6314. Similiter ac cum luce se quoque habet cum calore qui homini vitalis 1 est; calor hic vitalis prorsus non originem trahit a calore qui e sole mundi, sed a calore spirituali qui est amor, 2 et procedit a Domino; hic calor est angelis; inde homo quantum in amore est, tantum in calore vitali est; corpus autem est in calore mundi, et quoque sensuale interius, sed calor vitalis influit in hunc calorem et vivificat illum; puritates et crassities ejus se similiter habent ac luces. m}Hic calor est qui intelligitur per ignes sacros in Verbo, 3 quapropter per ignes illos ibi significantur caelestes amores; ac in opposito sensu est ille calor qui intelligitur per ignes inferni, 4 quare per ignes illos in Verbo significantur amores infernales et eorum cupiditates.
Fotnoter:
