New Christian Bible Study

The Bible

 

Ezechiel 47

Study

   

1 Et convertit me ad portam domus, et ecce aquæ egrediebantur subter limen domus ad orientem : facies enim domus respiciebat ad orientem, aquæ autem descendebant in latus templi dextrum, ad meridiem altaris.

2 Et eduxit me per viam portæ aquilonis, et convertit me ad viam foras portam exteriorem, viam quæ respiciebat ad orientem : et ecce aquæ redundantes a latere dextro.

3 Cum egrederetur vir ad orientem, qui habebat funiculum in manu sua, et mensus est mille cubitos, et traduxit me per aquam usque ad talos.

4 Rursumque mensus est mille, et traduxit me per aquam usque ad genua.

5 Et mensus est mille, et traduxit me per aquam usque ad renes. Et mensus est mille, torrentem quem non potui pertransire, quoniam intumuerant aquæ profundi torrentis, qui non potest transvadari.

6 Et dixit ad me : Certe vidisti, fili hominis. Et eduxit me, et convertit ad ripam torrentis.

7 Cumque me convertissem, ecce in ripa torrentis ligna multa nimis ex utraque parte.

8 Et ait ad me : Aquæ istæ quæ egrediuntur ad tumulos sabuli orientalis, et descendunt ad plana deserti, intrabunt mare et exibunt : et sanabuntur aquæ.

9 Et omnis anima vivens, quæ serpit quocumque venerit torrens, vivet : et erunt pisces multi satis, postquam venerint illuc aquæ istæ : et sanabuntur et vivent omnia ad quæ venerit torrens.

10 Et stabunt super illas piscatores, ab Engaddi usque ad Engallim siccatio sagenarum erit : plurimæ species erunt piscium ejus, sicut pisces maris magni, multitudinis nimiæ.

11 In littoribus autem ejus, et in palustribus, non sanabuntur, quia in salinas dabuntur.

12 Et super torrentem orietur in ripis ejus, ex utraque parte, omne lignum pomiferum : non defluet folium ex eo, et non deficiet fructus ejus : per singulos menses afferet primitiva, quia aquæ ejus de sanctuario egredientur : et erunt fructus ejus in cibum, et folia ejus ad medicinam.

13 Hæc dicit Dominus Deus : Hic est terminus in quo possidebitis terram in duodecim tribubus Israël : quia Joseph duplicem funiculum habet.

14 Possidebitis autem eam singuli æque ut frater suus, super quam levavi manum meam ut darem patribus vestris : et cadet terra hæc vobis in possessionem.

15 Hic est autem terminus terræ : ad plagam septentrionalem, a mari magno via Hethalon, venientibus Sedada,

16 Emath, Berotha, Sabarim, quæ est inter terminum Damasci et confinium Emath, domus Tichon, quæ est juxta terminum Auran.

17 Et erit terminus a mari usque ad atrium Enon, terminus Damasci : et ab aquilone ad aquilonem, terminus Emath plaga septentrionalis.

18 Porro plaga orientalis de medio Auran, et de medio Damasci, et de medio Galaad, et de medio terræ Israël, Jordanis disterminans ad mare orientale. Metiemini etiam plagam orientalem.

19 Plaga autem australis meridiana, a Thamar usque ad aquas contradictionis Cades, et torrens usque ad mare magnum : et hæc est plaga ad meridiem australis.

20 Et plaga maris, mare magnum a confinio per directum, donec venias Emath : hæc est plaga maris.

21 Et dividetis terram istam vobis per tribus Israël :

22 et mittetis eam in hæreditatem vobis, et advenis qui accesserint ad vos, qui genuerint filios in medio vestrum : et erunt vobis sicut indigenæ inter filios Israël : vobiscum divident possessionem in medio tribuum Israël.

23 In tribu autem quacumque fuerit advena, ibi dabitis possessionem illi, ait Dominus Deus.

   

From Swedenborg's Works

 

Arcana Coelestia #9207

Study this Passage

  
/ 10837  
  

9207. ‘Et filii vestri orphani’: quod significet quod simul tunc vera, nempe peribunt, constat ex significatione ‘orphanorum’ quod sint qui in vero 1 et nondum in bono, et usque desiderant bonum, de qua 2 n. 9198, hic qui in vero 3 sed non desiderant bonum, ita apud quos vera pereunt, nam dicitur de malis quorum filii fient orphani. Quod vera pereant apud illos qui non desiderant bonum, patet ab illis quae mox supra n. 4 9206 de conjunctione boni et veri dicta sunt. Quomodo cum illa conjunctione se habet, porro dicendum est: vera quae conjuncta bono sunt, in se semper desiderium faciendi bonum habent, et simul per id se artius conjungendi cum bono; seu quod idem, illi qui in veris sunt semper desiderant facere bonum, et sic conjungere id suis veris; quapropter qui credunt se in veris esse et non desiderant facere bonum, illi non in veris sunt, hoc est, in fide illorum, utcumque putant quod sint;

[2] hoc describitur a Domino per ‘salem’ apud Matthaeum, Vos estis sal terrae; quod si sal infatuetur, per quid salietur? ad nihil conducet amplius, nisi ut projiciatur foras et conculcetur ab hominibus, 5:13, 14;

haec dicit Dominus ad discipulos et ad populum; per ‘salem terrae’ intelligitur verum Ecclesiae quod desiderat bonum, per ‘salem infatuatum’ intelligitur verum absque desiderio ad bonum 5 ; quod tale verum ad nihil prosit, describitur per quod sal infatuatum 6 ad nihil conducat amplius, nisi ut projiciatur foras et conculcetur 7 ; desiderare bonum est desiderare facere bonum, et sic conjungi bono:

[3] apud Marcum, Omnis igne salietur, et omne sacrificium sale salietur; bonum est sal, si autem sal 8 insulsum fit, quonam id condietis? habete in vobis salem, et pacem colite inter vos invicem, 9:49, 50;

‘igne saliri’ est desiderium boni ad verum, et ‘sale saliri’ est desiderium veri ad bonum, ‘sal insulsum’ est verum absque desiderio ad bonum, ‘habere in se salem’ est id desiderium:

[4] apud Lucam, Omnis ex vobis qui non abnegat omnes suas facultates non potest Meus esse discipulus; bonum 9 sal est, si vero sal infatuatum fuerit, per quid condietur? neque in terram neque in 10 sterquilinium commodum est; foras projiciunt id, 14 [33, ] 34, 35; hic similiter ‘sal’ pro vero desiderante bonum, et ‘sal infatuatum’ pro vero quod est absque desiderio ad bonum; ‘non commodum in terram nec in 11 sterquilinium’ pro quod prorsus non conducat ad aliquem usum, neque bonum neque malum; qui sunt 12 in tali vero sunt 13 qui vocantur tepidi, quod patet ab illis quae praecedunt ‘quod non discipulus Domini esse possit qui non abnegat omnes suas facultates’, hoc est, qui non amat Dominum supra omnia; qui enim amant 14 Dominum, et quoque semet pari gradu, illi sunt qui vocantur tepidi, et qui non commodi sunt ad usum bonum nec ad usum malum 15 :

[5] apud Moschen, Omne munus minhae tuae sale salietur; nec cessare facies sal foederis Dei tui super minha 16 tua; super omni munere tuo offeres sal 17 , Lev. 2:13;

quod ‘in omni munere esset sal’ significabat quod desiderium veri ad bonum ac boni ad verum esset in omni cultu; inde quoque sal illud vocatur ‘sal foederis Dei’, foedus enim est conjunctio, n. 665, 666, 1023, 1038, 1864, 1996, 2003, 2021, 2037, 6804, 8767, 8778, et ‘sal’ est desiderium conjunctionis.

[6] Cum desiderat unum conjungi alteri reciproce, hoc est, bonum vero et verum bono, tunc se mutuo spectant; cum autem se divellit verum a bono, tunc se avertunt a se mutuo, et spectant retro aut 18 post se; hoc significatur per uxorem Lothi factam statuam salis, apud Lucam, Quicumque erit super domo et vasa illius in domo; ne descendito ad tollendum ea, et quicumque in agro similiter, ne revertatur in quae post illum; mementote uxoris Lothi, 17:31, 32;

quod id sit spectare post se seu retro, videatur n. 3652, 5895 fin. , 5897, 7857, 7923, 8505, 8506, 8510, 8516;

[7] quod ‘sal’ significet desiderium veri, est quia sal fertilem reddit 19 terram, et sapidum facit cibum, et quia 20 sali igneum et simul conjunctivum inest, sicut inest vero ardens desiderium ad bonum, et simul conjunctivum; statua salis 21 est disjunctio a vero 22 , nam 23 sal in opposito sensu significat destructionem et vastationem 24 veri, ut apud Zephaniam 2:9;

apud Ezech. 47:11; 25 apud Jeremiam 17:6;

apud Davidem Ps. 107:33, 34;

in Deut. 29:22 [KJV Deut. 29:23]; in libro Judicum 9:45;

et in libro 2 Regum 2:19-22. Haec allata sunt ut sciatur quid intelligitur per desiderium veri 26 ad bonum, et per desiderium boni ad verum 27 , quae per ‘orphanum’ et per ‘viduam’ significantur.

Footnotes:

1. vero altered to veris in the Manuscript, vera, in the First Latin Edition.

2. The Manuscript inserts supra.

3. vero altered to veris

4. The editors of the third Latin edition made a minor correction here. For details, see the end of the appropriate volume of that edition.

5. illo

6. infatuatis

7. The Manuscript inserts ab hominibus.

8. The editors of the third Latin edition made a minor correction here. For details, see the end of the appropriate volume of that edition.

9. The following two (or in some cases more) words are transposed in the Manuscript.

10. The editors of the third Latin edition made a minor correction here. For details, see the end of the appropriate volume of that edition.

11. The editors of the third Latin edition made a minor correction here. For details, see the end of the appropriate volume of that edition.

12. The Manuscript places this after vero.

13. The Manuscript inserts hic.

14. sed qui amat

15. malum aut bonum

16. The editors of the third Latin edition made a minor correction here. For details, see the end of the appropriate volume of that edition.

17. salem

18. seu

19. facit

20. The editors of the third Latin edition made a minor correction here. For details, see the end of the appropriate volume of that edition.

21. The Manuscript inserts hic.

22. veri a bono

23. The Manuscript inserts per.

24. significatur destructio et vastatio

25. The Manuscript places this after Jeremiam 17:6

26. The editors of the third Latin edition made a minor correction here. For details, see the end of the appropriate volume of that edition.

27. verum quod desiderat bonum, tum quid per bonum quod desiderat verum

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

©2024 New Christian Bible Study Corporation. All rights reserved. Printed from newchristianbiblestudy.org