23
Et post amicitias, cum eo faciet dolum : et ascendet, et superabit in modico populo.
Daniel 11:23
Arcana Coelestia #10041
10041. Vers. 15-18. Et arietem unum accipies, et imponent Aharon et filii ejus manus suas super caput arietis. Et mactabis arietem, et accipies sanguinem ejus, et asperges super altare circumcirca. Et arietem secabis in segmenta sua, et lavabis intestina ejus, et crura ejus, et dabis super segmenta ejus, et super caput ejus. Et adolebis cum toto ariete altare; holocaustum hoc Jehovae, odor quietis, ignitum Jehovae hoc. 1 ‘Et arietem unum accipies’ significat bonum innocentiae in interno homine; ‘et imponent Aharon et filii ejus manus suas’ significat potentiae communicationem: ‘super caput arietis’ significat cum toto: ‘et mactabis arietem’ significat praeparationem ad purificationem interni hominis: ‘et accipies sanguinem’ 2 significat Divinum Verum: ‘et asperges super altare circumcirca’ significat conjunctionem cum Divino Bono: ‘et arietem secabis in segmenta’ significat interiora distincte ordinanda: ‘et lavabis intestina’ significat purificationem infimorum: ‘et crura ejus’ significat purificationem exteriorum quae naturalis hominis: ‘et dabis super segmenta ejus et super caput’ significat ordinationem exteriorum sub internis et sub intimis: ‘et adolebis cum toto ariete altare’ significat internum Divini Humani Domini unitum Divino Bono Divini Amoris Ipsius quod in Ipso: ‘holocaustum hoc Jehovae’ significat glorificationem Humani Domini: ‘odor quietis’ significat perceptivum pacis: ‘ignitum Jehovae hoc’ significat omnia ex Divino Amore.
V:
1. See page ix preliminary note 2. 15. Et arietem unum accipies, significat internum Divini Humani Domini: et imponent Aharon et filii ejus manus, significat potentiaecommunicationem; super caput arietes, significat in toto. 16. Et mactabis arietem, significat praeparationem: et accipies sanguinem, significat Divinum Verum: et asperges super altare circumcirca, significat conjunctionem cum Divino Bono. 17. Et arietem secabis in segmenta sua, significat omnia et singula distincte ordinata: et lavabis intestina ejus, significat purificationem infimorum: et crura ejus, significat purificationem naturalis hominis: et dabis super segmenta ejus, significat ordinationem interiorum sub internis: et super caput, significat omnia sub intimis. Exod. 12:9. 18. Et adolebis cum toto ariete altare, significat internum Divinum Humanum conjunctum cum Divino Bono: holocaustum hoc Jehovae, significat glorificatum: odor quietis, significat statum pacis: ignitum Jehovae hoc, significat ex Divino amore.
2. The editors of the third Latin edition made a minor correction here. For details, see the end of the appropriate volume of that edition.
