Puasaina 35

¹ Mawsi ta Izarel pathla ahmaohpakhypa zydua cha aw ta, ama hnohta, “He he a châ hih, ABEIPA ta nama tao awpa ta bie a cha piepa ei cha.

² Noh charu chhôht rai hria nawpa ta hmâ awpa ta châ ta, a noh sari noh deikua ch nama châta noh pathaihp ABEIPA chât pahâna pahânoh a châ; ahyrai cha noh liata rai a hriapa maih cha thiepa a châ aw;

³ Pahânoh cha nama pahrâna su liata rai mei nama pati awpa châ vei,” tah ta.

⁴ Mawsi ta Izarel pathlazy apahmaohpakhypa sahlao zydua hnohna chat, “He he châ hih, ABEIPA ta bie a piepa ei cha.

⁵ Nama hry liata ABEIPA chata hmohlâ awpa vaw cheih teh u, ahyrai ta nama palôhrupa ta piepa a khohpa maihta cha ABEIPA châta hlâ awpa cha vaw cheih teh u; ngôh zy, tâkâ zy, dawh zy;

⁶ pala nohpa zy, a nohsaihpapa zy, a sailawpa zy, pala rih di ngaitapa pabaohpa zy; hmi zy chhaota,

⁷ mietahkupa tôhpa vo pasapa zy, pihvao vo zy; akeisha tho zy chhaota,

⁸ meiôh chât sathaw zy, sathaw a thupa châta nata rao awpa roh pahâh ngaitapa châta nata rao awpa roh pahâh ngaitapa châta khâpa leipa rohpahâhpa chhaota,

⁹ theihthaipa viahpakao nata viahpakao chachôhna liata kiky paky awpa t bery lôzy nata alôsôhpa zy chhaota.

¹⁰ Nama hry liata zôthaipa maih cha a vy ei sala, ABEIPA ta tao awpa ta bie a piepa maih tao mawh sy;

¹¹ achhyna byureih zy, a poh-o zy, a khuna zy, a patuna zy, a thophia paryhpa zy, a tlâh zy, a tôh zy, a patuna zy chhaota;

¹² a byh nata a lâ zy, zawngiahna dyuchhai zy, a pakhâna awpa pohraipa chhaota;

¹³ tlâhkhai nata a lâ zy nata a chhaichhi zydua, viahchhâ sopa zy chhaota;

¹⁴ khaina châta meiôh sonazy nata a hmobaoh zydua, a meiôhzy pakhai awpa ta sathaw zy chhaota;

¹⁵ rohpahâhpa raona maisâh nata a lâzy, sathaw a thupa zy rao awpa ta rohpahâhpa rohpahâh ngaitapa zy, chatawhcha achhyna byureih chhiko liata parai awpa chhikao liata parai awpa chhikao pohraipa zy chhaota;

¹⁶ raopa ta hmohlâna maisâh, dawh sao nata a lâ zy nata a hmobaoh zydua, rahô nata a patyuna zy chhaota;

¹⁷ dôhpachhôh tlyhmia liata pohraipa zy, a tôh zy, a patyuna zy nata a dôhpachhôh chhikao liata pohraipa zy chhaota,

¹⁸ achhyna byureih khaipâna zy, a dôhpachhôh khaipâna zy, tlyhmia khaipâna zy, a ri zy chhaota;

¹⁹ su pathaihpa liata chakaona awpa ta chysia a ngia ngaitapa ta sapa zy, theihthaipa rai ama hria tita a ky awpa, theihthaipa Arawna chysia pathaihpa nata a sawchapawpazy chysia zy,” tahpa ta tah ta.

²⁰ Chatanachata Izarel pathla ahmohpakhypa sahlao zydua cha Mawsi tawhta pai khai ei ta.

²¹ Chyhsa to pathipalôh hmeihseihpa ta a lypa maih nata palôhrupa hmeiseihpa a pasaipa maih cha a vy ei ta, a hmaohpakhyna poh-o liata hmâ awpa nata chakaona lâ châta hmo hmâ byuhpa maih nata chysia pathai awpa cha ABEIPA châta vaw thyu chyu ei ta.

²² Chatawhcha a chanô a chapaw ta piepa a byuihpa maih cha a vy ei ta; lâkyu zy, rahy zy, mochahnaona kusadi zy, pachhi zy, ngôh ta taopa to vaw cheih ei ta, chyhsa to ngôh hlâ awpa a hneipa maih ta, ABEIPA châta hlâ chyu ei ta.

²³ Chatawhcha chyhsa to pala nohpa zy, a nohsaihpapa zy, a sailawpa zy, pala rih dipa zy, mie hmi zy, mietahkupa tôhpa vo pasaipa zy, pivao vo zy a hneipa maihta vaw cheih chyu ei ta.

²⁴ Chyhsa to tâkâ nata dawh zy a thyupa maihta, ABEIPA châta hmohlâ awpa vaw cheih ei ta; chatawhcha chyhsa to akeisha tho chhaichhi tôh châta hmâ tlâhpa a hmeipa maihta vaw cheih ei ta.

²⁵ Chanô zôthaipa sahlao zydua chata pala pahi ei ta, cha pala-pahipa a nopazy a nosaipapazy a sailawpa zy, palaridipa zy cha vaw cheih chyu ei ta;

²⁶ chanô zôthaipa ama palôh a dyupa sahlao zydua chhaota, mie hmi pahieh ei ta.

²⁷ Ryureituhpazy ta theihthaipa viahpako nata viahpakao chachôhna liata kiky paky awpa ta bery lô zy nata lôsôhpa zy vaw cheih ei ta,

²⁸ rohpahâhpa zy, sathaw zy chhaota pakhai awpa ta zy, sathaw a thupa châta zy, rao awpa rohpahâh ngaitapa châta zy chhao.

²⁹ Izarel pathlazy chata chyhsa to a chanô a chapaw; ABEIPA ta Mawsi ku liata hmo tao awpa ta bie a piepa zydua tao awpa ta, pathipalôh byuh ngaitapa ta a cheihtuhpazy chata ABEIPA lâta ama lôhthai ta hmohlâpa vaw hlâ ei ta.

³⁰ Mawsi ta Izarel pathlazy hnohta, “Pachâ teh u, ABEIPA ta Zudah pho liatahpa Hura sawchapawpa Uri, cha chyhsa sawchapawpa Bezalel cha tlyh haw;

³¹ cha chyhsa cha sona zy, novâhna zy, pahnona zy, kyh to liata zôthaina zy hnei awpa ta, Khazohpa Thlahpa ta bi haw ta,

³² hmo tao awpa so ngaitapa ta pachâpady thaina zy, ngôh nata tâkâ nata dawh dai thaina zy,

³³ alôsôhpa zy, a bô awpa ta patlaw thaina zy, tho a pangia thaina zy, kyh to liata zôthaina zy hnei awpa ta.

³⁴ Chatawhcha ano nata Dana pho liatahpa Ahisama sawchapawpa Ôhôliaba nata chyhsazy pachu theina, sona pie rairieh ta.

³⁵ Amo cha kyh to liata zôthaina zy, khâpaleipa roh thaina zy, pala nohpa zy, a nohsaipapa zy, a sailawpa zy, pala ri dipa pabaohpa zy, kiky thaina zy, poh sa thaina zy, raihria to thaina zy, hmo tao awpa ta so ngaitapa ta pachâ padyh thaina zy hnei awpa ta pathipalôh sona ta a pabie haw.