Malureina 14

¹ Chatanachata pôhpakhypa sahlao zydua cha ao papuapa tlaita cha ei ta; cha zâ liana chata zawpizy cha cha ngâ kaw ei ta.

² Izarel pathla zydua cha Mawsi chô liata nata Arawna chô liata paphôh ei ta, pôhpakhypa sahlao zydua chata ama hnohta, “Izi râh liana khata Khazohpa pasaipa ta eima vaw thi thlâh ha awpa tlai! A châ vei khiahta Khazohpa pasaipa ta râhpathohpa liana heta eima thi thlâh ha awpa tlai.

³ Khazia ma zaozi ta thie thlâh ha awpata ABEIPA ta he râh liana heta maniah â chhi tly? Eima lahpi sawzy cha patu awpa dei châ tlôh aw ei ta; Izi râh lâta kua heih awpa he eima châta a pha viapa châ vei tlyma?” tah ei ta.

⁴ Chatanachata a chhohia ei ta, “Hyutuhpa tao ei suh la, Izi râh lâta kua heih suh u,” tah ei ta.

⁵ Mawsi nata Arawna cha Izarel pathla zawpi pôhpakhypa sahlao zydua hmiakô liana chata â khu lâta pao ei ta.

⁶ Chatawhcha Nuna sawchapawpa Zawsua nata Zephune sawchapawpa Kaleba râh a mohparutuhpazy hry liata a hlao hrapazy chata ama chysia hrie ei ta.

⁷ Izarel pathla pôhpakhypa sahlao zydua hnohna chata, “Mohparu awpata eima chahryhpa râh cha râh pha ngaitapa châ ta.

⁸ Eima chô liata ABEIPA â ly khiahtala cha râh liana chata maniah a chhi aw ta, maniah a pie aw, sâhpiti nata kheihti lona râh cha.

⁹ ABEIPA chô liata a ty leipa ula; cha râh liata chyhsazy cha chi hra kha u, eima niepa châta ama châ; amâ pabohna cha khâpa hrao leipa châ ta, ABEIPA cha eima hnohta a y mâ tâh; âmo cha chi kha u,” tahpa ta reih ei ta.

¹⁰ Châhrasala pôhpakhypa sahlao zydua ta alô ta vawh awpa ta pahrua ei ta. ABEIPA rôhnahna cha ahmaohpakhyna poh-o liata, Izarel pathla zydua hmiakô liata a zâ lâ ta.

¹¹ ABEIPA ta Mawsi hnohta, “He zawpizy heta khachâ e nâ nawhtaw aw ei ta, ama hry liata pahnona ei tao tyhpa chhaota, khachâ e na ngâ leipa ta ama y aw.

¹² Hri ta hrie aw na ta, pamua aw na ta, nâma liana heta âmo hlâta a rôhnah viapa nata hmo a tao thei viapa phopi ei padua aw,” tah ta.

¹³ Mawsi ta ABEIPA hnohta, “Izi chyhsazy ta ama thei tlamaw aw na, he zawpizy he ama hry tawhtapa na hmotaotheina ta na chhihthapa châ tlôh ei ta.

¹⁴ he râh liata chyhsazy he chho aw ei ta. He zawpi hry liana heta na ABEIPA cha na y tahpa thei haw ei ta; hmiadaisâ ta na ABEIPA cha cha hmô haw tlôh ei ta. na ameih cha ama chô liata y tyh ta, nohchhôh ta ameihtô zâ ta meitô ta chhihtha tyh chi ta.

¹⁵ He zawpizy he na thie khiahtala, na moh pathâhpa a theituhpa phopizy chata.

¹⁶ “ABEIPA chata he zawpizy he chhiesapa ta a taihpa râh lâna chata a chhihtha thei leipa vâta, râhpathohpa liata a thie,’ tahpa ta ama rei pathlei aw na.

¹⁷ ‘ABEIPA cha nônai ngaitapa, nôphana a hnei ngaitapa, hmo paraona zy, moleina zy a ngiahthai tyhpa, thai leipa ta a raopazy a papua beih leipa, pawzy hmo paraona vâta sawzy chhâ thôhna nata chhâ palihna taih chhaota a hrie tyhpa a châ,’ tahpa t.

¹⁸ na vaw rei hawpa hawhna khata, ABEIPA hmotaotheina cha patlô mah y.

¹⁹ Na nôpha ngaitana hawh tlaita nata Izi râh tawhtapa atahmâ taihta, nâ ngiahthaipa hawhna heta zawpizy hmo paraona he angiahthai mah y,” tah ta

²⁰ ABEIPA chata, “Na bie hawhna chata ei ngiahthai na.

²¹ anodeikuacha ei hrona nata ABEIPA rôhnahna ta a pabie awpa leilô reipa ta ei reih na.

²² Izi râh nata râhpathohpa liata ei rôhnahna nata ei hmonoâhpa taopazy hmôpa ta, chata chôna chhaota ei hrawh tlai na pasia ei ta, ei bie a pyh leipa chyhsa zydua heta.

²³ ama pathlatuhpazy hnohta chhiesapa ta ei taipa râh cha hmô cheita leipa aw ei ta; ama hry liata nâ nawhtawtuhpazy chhaota hmô hra aw veih ei.

²⁴ Ei chakaotuhpa Kaleba deikua heta palôhrupa hropa phaoh ta, eina zi hmeihseihpa vâta ano he cha a siena râh chata chhihtha aw nata a pathlazy chata ama pahrâ aw.

²⁵ Amale sahlao nata Kana sahlao cha saikao liana chata pahrâ ei ta, mylâ kua ula, Tilaipi Saihpa lâpi lâ râhpathohpa liata a ngia teh u,” tah ta.

²⁶ ABEIPA ta Mawsi nata Arawna chho ta.

²⁷ “He moleipa pôhpakhypa sahlao ei chô liata a paphôh tyhpa ei he, khachâ e ei chhyh thai aw? Izarel pathlazy paphôhna, ei chô liata ama paphôhnazy he ei thei na.

²⁸ Ama hnohta, ‘Ei hrona reipa ta ei reih na, ei nah theina tlai liata nama reipa hawhta nama chô liata tao aw na ta.

²⁹ nama rizy cha he râhpathohpa liana he ta pao aw ta; nama hry liata chyhsa rei haw chiehpa zydua kô syno tawhta a chôlâ tahpa ei chô liata paphôhna sahlao zydua cha.

³⁰ bâh pazawhpa tlaita ei cha paysa aw ei, ei tahpa râh liana heta Zephune sawchapawpa Kaleba nata Nuna sawchapawpa Zawsua dei leipa ta cha a ngia cheita aw veih ei.

³¹ Anodeikuacha patu awpa dei ama châ aw nama tahpa nama saw sawzy he cha chhihtha aw na ta, nama kho leipa râh cha ama pahno aw.

³² Nâmo deikua cha nama rizy he râhpathohpa liana heta a y aw.

³³ Nama sawzy cha kô sypalih râhpathohpa liata viavi aw ei ta, râhpathohpa liata nama rizy a leidia hlâ lei cha nama ngâchhih leina cha pasa a tao aw.

³⁴ Râh nama mohparuna noh zie noh sypalih cha noh kha vyuhpa ta kô kha lymâ, kô sypalih chhôh tlai, nama paraona pasa tao aw ei chi ta, chatanachata ei chhuahna zie ei pananopa he nama pahno aw.

³⁵ Kei ABEIPA heta moleipa pôhpakhypa na dyuhpa ta pôhpakhypa sahlao chô liata he he ei tao tlai aw, tah haw na ta, he râhpathohpa liana heta leidia aw ei ta, cha liana chata ama thi aw, ABEIPA ta a tah,’ tah teh u,” tahpa ta.

³⁶ Chatawhcha râh mohparu awpa ta Mawsi tuapa a vaw kua heihpa, râh thâtih a pha leina lâta reihpa ta, a chô liata pôhpakhypa sahlao a paphôhsatuhpa.

³⁷ râh a pha leina lâta a vaw reihtuhpazy cha ABEIPA hmiakô liata hrie ta, thi haw ei ta.

³⁸ Râh mohparu awpa ta a siepazy hry liata Nuna sawchapawpa Zawsua nata Zephune sawchapawpa Kaleba deikua cha thi veih ei.

³⁹ Mawsi ta cha biezy cha Izarel pathla zydua cha chho ta, zawpizy cha ama pachârôh ngaita ta.

⁴⁰ Chatawhcha mydi ta thyu ei ta, tlâh laki lâ khy ei ta, “Pachâ teh, eimâ vy hih, ABEIPA ta maniah a taihna khih liata eima sie aw na; eima molei ha na,” tah ei ta.

⁴¹ Mawsi ta, “Thlaochhina châ aw vei, tahpa pahnona chôta, khazia ABEIPA biepiepa nama parao rai.

⁴² Nama hry liata ABEIPA y tlôh leipa aw ta khy kha u, khakhaipazy ta thiepa ta nama y tlamaw aw.

⁴³ Nama hmiakô liana khita Amale sahlao nata Kana sahlao ama y, zaozi ta thiepa nama châ aw; ABEIPA cha nama heihsai hawpa vâta, nama hnohta ABEIPA cha y vei,” tah ta.

⁴⁴ Châhrasala tlâh laki lâna chata sie a chhuah ei ta, anodeikuacha ABEIPA Biehrai Byh nata Mawsi cha ariena su tawhtapa pua vei.

⁴⁵ Cha tlâh liata a ypa Amale sahlao nata Kana sahlao cha za chô ei ta, a dyuh ei ta, Hômah taih tlaita thie ei ta.