New Christian Bible Study

The Bible

 

Ezechiel 5

Study

   

1 Et tu, fili hominis, sume tibi gladium acutum, radentem pilos, et assumes eum et duces per caput tuum et per barbam tuam, et assumes tibi stateram ponderis et divides eos.

2 Tertiam partem igni combures in medio civitatis, juxta completionem dierum obsidionis, et assumes tertiam partem, et concides gladio in circuitu ejus : tertiam vero aliam disperges in ventum, et gladium nudabo post eos.

3 Et sumes inde parvum numerum, et ligabis eos in summitate pallii tui :

4 et ex eis rursum tolles, et projicies eos in medio ignis, et combures eos igni, et ex eo egredietur ignis in omnem domum Israël.

5 Hæc dicit Dominus Deus : Ista est Jerusalem : in medio gentium posui eam, et in circuitu ejus terras.

6 Et contempsit judicia mea, ut plus esset impia quam gentes, et præcepta mea ultra quam terræ quæ in circuitu ejus sunt : judicia enim mea projecerunt, et in præceptis meis non ambulaverunt.

7 Idcirco hæc dicit Dominus Deus : Quia superastis gentes quæ in circuitu vestro sunt, et in præceptis meis non ambulastis, et judicia mea non fecistis, et juxta judicia gentium quæ in circuitu vestro sunt non estis operati,

8 ideo hæc dicit Dominus Deus : Ecce ego ad te, et ipse ego faciam in medio tui judicia in oculis gentium :

9 et faciam in te quod non feci, et quibus similia ultra non faciam, propter omnes abominationes tuas.

10 Ideo patres comedent filios in medio tui, et filii comedent patres suos : et faciam in te judicia, et ventilabo universas reliquias tuas in omnem ventum.

11 Idcirco vivo ego, dicit Dominus Deus, nisi pro eo quod sanctum meum violasti in omnibus offensionibus tuis et in cunctis abominationibus tuis, ego quoque confringam, et non parcet oculus meus, et non miserebor.

12 Tertia pars tui peste morietur, et fame consumetur in medio tui, et tertia pars tui in gladio cadet in circuitu tuo : tertiam vero partem tuam in omnem ventum dispergam, et gladium evaginabo post eos.

13 Et complebo furorem meum, et requiescere faciam indignationem meam in eis, et consolabor : et scient quia ego Dominus locutus sum in zelo meo, cum implevero indignationem meam in eis.

14 Et dabo te in desertum, et in opprobrium gentibus quæ in circuitu tuo sunt, in conspectu omnis prætereuntis :

15 et eris opprobrium et blasphemia, exemplum et stupor in gentibus quæ in circuitu tuo sunt, cum fecero in te judicia in furore, et in indignatione, et in increpationibus iræ.

16 Ego Dominus locutus sum : quando misero sagittas famis pessimas in eos, quæ erunt mortiferæ, et quas mittam ut disperdam vos : et famem congregabo super vos, et conteram in vobis baculum panis :

17 et immittam in vos famem et bestias pessimas, usque ad internecionem : et pestilentia et sanguis transibunt per te, et gladium inducam super te. Ego Dominus locutus sum.

   

From Swedenborg's Works

 

Arcana Coelestia #9335

Study this Passage

  
/ 10837  
  

9335. ‘Et multiplicetur super te fera agri’: quod significet affluxum falsorum ex jucundis amorum sui et mundi, constat ex significatione ‘multiplicari’ cum de remotione malorum et falsorum 1 festina, quod sit affluxus, et ex significatione ‘ferae agri’ quod sint falsa ex jucundis amorum sui et mundi; per bestias enim varii generis in Verbo significantur affectiones bonae et 2 malae, n. 9280, inde per ‘feras 3 ’ affectiones falsi oriundae ex jucundis amorum 4 sui e mundi; hae affectiones etiam repraesentantur per feras, ut per pantheras, tigrides, apros, lupos, ursos, in altera vita; sunt quoque sicut ferae, nam qui in illis 5 amoribus sunt, in omnis generis mali et inde falsis sunt, ac sicut ferae spectant et tractant 6 socios; quod ab illis amoribus omnia mala et falsa, videatur n. 2041, 2045, 2057, 2363 2364, 2444, 4750, 4776, 6667, 7178, 7 7255, 7364, 7366-7377, 7488 7490, 7491-7494, 7643, 8318, 8487, 8678.

[2] Quod affluant falsa ex illis amoribus per remotionem malorum et falsorum festinam, inde est quia bona et vera per successivam implantationem removebunt illa; falsa enim non nisi quam 8 a veris, et mala non nisi quam a bonis removentur; si hoc non successive et secundum ordinem fiat 9 , influunt falsa amoribus illis faventia, nam hi amores apud unumquemvis hominem antequam regeneratus est, regnant; et cum falsa influunt, tunc vera amplius non agnoscuntur; homo etiam 10 qui regeneratur, in affectione veri tenetur, in qua cum est, inquirit vera undequaque inter scientifica in naturali, et ibi tunc praesentant se fallaciae sensuum externorum, quae ibi multa copia sunt; ex illis, quando aspirant jucunda amorum sui et mundi, non nisi quam falsa 11 concludit, quae succedunt et implent mentem, si falsa mali subito removentur; haec sunt quae in sensu interno intelliguntur per non expellam illum ab ante te in anno uno, ne forte sit terra desolata, et multiplicetur super te fera agri; parum parum expellam illum ab ante te, usque dum fructificeris et heredites terram.

[3] Quod ‘fera’ sit falsum et malum ex amoribus sui et mundi, patet ex locis in Verbo ubi nominatur, ut apud Esaiam,

Erit ibi semita et via, quae via sanctitatis vocabitur; non transibit per eam immundus, non rapax ferarum ascendet illam, 12 35:8, 9:

apud Ezechielem,

Mittam super te famem et feram malam, ut orbam faciant te, 5:17:

apud eundem,

Quando feram malam transire fecero per terram, et orbaverit illam, et fiat desolatio, ita ut non transiens propter feram, 14:15:

apud eundem,

Super facies agri cades, ferae terrae et avi caeli dabo te in cibum, 29:5:

apud eundem,

Tunc excidam iis foedus pacis, et cessare faciam feram malam e terra, ut habitent in deserto confidenter: non erunt amplius praeda gentibus, et fera agri non amplius devorabit illos, 34:25, 28:

[4] apud Hoscheam, Devastabo vitem ejus et ficum ejus, et ponam eas in silvam, et comedet illas fera agri, 2:12:

apud eundem,

Lugebit terra, et contabescet omnis habitans in ea, pro fera agri et pro avi caelorum, 4:3:

apud Davidem,

Conculcat eam 13 aper e silva, et fera agrorum depascit eam; Deus Zebaoth, revertere et visita vitem Tuam, Ps. 80:14 [, Ps. 80:15] [KJV Ps. 80:13, 14]:

apud eundem,

Disponis tenebras ut fiat nox, in qua prodit omnis fera silvae, Ps. 104:20:

apud Moschen, Si in statutis Meis ambulaveritis, et praecepta Mea custodiveritis et feceritis ea, cessare faciam feram malam e terra: si vero statuta Mea reprobaveritis, mittam in vos feram agri, quae vastabit vos, Lev. 26:3, 6, 15, 22:

apud eundem,

Excutiet Jehovah Deus tuus gentes coram te paulatim, ne forte multiplicetur contra te fera agri, Deut. 7:22;

in illis locis ‘fera agri’, 14 ‘fera terrae’, et ‘fera silvae’, pro falsis et malis quae sunt amorum sui et mundi.

[5] Quia per ‘feram’ significatur falsum, et falsum ex duplici origine est, nempe ex malo et ex bono 15 , n. 9258, quapropter per ‘feram’ in Verbo etiam significantur gentes probae, quae tametsi in falso, usque tamen in probo vitae 16 sunt; in hoc sensu ‘fera’ dicitur 17 apud Davidem,

Mihi omnis fera silvae, et bestiae in montibus milium; novi omnem avem montium, et fera agrorum Meorum Mecum, Ps. 50:10, 11:

apud eundem,

Laudate Jehovam, fera et omnis bestia, Ps. 148:7, 10:

apud Esaiam,

Omnis fera agrorum Meorum, venite ad comedendum, omnis fera in silva, 56:9:

apud Ezechielem,

In ramis cedri, quae Aschur, nidificarunt omnes aves caelorum, et sub ramis ejus pepererunt omnis fera agri; ac in umbra ejus habitarunt omnes gentes magnae, 31:6.

Footnotes:

1. falsorum et malorum

2. vel

3. The Manuscript inserts agri.

4. amoribus

5. The following word or phrase is crossed out in the Manuscript, but it does appear in the first edition.

6. The Manuscript inserts ibi.

7. The following number or numbers appear out of sequence in both the Manuscript and the first Latin edition, but they have been reordered in this edition.

8. The editors of the third Latin edition made a minor correction here. For details, see the end of the appropriate volume of that edition.

9. fit

10. enim

11. The Manuscript inserts ex suasu jucundorum amorum sui et mundi.

12. The editors of the third Latin edition made a minor correction here. For details, see the end of the appropriate volume of that edition.

13. The editors of the third Latin edition made a minor correction here. For details, see the end of the appropriate volume of that edition.

14. The Manuscript inserts et.

15. probo, in the First Latin Edition and in the Second Latin Edition

16. The following word or phrase is crossed out in the Manuscript, but it does appear in the first edition.

17. ut

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

©2024 New Christian Bible Study Corporation. All rights reserved. Printed from newchristianbiblestudy.org