5064. In praemissis ad caput praecedens n. 4954-4959 explicatum est quid in sensu interno significatur per ‘esurienti dare edere, sitientem potare, peregrinum colligere, nudum amicire, aegrotum ac in carcere visitare’, quod nempe sit essentia charitatis quae involvitur ac ita describitur; per ‘esurientem, sitientem et peregrinum’ affectio boni et veri, et per ‘nudum, aegrotum et in carcere’ agnitio sui, videatur n. 4956, 4958.
