Malureina 26

¹ Hriena a pai tawhna chata ABEIPA ta Mawsi nata theihthaipa Arawna sawchapawpa Eliaza cha bie chho ta.

² “Izarel pathlazy pôhpakhypa sahlao zydua cha, kô syno rakha tawhta a chôlâ, a chi chi ta, Izarel râh liata chariahna lâta a sie theipa zydua reih khai teh u,” tahpa ta.

³ Mawsi nata theihthaipa Eliaza chata Zerikô dady Zawdâh kiapâh, Môaba bypi liata âmo sahlao cha bie a chho ei ta.

⁴ “Zawpizy cha kô syno tawhta a chôlâ reih teh u,” tahpa ta ABEIPA ta Mawsi nata Izi râh tawhta a vaw puapa Izarel pathlazy hnohta bie a piepa hawhna khata.

⁵ Izarel saw tuapa Rubena; Rubena pathlazy: Hanôka tawhtapa, Hanôka mozy;

⁶ Hezraw tawhtapa, Hezraw mozy; Kami tawhtapa, Kami mozy.

⁷ He sahlao he Rubena mo pathlazy ama châ; ama maluhzy cha thy palih nata sâh thôh nata za sari nata sythôh ama châ.

⁸ Palu sawchapawpazy; Eliaba.

⁹ Eliaba sawchapawpazy: Nemuel, Datha nata Abira ama châ. He Datha zy nata Abira zy he, ABEIPA amâ dyuh no ta, Mawsi nata Arawna a dyutuhpa, Kôra py liata a hlaopa pôhpakhypa sahlao a tlyhpazy cha ama châ.

¹⁰ cha py ama thi nona chata alei ta a pakah â ta, Kôra zy chhao hmaohkha ta palâ ta, mei ta chyhsa za no nata sypangawh a palâ nona khata; pahnona vaw châ haw ei ta.

¹¹ Anodeikuacha Kôra sawchapawpazy cha thi veih ei.

¹² Ama chhôhkha â pazinazie lymâ hawhta Simeona pathlazy: Nemuel tawhtapa, Nemuel mozy; Zamina tawhtapa, Zamina mozy; Zakhi tawhtapa, Zakhi mozy.

¹³ Zera tawhtapa, Zera mozy; Shaul tawhtapa, Shaul mozy ama châ.

¹⁴ Hezy he Simeona pathlazy cha châ ei ta, thy no nata sâh no nata za no ama châ.

¹⁵ Ama chhôhkha â pazinazie lymâ hawhta Kada pathlazy: Zephô tawhtapa, Zephô mozy; Haki tawhtapa, Haki mozy; Shuni tawhtapa, Shuni mozy.

¹⁶ Ôzni tawhtapa, Ôzni mozy; Eri tawhtapa, Eri mozy;

¹⁷ Arôda tawhtapa, Arôda mozy; Areli tawhtapa, Areli mozy.

¹⁸ Hezy he ama reina yzie hawhta Kada sawchapawpazy pathlazy châ ei ta, thy palih nata za pangawh ama châ.

¹⁹ Zudah pathlazy Era nata Ôna; Era nata Ôna cha Kana râh liata thi ei ta.

²⁰ Zudah pathlazy chhôhkha pazinazie cha he hawhna heta a châ; Selah tawhtapa, Selah mozy; Phare tawhtapa, Phare mozy; Zera tawhtapa, Zera mozy ama châ.

²¹ Phare pathlazy cha: Hezraw tawhtapa, Hezlaw mozy; Hamu tawhtapa, Hamu mozy ama châ.

²² Hezy he ama reinazie hawhta Zudah pathlazy cha châ ei ta, thy sycharu nata thy kha nata sâh charu nata za pangawh ama châ.

