6
Si autem somnium, et conjecturam ejus narraveritis, præmia, et dona, et honorem multum accipietis a me. Somnium igitur, et interpretationem ejus indicate mihi.
Daniel 2:6
Vera Christiana Religio #755
755. Quod Consummatio Saeculi sit ultimum tempus Ecclesiae, constat ex locis in Verbo, ubi nominatur, ut ex his, CONSUMMATIONEM et DECISIONEM audivi a cum Jehovah super universam terram, Esaias 28:22. CONSUMMATIO definita, inundata justitia, nam CONSUMMATIONEM ET DECISIONEM Dominus Jehovih Zebaoth faciens in tota terra, Esaias 10:22-23. In 1 igne Zeli Jehovae comedetur tota terra, quia CONSUMMATIONEM festinatam faciet cum omnibus habitatoribus terrae, Zephanias 1:18, per Terram in his locis significatur Ecclesia, quia intelligitur terra Canaan, ubi Ecclesia fuit; quod Ecclesia per Terram significetur, ex plurimis locis e Verbo confirmatum videatur in APOCALYPSI REVELATA 285, 902. Tandem super avem abominationum DESOLATIO, et usque ad CONSUMMATIONEM ET DECISIONEM stillabit super DEVASTATIONEM, Daniel 9:27, quod haec a Daniele de fine hodiernae Ecclesiae Christianae dicta sint, videatur Matthaeus 24:15. VASTITAS erit tota Terra, CONSUMMATIONEM tamen non faciam, Jeremias 4:27. Nondum CONSUMMATA est iniquitas Emorraeorum, Genesis 15:16. 2 Dixit Jehovah, descendam et videbo, num juxta clamorem, qui venit ad Me, fecerint CONSUMMATIONEM, Genesis 18:21, 3 de Sodoma.
[2] Ultimum tempus Ecclesiae hodiernae Christianae etiam per Consummationem saeculi a Domino intelligitur in his locis, Discipuli interrogarunt Jesum, quodnam signum tui Adventus et CONSUMMATIONIS SAECULI, Matthaeus 24:3. Tempore messis dicam Messoribus, colligite primum Zizania ad comburendum; Triticum colligite in horrea; sic erit in CONSUMMATIONE SAECULI, Matthaeus 13:[30,] 40. In CONSUMMATIONE SAECULI exibunt Angeli, et separabunt malos e medio justorum, Matthaeus 13:49. Jesus dixit Discipulis, ecce Ego vobiscum sum usque ad CONSUMMATIONEM SAECULI, Matthaeus 28:20. Sciendum est, quod Vastatio, Desolatio, Decisio, simile significent quod Consummatio; sed Desolatio consummationem veri, Vastatio consummationem 4 boni, et Decisio consummationem utriusque plenariam; et quod Plenitudo temporis, in qua Dominus in Mundum venit, et in qua venturus est, etiam sit Consummatio.
Примітки:
1. Prima editio: In (absque italicis).
2. Prima editio: 10:22, 23.
3. Prima editio: 17.
4. Prima editio: cosummationem.
Esaias 13
1
Onus Babylonis, quod vidit Isaias, filius Amos.
2
Super montem caliginosum levate signum : exaltate vocem, levate manum, et ingrediantur portas duces.
3
Ego mandavi sanctificatis meis, et vocavi fortes meos in ira mea, exsultantes in gloria mea.
4
Vox multitudinis in montibus, quasi populorum frequentium ; Vox sonitus regum, gentium congregatarum. Dominus exercituum præcepit militiæ belli,
5
venientibus de terra procul, a summitate cæli ; Dominus, et vasa furoris ejus, ut disperdat omnem terram.
6
Ululate, quia prope est dies Domini ; quasi vastitas a Domino veniet.
7
Propter hoc omnes manus dissolventur, et omne cor hominis contabescet,
8
et conteretur. Torsiones et dolores tenebunt ; quasi parturiens dolebunt : unusquisque ad proximum suum stupebit, facies combustæ vultus eorum.
9
Ecce dies Domini veniet, crudelis, et indignationis plenus, et iræ, furorisque, ad ponendam terram in solitudinem, et peccatores ejus conterendos de ea.
10
Quoniam stellæ cæli, et splendor earum, non expandent lumen suum ; obtenebratus est sol in ortu suo, et luna non splendebit in lumine suo.
11
Et visitabo super orbis mala, et contra impios iniquitatem eorum ; et quiscere faciam superbiam infidelium, et arrogantiam fortium humiliabo.
12
Pretiosior erit vir auro, et homo mundo obrizo.
13
Super hoc cælum turbabo ; et movebitur terra de loco suo, propter indignationem Domini exercituum, et propter diem iræ furoris ejus.
14
Et erit quasi damula fugiens, et quasi ovis, et non erit qui congreget. Unusquisque ad populum suum convertetur, et singuli ad terram suam fugient.
15
Omnis qui inventus fuerit occidetur, et omnis qui supervenerit cadet in gladio ;
16
infantes eorum allidentur in oculis eorum, diripientur domus eorum, et uxores eorum violabuntur.
17
Ecce ego suscitabo super eos Medos, qui argentum non quærant, nec aurum velint ;
18
sed sagittis parvulos interficient, et lactantibus uteris non miserebuntur, et super filios non parcet oculus eorum.
19
Et erit Babylon illa gloriosa in regnis, inclyta superbia Chaldæorum, sicut subvertit Dominus Sodomam et Gomorrham.
20
Non habitabitur usque in finem, et non fundabitur usque ad generationem et generationem ; nec ponet tibi tentoria Arabs, nec pastores requiescent ibi.
21
Sed requiescent ibi bestiæ, et replebuntur domus eorum draconibus, et habitabunt ibi struthiones, et pilosi saltabunt ibi ;
22
et respondebunt ibi ululæ in ædibus ejus, et sirenes in delubris voluptatis.
