5775. ‘Et intravit Jehudah et fratres ejus’: quod significet bonum Ecclesiae cum veris suis, constat a repraesentatione ‘Jehudae’ quod sit bonum Ecclesiae, de qua n. 5583, 5603; et ex repraesentatione ‘fratrum ejus’ quod ¹ sint vera in naturali. Quod Jehudah intravit et locutus cum Josepho, non autem Reuben primogenitus, aut alius ex illis, est quia ‘Jehudah’ principaliter repraesentabat bonum, et bonum est quod communicat cum caelesti ex Divino, non autem vera, nam vera nullam communicationem habent cum Divino nisi per bonum; inde est quod Jehudah solus locutus.

फुटनोट:

In Luke 19:12, this signifies the Lord's departure from the world, and His seeming then to be absent. (Apocalypse Explained 675[7])