Theihthaina第4章

¹ ABEIPA chata Mawsi chho ta.

² “Izarel pathlazy cha chho la, ama hnohta, ABEIPA ta hmotao lei awpata bie a piepazy a kheihawhpa rai chyhsa ta parao pathleipata, a kheihawhpa rai he vaw tao haw sala.

³ sathaw thupa theihthaipa ta zawpizy chô liata thai lei châna patlôsapa ta a parao khiahtala, a hmo parao hawpa moleina hlâna châta ABEIPA lâta viahchao tôh dawpa seina a hnei leipa, moleina hlâna châta hlâ mawh sy.

⁴ A viahchao tôhpa cha ahmaohpakhyna poh-o chhikao thaby liata ABEIPA hmiakô liata a vaw chhi aw ta, viahchao tôhpa luh chô liata a ku pahnieh aw ta, ABEIPA hmiakô liata viahchao tôhpa cha a thie awpa a châ.

⁵ Chatawhcha sathaw thupa theihthaipa chata, viahchao tôhpa thisaih khazie tlyma cha la aw ta, ahmaohpakhyna poh-o lâna chata vaw cheih aw ta.

⁶ theihthaipa chata thisaih liana chata a kudy ny aw ta, ABEIPA hmiakô liata supathaihpa poh-raipa kiapâh liana chata thisaih cha ei sari a hie awpa a châ.

⁷ Chatawhcha theihthaipa chata ABEIPA hmiakô liata ahmaohpakhyna poh-o liata rohpahâhpa pahâh ngaitapa maisâh kizy liana chata thisaih cha bâhta a hnia aw; viahchao tôhpa thisaih zydua cha ahmaohpakhyna poh-o chhikao kiapâh liata raopa hlâpa maisâh thaby liana chata a patlai awpa a châ.

⁸ Chatawhcha moleina hlâna viahchao tôhpa thaw zydua cha la khai aw ta, adyhna hlâpa atheihna viahchao tôhpa liatahpa lapa aw ta, a chhôrih thaw nata a rihri zydua nat.

⁹ a lôpo miano nata a pahlypa thaw a pato liatahpa nata a pathi a pahlypa a lôpozy chhaota la aw ta.

¹⁰ cha cha theihthaipa ta raopa hlâpa maisâh liata a rao awpa a châ.

¹¹ Chatawhcha viahchao tôhpa vo zy, a sapa zydua zy, a luh chhaota, a phei zy chhaota, a chhôrih zy, a ie zy.

¹² viahchao tôhpa a pôhpa dua ta ariena su khôtho lâ su pathaihpa liata buchâh thyna liata siekhei aw ta, tho chô liata a rao aw, buchâh thyna liata rao awpa a châ.

¹³ “Izarel mo zydua ta parao pathleipata zawpi mohmô liata nyupâ pata, ABEIPA ta tao lei awpata bie a piepazy, a kheihawhpa rai taopa ta thai lei châpata.

¹⁴ cha hmoparaopa taopa cha pahnopa a vaw châ khiahtala, zawpi ta moleina hlâna châta viahchao tôh dawpa hlâ aw ei ta, ahmaohpakhyna poh-o tlyhmia liata amâ vaw chhi awpa a châ;

¹⁵ zawpi sahlao machâzy chata ABEIPA hmiakô liata viahchao tôhpa luh chô liana chata ama ku pahnieh aw ei ta, viahchao tôhpa cha ABEIPA hmiakô liata thie awpa a châ.

¹⁶ Chatawhcha sathaw thupa theihthaipa chata ahmaohpakhyna poh-o liata viahchao tôhpa thisaih khazie tlyma cha vaw cheih aw ta,

¹⁷ theihthaipa ta thisaih liana chata a kudy ny aw ta poh-raipa kiapâh ta ABEIPA hmiakô liata ei sari a hie awpa a châ.

¹⁸ Chatawhcha thisaih cha ahmaohpakhyna poh-o liata ABEIPA hmiakô liata maisâh ki liana chata bâhta hnia aw ta; thisaih zydua cha ahmaohpakhyna poh-o chhikao kiapâh liata raopa hlâpa maisâh thaby liana chata a patlai awpa a châ.

¹⁹ A thaw zydua cha la khai aw ta, maisâh liata a rao awpa a châ.

²⁰ Cha hawhna chata viahchao tôhpa cha tao aw ta; moleina hlâna viahchao tôhpa a taopa hawh tlaita he chhao he a tao awpa a châ; chatawhcha theihthaipa ta aryhna taopa aw ta a ngiahthaipa ama châ aw.

²¹ Viahchao tôhpa cha ariena su khôtho lâ siekhei aw ta, viahchao tôhpa hmiatuapa a raopa hawhta a rao awpa a châ; cha cha zawpizy châta moleina hlâna a châ.

²² “Ryureituhpa ta hmo paraopa ta ABEIPA a Khazohpa ta tao lei awpata bie a piepa zydua a kheihawhpa rai tao pathleipata thai lei châpata.

²³ a hmoparaopa taopa cha pahnosapa a châ khiahtala a hmohlâpata mie a tôhpa seina a hnei leipa a vaw chhi aw ta.

²⁴ mie luh chô liana chata a ku pahnieh aw ta, ABEIPA hmiakô liata raopa hlâpa ama thie tyhna liana chata a thie awpa a châ; cha cha moleina hlâna a châ.

²⁵ Theihthaipa ta moleina hlâna thisaih cha a kudy ta bâhta la aw ta; raopa hlâpa maisâh kizy liana chata hnia aw ta, raopa hlâpa maisâh thaby liata a thisaih cha a patlai awpa a châ.

²⁶ Chatawhcha a thaw zydua cha adyhna hlâpa atheihna thaw a raopa hawhta maisâh liata rao awpa a châ; a moleina kyh liata cha theihthaipa ta aryhna taopa aw ta, a ngiahthaipa a cha aw.

²⁷ “Vâtlâh hry liata chyhsa ahyrai ta ABEIPA ta tao lei awpata bie a piepazy a kheihawhpa rai tao pathleipata thai lei châ khiahtala, a hmohlâpata mie chanôhpa, seina a hnei leipa, a hmoparao hawpa molei atheih nawpata a vaw chhi awpa a châ.

²⁹ Moleina hlâna luh chô liana chata a ku pahnieh aw ta, raopa hlâna su liata moleina hlâna cha a thie awpa a châ.

³⁰ Chatawhcha theihthaipa ta thisaih cha a kudy ta bâhta la aw ta, raopa hlâpa maisâh kizy liana chata hnia aw ta, a thisaih zydua cha maisâh thaby liana chata a patlai awpa a châ.

³¹ A thaw zydua cha adyhna hlâpa atheihna thaw ama lapa hawhta la khai aw ta, theihthaipa ta ABEIPA châta rohpahâhpa ta maisâh liata a rao awpa a châ; theihthaipa ta aryhna taopa aw ta, angiahthaipa a châ aw.

³² “Moleina hlâna châta a hmohlâpata mietahkupa taw a vaw cheih khiahtala a chanôpa seina a hnei leipa a vaw cheih awpa a châ,

³³ moleina hlâna luh chô liana chata a ku pahnieh aw ta, raopa hlâpa ama thiena liana chata moleina hlâna châta a thie awpa a châ.

³⁴ Chatawhcha theihthaipa ta moleina hlâna thisaih cha a kudy ta la aw ta, raopa hlâpa maisâh kizy liana chata hnia aw ta, a thisaih zydua cha, maisâh thaby liata patlai aw ta.

³⁵ A thaw zydua cha, mietahkupa taw thaw adyhna hlâpa atheihna liatahpa lapa hawhta la khai aw ta, theihthaipa ta ABEIPA châta mei ta hlâpa hawhta maisâh liata a rao awpa a châ; theihthaipa ta a hmo parao hawpa kyh liata aryhna tao pa aw ta, angiahthaipa a châ aw.