6354. ‘In secretum eorum ne veniat anima mea’: quod significet quod bonum spirituale non scire velit mala quae voluntatis eorum, constat ex repraesentatione ‘Israelis’ qui de se hoc dicit, quod sit bonum spirituale, de qua n. 6340; a significatione ‘in secretum non veniat’ quod sit non scire velle, nempe mala quae voluntatis, quae significantur per ‘Shimeonem et Levi’, n. 6352; ‘anima mea’ dicitur quia per ‘animam’ ibi significatur vita boni, quae est bono spirituali; ¹ vita veri quae ei, significatur per ‘gloriam’, de qua nunc sequitur.

Примітки:

6352. ‘Shimeon et Levi fratres’: quod significet fidem voluntate et charitatem, hic contrarium quia ¹ fidem separatam a charitate, constat a repraesentatione ‘Shimeonis’ quod sit fides voluntate, de qua n. 3869-3872, 4497, 4502, 4503, 5482, 5626, 5630; et a repraesentatione ‘Levi’ quod sit ² charitas, de qua n. 3875, 3877, hic autem contrarium ³ quia fidem separatam a charitate, cum enim per ‘Reubenem’ illa fides repraesentatur, ut patet ab illis quae advers. 4explicata sunt, sequitur quod nulla fides voluntate sit, ita nec ulla charitas, quae repraesentantur per ‘Shimeonem et Levi’, sequuntur enim haec in serie a suo principio; quapropter per ‘Shimeonem’ repraesentatur falsum voluntate, et per ‘Levi’ malum actu, haec enim opposita sunt fidei voluntate et charitati; quod haec significentur, patet ex eo quod Shimeon et Levi maledicantur.

Примітки: