaptis Simonon, Kirenanon, venantan de la kamparo, kaj metis sur lin la krucon, por porti gxin post Jesuo.

²⁷ Kaj sekvis lin granda amaso de la popolo, kaj de virinoj, kiuj gxemis kaj lamentis pro li.

²⁸ Sed Jesuo, turninte sin al ili, diris:Filinoj de Jerusalem, ne ploru pro mi, sed ploru pro vi kaj pro viaj infanoj.

²⁹ CXar jen venas tagoj, kiam oni diros:Felicxaj estas la senfruktaj, kaj la ventroj ne naskintaj, kaj la mamoj ne nutrintaj.

³⁰ Tiam oni komencos diri al la montoj:Falu sur nin; kaj al la montetoj:Kovru nin.

³¹ CXar se oni tiel agas en la suka ligno, kiel oni agos en la seka?

³² Kaj estis kondukataj kun li ankaux aliaj du, krimuloj, por esti mortigitaj.

³³ Kaj kiam ili alvenis al la loko nomata Kranio, tie ili krucumis lin, kaj la krimulojn, unu dekstre kaj unu maldekstre.

³⁴ Kaj Jesuo diris:Patro, pardonu ilin; cxar ili ne scias, kion ili faras. Kaj dividante inter si liajn vestojn, ili jxetis lotojn.

³⁵ Kaj la popolo staris, rigardanta. Kaj la regantoj ankaux mokis lin, dirante:Aliajn li savis:li savu sin mem, se cxi tiu estas la Kristo de Dio, la elektito.

³⁶ Kaj sxercis pri li ankaux la soldatoj, venante al li kaj proponante al li vinagron,

³⁷ kaj dirante:Se vi estas la Regxo de la Judoj, savu vin.

³⁸ Kaj estis ankaux surskribo super li:CXI TIU ESTAS LA REGXO DE LA JUDOJ.

³⁹ Kaj unu el la pendigitaj krimuloj insultis lin, dirante:CXu vi ne estas la Kristo? savu vin kaj nin.

⁴⁰ Sed la alia responde admonis lin, dirante:CXu vi ecx ne timas Dion? cxar vi estas en la sama kondamno.

⁴¹ Kaj ni ja juste, cxar ni ricevas rekompencon, merititan pro niaj faroj; sed cxi tiu faris nenion malbonan.

⁴² Kaj li diris:Jesuo, memoru min, kiam vi venos en vian regnon.

⁴³ Kaj li diris al li:Vere mi diras al vi:Hodiaux vi estos kun mi en Paradizo.

⁴⁴ Kaj jam estis cxirkaux la sesa horo, kaj farigxis mallumo sur la tuta lando gxis la nauxa, cxar la sunlumo mankis;

⁴⁵ kaj la kurteno de la sanktejo dissxirigxis en la mezo.

⁴⁶ Kaj kriinte per lauxta vocxo, Jesuo diris:Patro, en Viajn manojn mi transdonas mian spiriton; kaj tion dirinte, li ellasis for la spiriton.

⁴⁷ Kaj kiam la centestro vidis la okazantajxon, li gloris Dion, dirante:CXi tiu estis ja justulo.

⁴⁸ Kaj cxiuj homamasoj, kiuj kunvenis al cxi tiu spektaklo, kiam ili vidis la okazintajxojn, reiris, frapante al si la bruston.

⁴⁹ Kaj cxiuj liaj konantoj, kaj la virinoj, kiuj sekvis lin el Galileo, staris malproksime, vidante tion.

⁵⁰ Kaj jen viro nomata Jozef, kiu estis konsilanto, viro bona kaj justa

⁵¹ (li ne konsentis al ilia intenco kaj faro), el Arimateo, urbo de la Judoj, kiu atendis la regnon de Dio,

⁵² irinte al Pilato, petis la korpon de Jesuo.

⁵³ Kaj li deprenis gxin kaj envolvis gxin en tolajxo, kaj metis lin en tombo, elhakita el sxtono, kie neniu antauxe kusxis.

⁵⁴ Kaj estis la tago de la Preparado, kaj la sabato eklumis.

⁵⁵ Kaj la virinoj, kiuj venis kun li el Galileo, sekvis, kaj vidis la tombon, kaj kiamaniere la korpo estis metita.

⁵⁶ Kaj ili reiris, kaj preparis aromajxojn kaj sxmirajxojn. Kaj sabate ili ripozis laux la ordono.