From Swedenborg's Works

 

Izimfihlakalo Zezulu #0

Izimfihlakalo Zezulu (Ihunyushwe ngu Z.T. Zungu)  

Go to section / 10837  

Next →

IZIMFIHLO ZASEZULWINI EZIQUKETHWE EZIBHALWENI EZINGCWELE NOMA EZWINI LENKOSI

ZISONJULULIWE KUQALWA ENCWADINI KAGENESIS
KANYE NEZINTO EZIMANGALISAYO EZIBONWE EMHLABENI
WEMIMOYA NASEZULWINI LEZINGELOSI

KULOTSHWE WUEMANUEL SWEDENBORG

KWAHUNYUSHWA KUSUSWA ESINGISINI KUYISWA ESIZULWINI

UMQINGO WOKUQALA

IHUNYUSHWE NGU wuZAMOKUHLE T. ZUNGU

Arcana Coelestia: The Heavenly Arcana

contained in the Holy Scripture or Word of the Lord

unfolded in the Book of Genesis
together with wonderful things seen in the World of Spirits
and in the Heaven of Angels

Volume 1
By Emanuel Swedenborg
Translated into Zulu by Zamokuhle T Zungu

UHLU LOMLOBI LWEZIHLOKO EZIQUKETHWE EMQINGWENI WOKUQALA.

IziMfihlo zeZulu ezisonjululwe eziBhalweni eziNgcwele noma eZwini leNkosi zikwiNcazelo, eyiNgqondo engaPhakathi yeZwi. Ukuthi lengqondo inhloboni kungabonwa kulezozinto ezikhonjiswe malungana nayo ngokusukela eLwazini lokuzazela mathupha ezinombolweni 1767-1777, 1869-1879; nasemongweni noma engqikithini yenkulumo (ezinombolweni 1-5, 64-66, 167, 605, 920, 937, 1143, 1224, 1404, 1405, 1408, 1409, 1502 ekugcineni, 1540, 1659, 1756, 1783, 1807).

IZinto eziMangalisayo ezibonwe eMhlabeni weMimoya naseZulwini leziNgelosi, kuqalwe ngazo futhi zajotshelelwa ezahlukweni ezimbalwa. Kulomqingo kukhona lezizihloko ezilandelayo:

Mayelana nokuVuswa komuntu kwabafileyo, nokungena kwakhe ekuphileni okuphakade (n. 168-181).

Isiqhubezo mayelana nokungena komuntu ekuphileni okuphakade (n. 182-189; naku 314-319).

Ukuthi ngaleyonkathi impilo yoMphefumulo noma yoMumoya injani (320-323).

Ezinye izibonelo zemicabanga yeMimoya yokuthi yayicabangani ngoMphefumulo noma ngoMumoya ngenkathi isesemzimbeni wemvelo (n. 443-448).

Mayelana neZulu kanye neNjabulo yaseZulwini (n. 449-459; 537-546; 547-553).

Mayelana namaBandla abumba noma enza iZulu (n. 684-691).

Mayelana nesiHogo (n. 692-700).

Mayelana neziHogo zalabo abebebuswa yiNzondo, ukuPhindisa, noluNyae ezimpilweni zabo zemvelo (n. 814-823).

Mayelana neziHogo zalabo abebebuswa wukuPhinga neSigweba; mayelana futhi neziHogo zabaKhohlisi nezabaThakathikazi (n. 824-831).

Mayelana neziHogo zabaHahayo; namayelana neJerusalema eliNgcolile, nabaPhangi eHlane; namayelana nothuvi obugcwele eziHogweni zalabo abebecwile ezinjabulweni zomzimba noma zezinzwa besaphila emhlabeni wemvelo (n. 938-946).

Mayelana nezinye iziHogo ezehlukile kulezi esezibalwe ngenhla (n. 947-970).

Mayelana neziNcithakalo (n. 1106-1113).

Go to section / 10837  

Next →

From Swedenborg's Works

 

Izimfihlakalo Zezulu #320

Izimfihlakalo Zezulu (Ihunyushwe ngu Z.T. Zungu)  

Study this Passage

Go to section / 10837  

← Previous    Next →

320. ISAHLUKO SESINE.

MAYELANA NESIMO SEMPILO YOMPHEFUMULO NOMA YOMUMOYA.

Malungana nesihloko sempilo kabanzi yemiphefumulo, okungukuthi, yabantu abasandakufa basebeba yimimoya, ulwazi esengiluzuzile ngaso lukubeka ngokuchachile kimi ukuthi lapho umuntu engena empilweni engemuva kokufa, akazi ukuthi usengene kwenye impilo, kepha ucabanga ukuthi usesemhlabeni wemvelo, ucabanga ngisho nokuthi usesemzimbeni wakhe wemvelo. Kangangoba lapho etshelwa ukuthi usewumumoya, uyamangala, ashaqeke. Ushaqeka ngoba, okokuqala, uzibona ewumuntu ophelele ngokusukela ezinzweni zakhe, ezinkanukweni zakhe, nemicabango yakhe. Ushaqeka futhi ngoba esaphila emhlabeni wemvelo wayengakholwa ukuthi kukhona into ewumumoya, noma, njengoba kwenzeka kwabanye abantu, ukuthi kanti umumoya uyilento abayibonayo.

Go to section / 10837  

← Previous    Next →

   Study this Passage
Other New Christian Commentary

Translate: