Ryureihtuhpazy 17

Студија

   

1 Ephrai tlâh râh liata chyhsa pakha y ta, a moh cha Mika a châ.

2 Ano chata a nô hnohta, “Tâkâ sâh kha nata za kha cha parupa ei ta, na chhaota chhiesa chi ta, ei nahkhao theina lia tlaita na reipa kha, moh teh, kha tâkâ kha keima liata a y mâ tâh, keima lapa a châ,” tah ta. A nô chata, “Ei sawchapawpa cha ABEIPA byhnâ piepa ta y mawh sy,” tah ta.

3 Chatawhcha tâkâ sâh kha nata za kha cha a nô pie heih ta, a nô chata, “He tâkâ he keima ku tlai ta ei sawchapawpa chata khazoh nohthlapa tao nawpa nata khazoh nohthlapa leihpa châta ABEIPA lâta ei hlâ, chavâta atahmâ he ei cha pie heih aw,” tah ta.

4 Chatawhcha tâkâ cha a nô a pie nahta, a nô chata tâkâ za no cha la ta, tâkâri adaihtuhpa pie ta, a nô chata, khazoh nohthlapa lâta tao ta, khazoh nohthlapa ta vaw leih ta, cha cha Mika o liata y ta.

5 Mika chata khazoh zy o hnei ta, ephod nata khazoh nohthlapa zy tao ta, a sawchapawpa pakha cha a theihthaipa châta panano ta;

6 cha nona chata Izarel râh liata abei y leipa ei ta; chyhsa tota âmo a pha ama tahna zie hawhta ama tao.

7 Bethlehe Zudah liatahpa Zudah pho Livai chi satliapa pakha ta; cha liana chata kei tly hra ta.

8 Cha chyhsa cha Bethlehe Zudah khihpi tawhta pua ta, yna tluapa ta a khiepa châ ta; cha hawhta a khiena lâna chata Ephrai tlâh râh liata Mika o cha kei tlô ta.

9 Mika chata a hnohta, “Khataih tawhta a vypa na châ?” tah ta. Ano chata a hnohta, “Bethlehe Zudah liatahpa Livai chyhsa châ na ta, yna su tluapa ta ei khie,” tah ta.

10 Mika chata a hnohta, “Ei hnohta y châh chi, na chhoreituhpa ta nata theihthaipa ta y la, kô chareih ta tâkâri tlo hrawh cha pie aw na ta, na chysia nata na nie awpa chhao,” tah ta.

11 Chatanachata Livai chyhsa cha a ngia haw ta,

12 Mika chata Livai chyhsa cha panano haw ta, chatanachata satliapa cha a theihthaipa ta vaw y ta, Mika o liana chata vaw y haw ta.

13 Chatanachata Mika chata, “Atahmâ la Livai chyhsa ei theihthaipa châta hnei haw tlôh na ta, ABEIPA ta thlao eina pachhi tlai aw tahpa, ei pahno na,” tah ta.

Scroll to see more.