²³ Ama chhôhkha â pazinazie lymâ hawhta Iskara pathlazy: Tôla tawhtapa, Tôla mozy; Pua tawhtapa, Pua mozy;

²⁴ Zasu tawhtapa, Zasu mozy; Shimro tawhtapa, Shimro mozy ama châ.

²⁵ Hezy he ama reinazie hawhta Iskara pathlazy châ ei ta, thy charu nata sâh palih nata za thôh ama châ.

²⁶ Ama chhôhkha â pazinazie lymâ hawhta Zebulawna pathlazy: Sere tawhtapa, Sere mozy; Elaw tawhtapa, Elaw mozy; Zalel tawhtapa, Zalel mozy ama châ.

²⁷ Hezy he ama reinazie hawhta Zebulawna mozy pathlazy cha châ ei ta, thy sycharu nata za pangawh ama châ.

²⁸ Ama chhôhkha â pazinazie lymâ hawhta Zawsi pathlazy: Manase nata Ephrai.

²⁹ Manase sawchapawpazy: Makhia tawhtapa, Makhia mozy; Makhia ta Kilia sa ta; Kilia tawhtapa, Kilia mozy ama châ.

³⁰ Hezy he Kilia pathlazy ama châ: Iza tawhtapa, Iza mozy; Hele tawhtapa Hele mozy.

³¹ Asriel tawhtapa Asriel mozy; Sekhe tawhtapa, Sekhe mozy.

³² Shemidah tawhtapa, Shemidah mozy; Hepha tawhtapa, Hepha mozy ama châ.

³³ Hepha sawchapawpa Zelopheha chata sawchapawpazy hnei leipa ta, sawchanônôzy hnei ta, Zelôpheha sawchanônôzy moh cha Mahla zy, Naw zy, Hôklah zy, Milka zy, Tirzah zy ama châ.

³⁴ Hezy he Manase pathlazy ama châ; ama reipa zydua cha thy pangawh nata sâh no nata za sari ama châ.

³⁵ Hezy he ama chhôhkha a pazinazie lymâ hawhta Ephrai pathlazy ama châ: Shuthela tawhtapa, Shuthela mozy; Bekha tawhtapa, Bekha mozy; Taha tawhtapa, Taha mozy ama châ.

³⁶ Hezy he Shuthela pathlazy ama châ: Erana tawhtapa, Erana mozy ama châ.

³⁷ Hezy he ama reinazie hawhta Ephrai pathlazy chhôhkha châ ei ta, thy thôh nata sâh no nata za pangawh ama châ. Hezy he ama chhôhkha a pazinazie lymâ hawhta Zawsi pathlazy ama châ.

³⁸ Ama chhôhkha a pazinazie lymâ hawhta Benzami pathlazy: Bela tawhtapa, Bela mozy; Asbel tawhtapa, Asbel mozy; Ahirama tawhtapa, Ahirama mozy.

³⁹ Shephupha tawhtapa Shephupha mozy; Hupha tawhtapa, Hupha mozy ama châ.

⁴⁰ Bela pathlazy cha Arada nata Naama ama châ: Arada tawhtapa, Arada mozy; Naama tawhtapa, Naama mozy ama châ.

⁴¹ Hezy he ama chhôhkha a pazinazie lymâ hawhta Benzami pathlazy ama châ; ama reipa zydua cha thy palih nata sâh pangawh nata za charu ama châ.

⁴² Hezy he ama chhôhkha a pazinazie lymâ hawhta Dana pathlazy ama châ; Shuha tawhtapa Shuha mozy ama châ. Hezy he ama chhôhkha a pazinazie lymâ hawhta Dana pathlazy ama châ.

⁴³ Shuha mozy pathla zydua ama reinazie hawhna chata thy charu nata sâh palih nata za palih ama châ.

⁴⁴ Ama chhôhkha a pazinazie lymâ hawhta Asera pathlazy; Imnah tawhtapa, Imnah mozy; Ishvi tawhtapa, Ishvi mozy, Beriah tawhtapa Beriah mozy ama châ.

