¹ ויהי דבר־יהוה אלי לאמר׃

² בן־אדם אמר לנגיד צר כה־אמר אדני יהוה יען גבה לבך ותאמר אל אני מושב אלהים ישבתי בלב ימים ואתה אדם ולא־אל ותתן לבך כלב אלהים׃

³ הנה חכם אתה [כ= מדנאל] [ק= מדניאל] כל־סתום לא עממוך׃

⁴ בחכמתך ובתבונתכ* עשית לך חיל ותעש זהב וכסף באוצרותיך׃

⁵ ברב חכמתך ברכלתך הרבית חילך ויגבה לבבך בחילך׃ ס

⁶ לכן כה אמר אדני יהוה יען תתך את־לבבך כלב אלהים׃

⁷ לכן הנני מביא עליך זרים עריצי גוים והריקו חרבותם על־יפי חכמתך וחללו יפעתך׃

⁸ לשחת יורדוך ומתה ממותי חלל בלב ימים׃

⁹ האמר תאמר אלהים אני לפני הרגך ואתה אדם ולא־אל ביד מחלליך׃

¹⁰ מותי ערלים תמות ביד־זרים כי אני דברתי נאם אדני יהוה׃ ס

¹¹ ויהי דבר־יהוה אלי לאמר׃

¹² בן־אדם שא קינה על־מלך צור ואמרת לו כה אמר אדני יהוה אתה חותם תכנית מלא חכמה וכליל יפי׃

¹³ בעדן גן־אלהים היית כל־אבן יקרה מסכתך אדם פטדה ויהלם תרשיש שהם וישפה ספיר נפך וברקת וזהב מלאכת תפיך ונקביך בך ביום הבראך כוננו׃

¹⁴ את־כרוב ממשח הסוךך ונתתיך בהר קדש אלהים היית בתוך אבני־אש התהלכת׃

¹⁵ תמים אתה בדרכיך מיום הבראך עד־נמצא עולתה בך׃

¹⁶ ברב רכלתך מלו תוךך חמס ותחטא ואחללך מהר אלהים ואבדך כרוב הסךך מתוך אבני־אש׃

¹⁷ גבה לבך ביפיך שחת חכמתך על־יפעתך על־ארץ השלכתיך לפני מלכים נתתיך לראוה בך׃

¹⁸ מרב עוניך בעול רכלתך חללת מקדשיך ואוצא־אש מתוךך היא אכלתך ואתנך לאפר על־הארץ לעיני כל־ראיך׃

¹⁹ כל־יודעיך בעמים שממו עליך בלהות היית ואינך עד־עולם׃ ף

²⁰ ויהי דבר־יהוה אלי לאמר׃

²¹ בן־אדם שים פניך אל־צידון והנבא עליה׃

²² ואמרת כה אמר אדני יהוה הנני עליך צידון ונכבדתי בתוךך וידעו כי־אני יהוה בעשותי בה שפטים ונקדשתי בה׃

²³ ושלחתי־בה דבר ודם בחוצותיה ונפלל חלל בתוכה בחרב עליה מסביב וידעו כי־אני יהוה׃

²⁴ ולא־יהיה עוד לבית ישראל סלון ממאיר וקוץ מכאב מכל סביבתם השאטים אותם וידעו כי אני אדני יהוה׃ ס

²⁵ כה־אמר אדני יהוה בקבצי את־בית ישראל מן־העמים אשר נפצו בם ונקדשתי בם לעיני הגוים וישבו על־אדמתם אשר נתתי לעבדי ליעקב׃

²⁶ וישבו עליה לבטח ובנו בתים ונטעו כרמים וישבו לבטח בעשותי שפטים בכל השאטים אתם מסביבותם וידעו כי אני יהוה אלהיהם׃ ס

¹ The word of Yahweh came again to me, saying,

² Son of man, tell the prince of Tyre, Thus says the Lord Yahweh: Because your heart is lifted up, and you have said, I am a god, I sit in the seat of god, in the midst of the seas; yet you are man, and not god, though you did set your heart as the heart of god--

³ behold, you are wiser than Daniel; there is no secret that is hidden from you;

⁴ by your wisdom and by your understanding you have gotten yourself riches, and have gotten gold and silver into your treasures;

⁵ by your great wisdom [and] by your traffic you have increased your riches, and your heart is lifted up because of your riches--

⁶ therefore thus says the Lord Yahweh: Because you have set your heart as the heart of God,

⁷ therefore, behold, I will bring strangers on you, the terrible of the nations; and they shall draw their swords against the beauty of your wisdom, and they shall defile your brightness.

⁸ They shall bring you down to the pit; and you shall die the death of those who are slain, in the heart of the seas.

⁹ Will you yet say before him who kills you, I am God? but you are man, and not God, in the hand of him who wounds you.