3650. GENESEOS CAPUT VIGESIMUM OCTAVUM

Ante caput praecedens xxvii explicata sunt quae Dominus docuit et praedixit de ultimo judicio, seu de ultimis diebus Ecclesiae, apud Matthaeum, capite xxiv a versu 8 ad 14, n. 3486-3489; nunc sequuntur ordine, ante hoc caput juxta institutum, explicanda quae ibi versibus 15-18;

Cum ergo videritis abominationem desolationis dictam a Daniele propheta, stantem in loco sancto, qui legit, animadvertat.

Tunc qui in Judaea, fugiant in montes. Qui super tecto domus, ne descendat ad tollendum quid e domo sua. Et qui in agro, ne revertatur retro, ad accipiendum vestem suam ¹ .

Бележки под линия:

8787. ‘Abi ad populum’: quod significet conjunctionem, constat ex repraesentatione ‘Moschis’ nunc, quod ¹ sit verum a Divino quod infra caelum, de qua supra n. 8760, ² et ex repraesentatione ‘filiorum Israelis’, qui hic ‘populus’ ad quem abiret, quod sint qui ab Ecclesia spirituali, de qua saepius; quod ‘abire ad populum’ cum dicitur a Jehovah, sit conjunctio, est quia verum a Divino, quod repraesentatur per ‘Moschen’, est medians Divini cum illis qui ab Ecclesia, nam ut conjunctio fiat, quae hic repraesentatur per ‘foedus inter Jehovam et populum’, erit mediatio; ideo quoque per ‘Moschen’ repraesentatur verum a Divino infra caelum conjunctum cum vero Divino in caelo, n. 8760, hoc propter mediationem.

Бележки под линия: