The Bible

 

Genesis 3

Study

   

1 Sed et serpens erat callidior cunctis animantibus terræ quæ fecerat Dominus Deus. Qui dixit ad mulierem : Cur præcepit vobis Deus ut non comederetis de omni ligno paradisi ?

2 Cui respondit mulier : De fructu lignorum, quæ sunt in paradiso, vescimur :

3 de fructu vero ligni quod est in medio paradisi, præcepit nobis Deus ne comederemus, et ne tangeremus illud, ne forte moriamur.

4 Dixit autem serpens ad mulierem : Nequaquam morte moriemini.

5 Scit enim Deus quod in quocumque die comederitis ex eo, aperientur oculi vestri, et eritis sicut dii, scientes bonum et malum.

6 Vidit igitur mulier quod bonum esset lignum ad vescendum, et pulchrum oculis, aspectuque delectabile : et tulit de fructu illius, et comedit : deditque viro suo, qui comedit.

7 Et aperti sunt oculi amborum ; cumque cognovissent se esse nudos, consuerunt folia ficus, et fecerunt sibi perizomata.

8 Et cum audissent vocem Domini Dei deambulantis in paradiso ad auram post meridiem, abscondit se Adam et uxor ejus a facie Domini Dei in medio ligni paradisi.

9 Vocavitque Dominus Deus Adam, et dixit ei : Ubi es ?

10 Qui ait : Vocem tuam audivi in paradiso, et timui, eo quod nudus essem, et abscondi me.

11 Cui dixit : Quis enim indicavit tibi quod nudus esses, nisi quod ex ligno de quo præceperam tibi ne comederes, comedisti ?

12 Dixitque Adam : Mulier, quam dedisti mihi sociam, dedit mihi de ligno, et comedi.

13 Et dixit Dominus Deus ad mulierem : Quare hoc fecisti ? Quæ respondit : Serpens decepit me, et comedi.

14 Et ait Dominus Deus ad serpentem : Quia fecisti hoc, maledictus es inter omnia animantia, et bestias terræ : super pectus tuum gradieris, et terram comedes cunctis diebus vitæ tuæ.

15 Inimicitias ponam inter te et mulierem, et semen tuum et semen illius : ipsa conteret caput tuum, et tu insidiaberis calcaneo ejus.

16 Mulieri quoque dixit : Multiplicabo ærumnas tuas, et conceptus tuos : in dolore paries filios, et sub viri potestate eris, et ipse dominabitur tui.

17 Adæ vero dixit : Quia audisti vocem uxoris tuæ, et comedisti de ligno, ex quo præceperam tibi ne comederes, maledicta terra in opere tuo : in laboribus comedes ex ea cunctis diebus vitæ tuæ.

18 Spinas et tribulos germinabit tibi, et comedes herbam terræ.

19 In sudore vultus tui vesceris pane, donec revertaris in terram de qua sumptus es : quia pulvis es et in pulverem reverteris.

20 Et vocavit Adam nomen uxoris suæ, Heva : eo quod mater esset cunctorum viventium.

21 Fecit quoque Dominus Deus Adæ et uxori ejus tunicas pelliceas, et induit eos :

22 et ait : Ecce Adam quasi unus ex nobis factus est, sciens bonum et malum : nunc ergo ne forte mittat manum suam, et sumat etiam de ligno vitæ, et comedat, et vivat in æternum.

23 Et emisit eum Dominus Deus de paradiso voluptatis, ut operaretur terram de qua sumptus est.

24 Ejecitque Adam : et collocavit ante paradisum voluptatis cherubim, et flammeum gladium, atque versatilem, ad custodiendam viam ligni vitæ.

   

From Swedenborg's Works

 

Coronis #60

Study this Passage

  
/ 60  

60. Sequentur nunc Collecta de Adventu Domini, ex prophetiis Verbi Veteris, quae sunt [haec]:

Jehovah Deus dixit, "Ecce veni; in volumine Libri scriptum est de Me" (Psalmuss 40:7 1 );

"Jehovah Deus dixit Serpenti,.... Maledictus esto..... Inimicitiam ponam inter te et mulierem, et inter semen tuum et Semen ejus, et Hoc conculcabit tibi caput, tu autem laedes calcaneum" (Gen. 3:14, 15 2 );

"Non recedet sceptrum a Jehudah, nec legislator ab inter pedes ejus, usque dum veniat Schiloh; Huic adhaesio populorum" (Genesis 49:9-12);

in prophetico Israelis Patris de filiis suis.

Orietur Stella ex Jacobo, et surget Sceptrum ex Israele" (Numeri 24:17);

"Prophetam e medio, de fratribus tuis, sicut me, excitabit tibi Jehovah Deus tuus; Huic obedietis..... Et dabo verba mea in ore Ejus..... Unde fiet quod vir qui non obediverit verbis" Ejus, "Ego quaeram cum illo" (Deuteronomius 18:15-19);

"Dat Adonai Ipse vobis signum; Ecce Virgo concipiet et pariet Filium, et vocabit nomen, Deus nobiscum 3 " (Esaias 7:14);

"Puer natus est nobis, Filius datus est nobis, super cujus humero Principatus; vocabitur Nomen Ejus Mirabilis, Consilarius, Deus, Heros, Pater aeternitatis, Princeps pacis. Multiplicanti principatum non erit finis" (Esaias 9:6, 7 4 );

"Exibit Virga de trunco Jischaji, et surculus e radice ejus fructum feret. Quiescet super Eo spiritus sapientiae et intelligentiae, spiritus concilii et virtutis" (Esaias 11:1-5);

"In die illo Radicem Jischaji, quae stans in signum populorum, gentes quaerent, et erit quies Ejus gloria" (Esaias 11:10);

"Mittite agnum Dominatoris terrae de petra versus desertum;....firmatus est per misericordiam thronus Ejus, et sedit 5 super eo in veritate in tabernaculo Davidis, judicans et quaerens judicium et festinans justitiam" (Esaias 16:1, 5);

"Dicetur in die illo, Ecce Deus noster Hic, quem exspectavimus, ut liberet nos; Hic Jehovah quem exspectavimus; exultemus et laetemur in salute Ipsius" (Esaias 25:9; cap. 26:8, 9);

"Vox clamantis in deserto, Parate viam Jehovae, complanate in solitudine semitam Deo nostro.....Revelabitur gloria Jehovae, et videbunt omnis caro simul" (Esaias 40:3, 5);

"Super montem altum ascende, evangelizatrix Zion; extolle cum virtute vocem tuam, evangelizatrix Hierosolyma;.... dic urbibus Jehudae, Ecce Deus vester. Ecce Adonai Jehovih in forti venit, et brachium Ejus dominabitur Ipsi; ecce, merces Ejus cum Ipso.....Sicut pastor gregem suum pascet, in brachium suum colliget agnos, et in gremio suo portabit, lactentes leniter ducet" (Esaias 40:9-11);

Cognoscet populus meus nomen meum in die illo, nam Ego Ille qui loquens, Ecce Me. Quam jucundi sunt super montibus pedes evangelizantis, audire facientis pacem, evangelizantis bonum, audire facientis salutem, dicentis Zioni, Regnat Deus 6 tuus.....Tollent vocem et cantabunt, cum oculo ad oculum viderint quod revertatur Jehovah Zionem. Consolatus est [Jehovah] populum suum, redemit Hierosolymam;.... viderunt 7 omnes fines terrae salutem Dei nostri" (Esai. 52:6-12);

"Dicite filiae Zionis, Ecce Salus tua venit; merces Ejus cum Illo, et pretium operae coram Ipso" (Esai. 62:2);

"Jubila et laetare, filia Zionis; ecce Ego veniens, ut habitem in medio tui.....Tunc adhaerebunt gentes multae Jehovae" (Zach. 2:10, 11 8 ).;

Exulta valde, filia Zionis; clange, filia Hierosolymae; ecce Rex tuus venit tibi, justus" (Zach. 9:9);

"Ecce dies venient.... cum suscitabo Davidi Germen justum, qui regnabit Rex et prosperabitur, facietque judicium et justitiam in terra;.... et hoc nomen Ipsius,.... Jehovah Justitia nostra" (Jeremias 23:5, 6; cap. 33:15, 16);

"Ecce Ego mittens angelum meum, qui parabit viam ante Me; et subito veniet ad templum suum Dominus quem vos quaeritis, et Angelus 9 foederis quem vos desideratis; ecce veniet" (Malachias 3:1);

"Tu Bethlechem Ephrataea, parum est ut sis inter millenas Jehudae; ex te Mihi exibit qui erit Dominator in Israele, et cujus exitus ab antiquo, a diebus aeternitatis;....stabit et pascet in robore Jehovae,....et crescet usque ad fines terrae" (Micham 5:2, 4 10 );

"Ego inungo Regem meum super Zionem.... Annuntiabo de statuto, Jehovah dicit ad Me, Filius meus Tu, Ego hodie genui Te; pete a Me, et dabo gentes haereditatem tuam; et posessionem tuam fines terrae..... Osculamini Filium, ne irascatur, et pereatis in via;....beati omnes confidentes in Ipso" (Psalm. 2:6-12 11 );

"Ecce Deus salutis meae, confidam et non timebo.... Exclama et jubila, habitatrix Zionis, quia magnus in medio tui Sanctus Israelis" (Esaias 12:1-6);

"In die illo respiciet homo ad Factorem suum, et oculi ejus ad Sanctum Israelis spectabunt" (Esaias 17:7);

"Vinea fuit Dilecto meo in cornu [filii] olei" (Esaias 5:1);

"Jehovah Zabaoth, Hunc sanctificabitis,....erit in sanctuarium, licet in lapidem impulsus, et in petram offendiculi,....et in laqueum et in tendiculam[II] habitatori Hierosolymae" (Esaias 8:13, 14; Matthaeus 21:42-44; Luca 20:17, 18);

"Populus ambulantes in tenebris viderunt 12 Lucem magnam; habitantes in terra umbrae mortis Lux effulsit 13 super eos" (Esaias 9:1 [Biblia Anglia 2]);

"[E] Zione....Deus effulgebit. Veniet Deus noster, et non tacebit" (Psalmuss 1:2, 3);

"Adhuc visio in tempus constitutum, et effatur in finem, non tamen mentietur; si morabitur 14 exspecta Illum, quia veniendo veniet, non procrastinabitur" (Hab. 2 [2] 3);

"Jehovah, audivi famam tuam; reveritus sum, Jehovah, opus tuum; in medio annorum praesens fac illud.....Deus e Themane veniet, et Sanctus de monte Paran.....Texit caelos honor Ejus, et laude Ejus impleta est terra. Splendor Ejus sicut lux erit, radii e manu Ejus Ipsi, et ibi occultatio roboris Ipsius" (Habakuk 3:2, 3, 4, 13, 18, 19);

"Sic dixit Adonai Jehovih, Ecce Ego [qui] fundabit in Zione lapidem, lapidem probationis, angulum pretii, fundationis fundatae 15 ;....tunc ponam judicium in regulam, et justitiam in perpendiculum" (Esaias 28:16, 17).

Describitur Dominus quoad Verbum, apparens super expanso cheruborum, et vocatur

"Adonai Jehovih" (Ezechiel 1:26-28; cap. 2:4; 3:11, 27; cap. 4:14; cap. 5:7, 11 ; cap. 6:3, 11[4]; cap. 7:2, 5; cap. 8:1).

Apud Esaiam in toto capite 53, agitur de Domino, et describitur status vitae Ipsius in mundo, per haec:

Quod non fuerit forma Illi, neque honor ([vers. 1, 2]); Quod contemptus et non reputatus ([vers. 3]);

Quod confossus ob praevaricationes nostras, [et] contusus ob iniquitates nostras ([vers. 4, 5]);

Quod Jehovah incurrere fecerit in Ipsum iniquitates omnium nostrum ([vers. 6]);

Quod sicut Agnus ad mactationem doctus ([vers. 7]);

Quod excisus e terra viventium ([vers. 8, 9]);

Quod quia posuit animam reatum suum, prolongarentur dies Ejus ([vers. 10]);

Et [quod] pro eis exinaniverit ad mortem usque animam suam ([vers. 11, 12]);

Quod cum praevaricatoribus numeratus sit, et pro praevaricatoribus intercesserit ([vers. 12]).

"Ego excitavi Illum in justitia;....Ille aedificabit urbem meam, et captivitatem meam dimittet, non pretio, neque munere.....Profecto Tu Deus occultus, Deus Israelis, Salvator" (Esaias 45:13, 15[6]);

"Appropinquare feci Justitiam meam,....et Salus mea non morabitur" ([Esaias 46:13]);

Quoad Redemptorem nostrum, Jehovah Zebaoth nomen Ejus, et Sanctus Israelis" (Esaias 47:4);

"Jehovah, Domine noster, quam magnificum est Nomen tuum in universa terra, cui dare 16 honorem super caelos....Carere Eum fecisti paululum prae angelis sed gloria et honore coronasti Eum. Dominari fecisti Eum super opera manuum tuarum; omnia posuisti sub pedes Ipsius" (Psalmuss 8:2, 6, 7, 10 [Biblia Anglia Psalmuss 8:1, 5, 6, 9]);

"Deus....descendet sicut pluvia super herbam,....et dominabitur a mari usque ad mare, et a flumine usque ad fines terrae. Coram Ipso incurvabunt se barbari, et hostes Ejus pulverem lambent. Reges Tharschisch et insularum munus suum adducent, reges Schebae et Sebae donum suum adferent. Incurvabunt se Ipsi omnes reges, omnes gentes servient Ipsi; quia liberabit miserum, cui non auxilians.....A dolo et violentia redimet.

[1] animam eorum.....Erit nomen Ipsius in aeternum; ante solem nomen Filii habebit, et benedicentur in Eo.....Benedictus [Jehovah] Deus, DeusIsraelis;.... benedictum nomen gloriae Ipsius;.... implebitur gloria Ipsius omnis terra. Amen et Amen" (Psalmuss 72:1-19).

[2] "Pepigi 17 foedus Electo meo:....In aeternum usque firmabo semen tuum, et aedificabo in generationem et generationem thronum tuum;....et confitebuntur caeli miracula tua" (Psalmuss 89:4, 5, 6 [Biblia Anglia Psalmuss 89:3, 4, 5]).

[Cetera desunt.]

Footnotes:

1. This reference has been corrected to match chapter/verse numbering in the English Bible text.

2. This reference has been corrected to match chapter/verse numbering in the English Bible text.

3. This reference has been corrected to match chapter/verse numbering in the English Bible text.

4. This reference has been corrected to match chapter/verse numbering in the English Bible text.

5. This reference has been corrected to match chapter/verse numbering in the English Bible text.

6. This reference has been corrected to match chapter/verse numbering in the English Bible text.

7. This reference has been corrected to match chapter/verse numbering in the English Bible text.

8. This reference has been corrected to match chapter/verse numbering in the English Bible text.

9. This reference has been corrected to match chapter/verse numbering in the English Bible text.

10. This reference has been corrected to match chapter/verse numbering in the English Bible text.

11. This reference has been corrected to match chapter/verse numbering in the English Bible text.

12. This reference has been corrected to match chapter/verse numbering in the English Bible text.

13. This reference has been corrected to match chapter/verse numbering in the English Bible text.

14. This reference has been corrected to match chapter/verse numbering in the English Bible text.

15. This reference has been corrected to match chapter/verse numbering in the English Bible text.

16. This reference has been corrected to match chapter/verse numbering in the English Bible text.

17. This reference has been corrected to match chapter/verse numbering in the English Bible text.

  
/ 60