7686. ‘Ante illam non fuit [ita] locusta sicut illa, et post illam non ita erit’: quod significet quod tale falsum non fuerit a primo tempore Ecclesiae, et quod non tale erit, constat ex significatione ‘locustae’ quod sit falsum in extremis, de qua n. 7643; ¹ quod tale falsum non fuerit, nec erit', videatur etiam supra n. 7649. Quomodo hoc se habet, ² dicendum: in interno sensu agitur in specie de illis qui ante Adventum Domini in terra inferiore fuerunt, ³ et non potuerunt in caelum elevari priusquam Dominus in mundum venit et assumpsit Humanum ac illud Divinum fecit, videatur n. 6854, 6914; illi interea a malis qui etiam fuerunt ab Ecclesia, ac vera fidei confessi, sed vitam mali vixerunt, infestabantur; illi qui ante Adventum Domini ab Ecclesia fuerunt, et mali quoad vitam, in tali falso fuerunt, quale non fuerat ⁴ antea, nec erit postea; causa erat quia illi qui Nephilim, tum Enakim et Rephaim, dicti sunt, et fuerunt ab extrema posteritate Antiquissimae Ecclesiae, nondum ⁵ inclusi fuerunt inferno, sed pervagati circum, ac infuderunt, ubicumque ⁶ potuerunt, persuasiones diras et mortiferas; ita quoque malis in Ecclesia; inde illis tale falsum; de Nephilim illis, et diris illorum persuasionibus, videatur n. 310, ⁷ 560, 562, 563, 570, 581, 586, 607 fin. , 660, 805, 808, 1034, 1120, 1265-1272, 1673; hi a Domino ⁸ cum fuit in mundo, conjecti sunt in infernum quod est a sinistro antrorsum ad aliquam distantiam; hoc nisi factum fuisset, paucissimi potuissent salvari, nam falsum quod illi infuderunt erat ⁹ cum persuasivo diro, ac letale, quale nusquam fuerat, et quale nusquam ¹⁰ esse potest; hoc falso imbuti fuerunt illi qui ante Adventum Domini infestarunt illos qui ab Ecclesia spirituali; haec sunt quae in sensu interno per illa verba intelliguntur; de illis in specie ¹¹ agitur, in genere autem de omnibus qui ab Ecclesia et infestant probos in altera vita, quorum ¹² perplures hodie sunt.

Примітки: