圣经文本

 

Exodus第29章

学习

   

1 Sed et hoc facies, ut mihi in sacerdotio consecrentur. Tolle vitulum de armento, et arietes duos immaculatos,

2 panesque azymos, et crustulam absque fermento, quæ conspersa sit oleo, lagana quoque azyma oleo lita : de simila triticea cuncta facies.

3 Et posita in canistro offeres : vitulum autem et duos arietes.

4 Et Aaron ac filios ejus applicabis ad ostium tabernaculi testimonii. Cumque laveris patrem cum filiis suis aqua,

5 indues Aaron vestimentis suis, id est, linea et tunica, et superhumerali et rationali, quod constringes balteo.

6 Et pones tiaram in capite ejus, et laminam sanctam super tiaram,

7 et oleum unctionis fundes super caput ejus : atque hoc ritu consecrabitur.

8 Filios quoque illius applicabis, et indues tunicis lineis, cingesque balteo,

9 Aaron scilicet et liberos ejus, et impones eis mitras : eruntque sacerdotes mihi religione perpetua. Postquam initiaveris manus eorum,

10 applicabis et vitulum coram tabernaculo testimonii. Imponentque Aaron et filii ejus manus super caput illius,

11 et mactabis eum in conspectu Domini, juxta ostium tabernaculi testimonii.

12 Sumptumque de sanguine vituli, pones supercornua altaris digito tuo, reliquum autem sanguinem fundes juxta basim ejus.

13 Sumes et adipem totum qui operit intestina, et reticulum jecoris, ac duos renes, et adipem qui super eos est, et offeres incensum super altare :

14 carnes vero vituli et corium et fimum combures foris extra castra, eo quod pro peccato sit.

15 Unum quoque arietem sumes, super cujus caput ponent Aaron et filii ejus manus.

16 Quem cum mactaveris, tolles de sanguine ejus, et fundes circa altare.

17 Ipsum autem arietem secabis in frustra : lotaque intestina ejus ac pedes, pones super concissas carnes, et super caput illius.

18 Et offeres totum arietem in incensum super altare : oblatio est Domino, odor suavissimus victimæ Domini.

19 Tolles quoque arietem alterum, super cujus caput Aaron et filii ejus ponent manus.

20 Quem cum immolaveris, sumes de sanguine ejus, et pones super extremum auriculæ dextræ Aaron et filiorum ejus, et super pollices manus eorum ac pedis dextri, fundesque sanguinem super altare per circuitum.

21 Cumque tuleris de sanguine qui est super altare, et de oleo unctionis, asperges Aaron et vestes ejus, filios et vestimenta eorum. Consecratisque ipsis et vestibus,

22 tolles adipem de ariete, et caudam et arvinam, quæ operit vitalia, ac reticulum jecoris, et duos tenes, atque adipem, qui super eos est, armumque dextrum, eo quod sit aries consecrationis :

23 tortamque panis unius, crustulam conspersam oleo, laganum de canistro azymorum, quod positum est in conspectu Domini :

24 ponesque omnia super manus Aaron et filiorum ejus, et sanctificabis eos elevans coram Domino.

25 Suscipiesque universa de manibus eorum : et incendes super altare in holocaustum, odorem suavissimum in conspectu Domini, quia oblatio ejus est.

26 Sumes quoque pectusculum de ariete, quo initiatus est Aaron, sanctificabisque illud elevatum coram Domino, et cedet in partem tuam.

27 Sanctificabisque et pectusculum consecratum, et armum quem de ariete separasti,

28 quo initiatus est Aaron et filii ejus, cedentque in partem Aaron et filiorum ejus jure perpetuo a filiis Israël : quia primitiva sunt et initia de victimis eorum pacificis quæ offerunt Domino.

29 Vestem autem sanctam, qua utetur Aaron, habebunt filii ejus post eum, ut ungantur in ea, et consecrantur manus eorum.

30 Septem diebus utetur illa qui pontifex pro eo fuerit constitutus de filiis ejus, et qui ingredietur tabernaculum testimonii ut ministret in sanctuario.

31 Arietem autem consecrationis tolles, et coques carnes ejus in loco sancto :

32 quibus vescetur Aaron et filii ejus. Panes quoque, qui sunt in canistro, in vestibulo tabernaculi testimonii comedent,

33 ut sit placabile sacrificium, et sanctificentur offerentium manus. Alienigena non vescetur ex eis, quia sancti sunt.

34 Quod si remanserit de carnibus consecratis, sive de panibus usque mane, combures reliquias igni : non comedentur, quia sanctificata sunt.

35 Omnia, quæ præcepi tibi, facies super Aaron et filiis ejus. Septem diebus consecrabis manus eorum :

36 et vitulum pro peccato offeres per singulos dies ad expiandum. Mundabisque altare cum immolaveris expiationis hostiam, et unges illud in sanctificationem.

37 Septem diebus expiabis altare, et sanctificabis, et erit Sanctum sanctorum : omnis, qui tetigerit illud, sanctificabitur.

38 Hoc est quod facies in altari : agnos anniculos duos per singulos dies jugiter,

39 unum agnum mane, et alterum vespere,

40 decimam partem similæ conspersæ oleo tuso, quod habeat mensuram quartam partem hin, et vinum ad libandum ejusdem mensuræ in agno uno.

41 Alterum vero agnum offeres ad vesperam juxta ritum matutinæ oblationis, et juxta ea quæ diximus, in odorem suavitatis :

42 sacrificium est Domino, oblatione perpetua in generationes vestras, ad ostium tabernaculi testimonii coram Domino, ubi constituam ut loquar ad te.

43 Ibique præcipiam filiis Israël, et sanctificabitur altare in gloria mea.

44 Sanctificabo et tabernaculum testimonii cum altari, et Aaron cum filiis suis, ut sacerdotio fungantur mihi.

45 Et habitabo in medio filiorum Israël, eroque eis Deus,

46 et scient quia ego Dominus Deus eorum, qui eduxi eos de terra Ægypti, ut manerem inter illos, ego Dominus Deus ipsorum.

   

来自斯威登堡的著作

 

Arcana Coelestia#9930

学习本章节

  
/10837  
  

9930. ‘Et facies bracteam auri puri’: quod significet illustrationem ex Divino Bono Domini, constat ex significatione ‘bracteae’ quod sit illustratio 1 , et ex significatione ‘auri’ quod sit bonum amoris, hic Divinum Bonum Domini, quia ei inscripta fuit Sanctitas Jehovae; quod ‘aurum’ sit bonum amoris, 2 videatur n. 113, 3 1551, 1552, 5658, 6914, 6917, 8932, 4 9490, 9510, 9874, 9881. Quod ‘bractea’ sit illustratio, erat ex splendore, splendebat enim ex auro super fronte Aharonis, et omnis splendor significat illustrationem, qualis est in caelis a Domino ut Sole; illustratio ibi est sapientia et intelligentia ex Divino Vero procedente a Domino inde, 5 nam hoc illustrat interiora 6 eorum; interiora eorum correspondent intellectuali apud hominem, quod illustratur a Domino cum 7 verum et bonum Ecclesiae 8 et caeli 9 percipitur, 10 intellectuale enim est subjectum recipiens, 11 nam absque subjecto nulla receptio. Quod bractea illa sit illustratio a 12 Divino Bono Domini, est quia ei inscripta fuit Sanctitas Jehovae, ac posita super fronte cidaris quae super capite Aharonis; sanctitas 13 quae a Jehovah est Divinum Verum procedens ex Divino Bono Domini, n. 6788, 8302, 8330, 9229, 9680, 9820; ut hoc repraesentaret 14 exsplendescentiam 15 seu illustrationem, e qua sapientia et intelligentia, alligabatur fronti cidaris.

[2] Quia per bracteam 16 significabatur illustratio ex Divino Bono Domini, ideo quoque illa vocabatur bractea 17 coronae sanctitatis, tum quoque Corona sanctitatis, nam corona est repraesentativum Divini Boni, et sanctitas est Divinum Verum inde procedens, ut supra dictum est; quod dicta 18 sit bractea coronae sanctitatis, patet in sequentibus hujus Libri Exodi, Tandem fecerunt bracteam coronae sanctitatis ex auro puro, et scripserunt super ea scriptura sculpturarum sigilli, Sanctitas Jehovae, 39:30: quod etiam dicta sit corona sanctitatis, alibi in Exodo, Pones cidarim super caput ejus, et dabis coronam sanctitatis super 19 cidarim, 29:6: et in Levitico, Posuit cidarim super caput ejus, et posuit super 19 cidarim contra facies ejus bracteam auri, coronam sanctitatis, 8:9.

[3] Quod corona repraesentaverit Divinum Bonum ex quo Divinum Verum, constat ex coronis regum, reges enim repraesentabant Dominum quoad Divinum Verum, videatur n. 2015, 2069, 3009, 4581, 4966, 5044, 5068, 6148, inde illis corona super capite, et sceptrum in manu; regimen enim ex Divino Bono repraesentabatur per coronam, et regimen 20 ex Divino Vero per sceptrum.

Quod ‘corona’ id sit, constat ex sequentibus locis:

apud Davidem,

[4] Germinare faciam cornu Davidi, disponam lucernam Uncto Meo, hostes ejus induam pudore, sed super Ipso florebit corona Ipsius, Ps. 132:17, 18 21 ;

‘David’ ibi est Dominus, n. 1888, etiam ‘Unctus’, n. 3008, 22 3009, ‘cornu’ Ipsius 23 potentia, n. 2832, 9081, ‘lucerna’ est Divinum Verum ex quo intelligentia, n. 9548, 9783, 24 ‘corona’ est Divinum Bonum 25 ex quo sapientia, ex quo etiam regimen Ipsius; ‘florere’ dicitur corona, quae est sapientia, per id quod sibi quoad Humanum acquisivit in mundo per pugnas et victorias contra inferna, n. 26 8273, 9528 fin. , quae sunt hostes qui induentur pudore:

[5] apud eundem,

Iram exerces cum Uncto Tuo, damnasti in terram usque coronam Ipsius, Ps. 89:[39, ] 40 [KJV 38, 39];

ibi etiam ‘Unctus’ pro Domino, ‘ira’ pro statu tentationum, qui fuit cum in pugnis cum infernis; lamentatio tunc describitur per iram et damnationem, ultimum enim tentationis est sicut damnatio, prout ultima Domini in cruce quod desereretur, crux enim erat ultimum 27 tentationum seu pugnarum cum infernis, 28 et post ultimam illam induit Divinum Bonum, et sic univit Divinum Humanum Suum ipsi Divino quod in Ipso:

[6] apud Esaiam,

In die illo erit Jehovah Zebaoth in coronam ornatus, et in cidarim decoris 29 reliquiis populi Sui, 28:5;

‘corona ornatus’ pro sapientia quae est boni a Divino, ‘cidaris decoris’ pro intelligentia quae est veri ex illo bono; 30 praedicatur de Divinis apud populum, 'populus' ibi est 31 Ecclesia, quia ibi erat:

[7] apud eundem,

Propter Zionem non tacebo, et propter Hierosolymam non quiescam, usque dum exeat sicut splendor justitia ejus, et salus ejus sicut lampas ardeat; et eris corona decoris in manu Jehovae, et cidaris regni in manu Dei tui, 62:1, 3;

per ‘Zionem’ et ‘Hierosolymam’ intelligitur Ecclesia, per ‘Zionem’ Ecclesia caelestis et per ‘Hierosolymam’ Ecclesia spiritualis 32 inde; ‘corona decoris’ est sapientia quae boni, et ‘cidaris regni’ est intelligentia quae veri; et quia per ‘coronam’ significatur sapientia quae boni, ideo dicitur ‘in manu Jehovae’, et quia per ‘cidarim’ significatur intelligentia, quae veri, ideo dicitur ‘in manu Dei’, nam ubi agitur de bono, dicitur Jehovah, et ubi de vero, dicitur Deus, n. 2586, 2769, 6905:

[8] apud Jeremiam,

Dic regi et dominae, Dimittite vos, sedete, quia descendit ornamentum capitis vestri, corona decoris vestri, 13:18;

‘corona decoris’ pro sapientia quae boni ex Divino Vero, ‘decus’ enim est Divinum Verum Ecclesiae, n. 9815:

apud eundem,

Cessavit gaudium cordis nostri, conversa est in luctum chorea nostra, cecidit corona capitis nostri, Threni 5:[15, ] 16;

'corona capitis' pro sapientia quae illis qui ab Ecclesia ex Divino Vero, ex qua illis excellentia prae reliquis populis, et inde quasi regimen:

[9] apud Ezechielem,

33 Dedi monile super nasum tuum, et inaures super aures tuas, et coronam ornatus 34 in caput tuum, 16:12;

agitur ibi de instauratione Ecclesiae; ‘monile super nasum’ pro perceptione boni, ‘inaures super aures’ pro perceptione veri, ac oboedientia, corona ornatus super caput pro sapientia inde:

apud Hiobum,

Gloriam a me abstraxit, et removit coronam capitis mei, 19:9;

‘gloria’ pro intelligentia quae Divini Veri, n. 9429, ‘corona capitis’ 35 pro sapientia inde:

[10] in Apocalypsi,

Super thronis vidi viginti quattuor seniores sedentes indutos vestibus albis, qui habebant super capitibus suis coronas aureas: cadebant ante sedentem super throno, et adorabant viventem in saecula saeculorum, et projiciebant coronas suas ante thronum, 36 4:4, 10;

‘viginti quattuor seniores’ significant omnes illos qui in bono ex veris, et in sensu abstracto omnia bona ex veris, n. 37 6524, 9404, ‘throni’ sunt vera a Divino, n. 5313, 6397, 8625, 9039, ‘coronae aureae super capitibus’ sunt repraesentativa sapientiae ex Divino, et quia ex Divino, ideo projiciebant illas ante sedentem super throno.

[11] Quoniam bonum sapientiae acquiritur per pugnas tentationum, quae fiunt per vera fidei, 38 inde illis qui pugnabant contra mala et falsa, et vincebant, assignabantur coronae, 39 ideo quoque coronae martyrii erant insignia imperii a Domino super mala; quod coronae sint praemia victoriae super mala, 40 et quod ideo sint bona sapientiae 41 ex causa quia haec sunt praemia, constat etiam ex Apocalypsi,

Vidi cum ecce equus albus et sedens super illo habens arcum, cui data est corona; hic exivit vincens et ut vinceret, 42 6:2;

‘equus albus et sedens super illo’ est Dominus quoad Verbum, n. 2760-2762, ‘arcus’ est doctrina veri, per quam pugnatur, n. 2686, 2709; inde patet quod ‘corona’, quia de Domino, sit Divinum Bonum, quod victoriae praemium:

[12] et alibi,

Postea vidi, cum ecce nubes alba, et super nube sedens similis Filio hominis, habens super capite Suo coronam auream, et in manu Sua 43 falcem acutam, 14:14;

'nubes alba' pro Verbi sensu litterali, n. 4060, 44 4391, 5922, 6343 fin. , 6752, 45 8781, ‘Filius hominis’ pro Divino Vero quod a Domino, n. 9807, ‘corona aurea’ pro Divino Bono ex quo Divinum Verum, ‘falx acuta’ pro dissipatione mali et falsi: alibi, Esto fidelis usque ad mortem, et dabo tibi coronam vitae, 2:10: et alibi, Ecce venio cito; tene quod habes, ut nemo 46 accipiat coronam tuam, 3:11;

‘corona’ pro bono ex veris, ita pro sapientia, nam haec est boni amoris ex veris fidei. Ex his nunc constare potest quid significatur per coronam, et inde quid per coronam sanctitatis, quae fuit bractea auri, cui insculpta Sanctitas Jehovae.

脚注:

1. The Manuscript inserts, de qua sequitur.

2. de qua

3. The editors of the third Latin edition made a minor correction here. For details, see the end of the appropriate volume of that edition.

4. The editors of the third Latin edition made a minor correction here. For details, see the end of the appropriate volume of that edition.

5. The following word or phrase is crossed out in the Manuscript, but it does appear in the first edition.

6. angelorum

7. The Manuscript inserts is.

8. seu

9. percipit

10. nam intellectuale

11. The Manuscript deletes nam, and inserts et.

12. Domino

13. The editors of the third Latin edition made a minor correction here. For details, see the end of the appropriate volume of that edition.

14. The editors of the third Latin edition made a minor correction here. For details, see the end of the appropriate volume of that edition.

15. ac

16. The Manuscript inserts illam.

17. The editors of the third Latin edition made a minor correction here. For details, see the end of the appropriate volume of that edition.

18. fuerit

19. cidari, in the First Latin Edition and in the Second Latin Edition

20. The Manuscript inserts inde.

21. The editors of the third Latin edition made a minor correction here. For details, see the end of the appropriate volume of that edition.

22. The editors of the third Latin edition made a minor correction here. For details, see the end of the appropriate volume of that edition.

23. The Manuscript inserts est.

24. The Manuscript inserts et.

25. ex quo (deletes)sapientia, quod florere dicitur quum sibi id

26. The editors of the third Latin edition made a minor correction here. For details, see the end of the appropriate volume of that edition.

27. tentationis seu pugnae

28. post quam pugnam

29. The editors of the third Latin edition made a minor correction here. For details, see the end of the appropriate volume of that edition.

30. The Manuscript inserts nam.

31. The editors of the third Latin edition made a minor correction here. For details, see the end of the appropriate volume of that edition.

32. The following word or phrase is crossed out in the Manuscript, but it does appear in the first edition.

33. Dedit in the Manuscript, in the First Latin Edition, and in the Second Latin Edition.

34. super, in the First Latin Edition and in the Second Latin Edition

35. etiam ibi pro sapientia quae boni

36. The editors of the third Latin edition made a minor correction here. For details, see the end of the appropriate volume of that edition.

37. The editors of the third Latin edition made a minor correction here. For details, see the end of the appropriate volume of that edition.

38. ideo

39. inde

40. ita quod

41. nam

42. The editors of the third Latin edition made a minor correction here. For details, see the end of the appropriate volume of that edition.

43. falx acuta

44. The editors of the third Latin edition made a minor correction here. For details, see the end of the appropriate volume of that edition.

45. The editors of the third Latin edition made a minor correction here. For details, see the end of the appropriate volume of that edition.

46. The editors of the third Latin edition made a minor correction here. For details, see the end of the appropriate volume of that edition.

  
/10837  
  

This is the Third Latin Edition, published by the Swedenborg Society, in London, between 1949 and 1973.