⁴⁵ Beriah pathlazy: Heba tawhtapa, Heba mozy; Malkhiel tawhtapa, Malkhiel mozy ama châ.

⁴⁶ Asera sawchanônô moh cha Serah a châ.

⁴⁷ Hezy he Asera sawchapawpazy pathlazy ama reipazy cha châ ei ta, thy pangawh nata sâh thôh nata za palih ama châ.

⁴⁸ Ama chhôhkha a pazinazie lymâ hawhta Nathlai pathlazy: Zahzel tawtapa, Zahzel mozy, Kuni tawhtapa, Kuni mozy.

⁴⁹ Zeza tawhtapa, Zeza mozy; Shile tawhtapa, Shile mozy ama châ.

⁵⁰ Hezy he ama chhôhkha a pazinazie lymâ hawhta Nathalai pathlazy ama châ; ama reipa zydua cha thy palih nata sâh pangawh nata za palih ama châ.

⁵¹ Hezy he Izarel pathla ama reipa zydua châ ei ta, thy sycharu nata sâh kha nata za sari nata sythôh ama châ.

⁵² ABEIPA ta Mawsi chho ta.

⁵³ “He sahlao he ama mo hluhnazie lymâ hawhta lyurâhpa he rai awpa a châ.

⁵⁴ A hluh viapazy cha râh a hluh via pie aw chi ta, a chyh viapazy cha râh a chyh via pie aw chi ta; reinazie hawhna chata râh pie chyu awpa a châ.

⁵⁵ Anodeikuacha pachaopa ta râh cha rai awpa a châ; ama mahpawzy pho moh a pazinazie lymâ hawhta râh cha ama to aw.

⁵⁶ Pachaopa lymâ hawhta râh cha a hluhpa nata a chyhpazy hnohta raipa a châ aw,” tah ta.

⁵⁷ Hezy he Livai sahlao ama chhôhkha a pazinazie lymâ hawhta reipazy cha ama châ: Kasao tawhtapa, Kasao mozy; Kôha tawhtapa, Kôha mozy; Merari tawhtapa, Merari mozy ama châ.

⁵⁸ He sahlao he Livai pathlazy ama châ; Libni pathlazy, Hebraw pathlazy, Mahli pathlazy, Musi pathlazy, Kôra pathlazy ama châ. Kôha cha Amira paw châ ta.

⁵⁹ Amira lahpinô moh cha Zôkebe, Livai sawchanônô, Izi râh liata Livai liata a sapa châ ta; ano chata Amira liata Arawna nata Mawsi nata a sietanô Miria sa ta.

⁶⁰ Arawna chata Nada zy, Abihu zy, Eliaza zy, Ithama zy sa ta.

⁶¹ Nada nata Abihu cha ABEIPA hmiakô liata hmâh lei awpa chi, mei ama hmâh raruah nona khata thi ei ta.

⁶² Maluh reipa zydua chapaw thla kha tawhta a chôlâ cha thy no nata sâh thôh ama châ; Izarel chyhsazy hry liata râh pachhaihpa a to hra awpa ama châ leipa vâta Izarel chyhsazy hry liata reipa châ leipa ei ta.

⁶³ Hezy he Zerikô dady Zawdâh kiapâh Môaba bypi liata Izarel pathlazy a reihtuhpa Mawsi nata theihthaipa Eliaza ta ama reipazy cha a châ.

⁶⁴ Sinai râhpathohpa liata Izarel chyhsazy Mawsi nata theihthaipa Arawna ta ama reipazy kha, pakha hmahta y khao leipa ei ta.

⁶⁵ ABEIPA ta, “Râhpathohpa liata ama thie thlyu awpa na a châ,” tah haw tlôh ta. Zephune sawchapawpa Kaleba nata Nuna sawchapawpa Zawsua leipa ta cha ahyhmah a hrohpa y khao veih ei.