Arcana Coelestia #9900
9900. ‘Et portabit Aharon nomina filiorum Israelis’: quod significet conservationem boni et veri quoad omne quale a Domino, constat ex significatione ‘portare’ cum de pectorali, per quod significantur omnia bona et vera caeli, n. 9879, 9887, quod sit conservare, quod enim portatur super pectore, hoc conservatur; quod etiam ‘portare’ cum de Divino, sit continere in statu boni et veri, videatur n. 9500, 9737; ex repraesentatione ‘Aharonis’ quod sit Dominus quoad Divinum Bonum, de qua n. 9806; et ex significatione ‘nominum filiorum Israelis’ quod sint bona et vera caeli et Ecclesiae quoad omne quale, de qua n. 9842.
Arcana Coelestia #9887
9887. ‘Et dabis super umeros ephodi’: quod significet sic sustentationem caeli et conservationem boni et veri ibi omni opera et potentia, constat ex significatione ‘dare super umeros ephodi’ quod sit sustentatio 1 et conservatio boni et veri 2 in caelis; quod sit sustentatio, 3 videatur mox supra n. 4 9886, quod sit conservatio omni opera et potentia, 5 n. 9836; quod sit sustentatio caeli per Divinum procedens a Domino, ut et conservatio boni et veri ibi, est quia per ‘pectorale’, quod per funiculos alligabatur umeralibus ephodi, et sic sustentabatur 6 , significatur Divinum Verum 7 procedens ex Divino Bono Domini, n. 9823, 8 ita omnia bona et vera in complexu 9 quae faciunt caelum, n. 9879.
Bilješke:
1. The Manuscript inserts coeli, .
2. ibi
3. nunc supra Arcana Coelestia 9885 dictum est
4. The editors of the third Latin edition made a minor correction here. For details, see the end of the appropriate volume of that edition.
5. The Manuscript inserts videatur.
6. The Manuscript inserts et conservabatur.
7. elucens
8. tum
9. proinde
