Zawna第1章

¹ Amitai sawchapawpa Zawna hnohta ABEIPA bie vaw tlô ta,

² “Thyu la, Niniva khih, khihpi rôhnah ngaitapa lâna chata sie la, kei chho teh; ama hmoparaona cha ei hmiakô liata kaw tlô ta,” tahpa ta.

³ Châhrasala Zawna cha ABEIPA hmiakô tawhtapa Tasi lâta a râ awpa ta thyu haw ta. Zôpa khih lâta zu ta, Tasi a pangai awpa balyh hmô ta; a siena ty cha pie ta, ABEIPA hmiakô tawhtapa cha Tasi a pangai awpazy chhaota sie awpa ta balyh liana chata a ngia haw ta.

⁵ Chatawhcha balyh hiatuhpazy chata chi ei ta, âmo khazoh pado chyu ei ta; balyh cha âmo chata a hua thei nawpa ta balyh chhôh liata hmozy cha tilaipi liana chata thy haw ei ta. Zawna deikua cha balyh chhôh chaipa liata angia ta, a zia ta, a mô haw ta.

⁶ Chatanachata balyh hyutuhpa cha ano lâta a vy ta,” Hy nâ a môpa y, kheihtazie ta e? Thyu la, na khazoh pado teh! Khazoh chata eima leidia lei nawpa ta maniah a pachâ ngyu aw la,” tah ta.

⁸ Chatanachata a hnohna chata, “He hmopha leipa eima chô liata a ypa he ahy vâta e a châ, maniah chho teh, eima châ haw na? Na raihria khâpa e a châ? Khataih tawhta a vypa e na châ? Khâpa pho e na châ?” tah ei ta.

⁹ Ano chata ama hnohta, “Hebrai chyhsa châ na ta; tilaipi nata alei a taotuhpa ABEIPA, avâ Khazohpa cha ei chi na,” tah ta.

¹⁰ Chatawhcha balyh hiatuhpazy cha chi ngaita ei ta, a hnohta, “Khâpama na vaw tao haw?” tah ei ta. A chho hawpa vâta chyhsazy chata ABEIPA hmiakô tawhta a râpa a châpa tahpa pahno tlôh ei ta.

¹¹ Chatanachata a hnohta, “Eima châta tilaipi he a chatlao lei nawpa ta, na chô liata khâpa eima tao aw?” tah ei ta. Tilaipi cha chatlao via ngâ tlôh ta.

¹² Ano chata ama hnohta, “Na chalo ula, tilaipi lâna heta na thy teh u; keima vâta nama chô liata he thlihpi ru ngaitapa he a pathli tahpa pahno tlôh na ta,” tah ta.

¹³ Châhrasala balyh hiatuhpazy chata ngiakâ lâta kua awpa ta thata hia ei ta; anodeikuacha tao thei leipa ei ta; tilaipi hra cha ama chô lâta a chatlao rili tlôh ta.

¹⁴ Chavâta ABEIPA cha pado ei ta, “Hy ABEIPA, he chyhsa hrona vâna heta maniah pahleipadia leipa la, athaipa thisaih eima chô liata rie na pahnieh lei awpa ta eima châ haw, eima cha haw chaimâh na; hy ABEIPA y, nâma ta na khopa hawhta na taopa châ tlôh ta,” tah ei ta.

¹⁵ Chatanachata Zawna cha chalo ei ta, tilaipi liana chata thy haw ei ta; tilaipi cha a chatlaopa a chalih ha ta.

¹⁶ Chatanachata chyhsazy chata ABEIPA cha thata chi ei ta, ABEIPA lâna chata atheihna hlâ ei ta, biezy a taih ei ta.

¹⁷ ABEIPA chata Zawna a palâ awpa ta nga laipapi vaw rao haw ta. Cha nga py chhôh liana chata Zawna chata noh thôh nata zâ thôh y ta.