2900. Quod Verbum Novi Testamenti quod apud Evangelistas, attinet, quia Dominus ex ipso Divino locutus est, ideo quoque singula quae locutus, repraesentativa et significativa Divinorum, ita caelestium regni et Ecclesiae Ipsius, fuerunt, ut pluries in praecedentibus ostensum.
Arcana Coelestia #5908
5908. ‘Posuit me Deus ad dominum omni Aegypto’: quod significet quod disponat omnia et singula in naturali, constat ex significatione ‘esse positus ad dominum’ quod sit disponere, ut supra n. 5903, 5904; et ex significatione ‘omnis Aegypti’ quod sint scientifica in naturali, ita omnia et singula ibi; ex scientificis enim est naturale; quod ‘Aegyptus’ sit scientificum, prius pluries est ostensum.